خطة بحثية

, الجمعة، 26 فبراير 2010



جمعت العائلة الكريمة ولبوا جميعا" دعوات الحضور

زجزج افندى وبج بج المشهور بمجلة عض نفسك ودم الغزال وام العيال

المهم قلت لهم انه سوف يقوم بزيارتنا شخصية دينية عظيمة الاسبوع القادم

ايه رايكم يكون الاستقبال ازى وفى نفس الوقت الاستعدات للزيارة

فقالت ام العيال

من وجهة نظرى انك تعدل من نفسك و تبطل فلسفة كده وتساعدنى فى شغل البيت شوية

بدل الكتابة اللى هاتاكل نفوخك دى

على الاقل دى صفة حلوة اقولها للشخصية العظيمة دى

ضحكت كده وقولت يا باشا من عيون القلب

انتى عاوزانى يعنى انظم وقتى واخلى جزء منه جنبك وده طلب منطقى ماشى الكلام

اى حاجة تانية

قالت انت مالك كده هادى هادى ومطيع

كل ده علشان الزيارة اه منكوا يا رجالة

قلت يا ام العيال انتى كيان البيت كله

ولما حتى استغل الزيارة واتغير ده برضوا خطوة ايجابية

قاااااااااااالت ماشى

طب انتى بقى استعدادتك ايه

قالت بص بقى

هو مادام انه شخصية دينية وعظيمة زاى ما بتقول

يبقى نرفع شعار انى الدين اهم شيىء عندنا طول الاسبوع ده

بس كده يا ام العيال الاسبوع هايبقى نفاق ونعمل زاى الحكومة

احنا عاوزين لو بنعمل حاجة مش متوافقة مع اساس دينا

نصلحها بس يكون عالطول مش الاسبوع ده بس

قالت ما انت عارف يا ابو العيال نور ومهند ورتانا سينما والنيل للدراما واسكار للدراما

وام بى سى والحياه مسلسلات وووو

دول بحبهم اقوووووووى

ماهو يا ام العيال ممكن تحبيهم طبعا

بس لو كان فيه استفادة كده ومش مضعين الوقت

قالت عندك حق هما بياكلوا الوقت فعلا

وكنت زمان بعمل شوية تريكو واشوف مجلة حواء بتاعة التفصيل

لكن منهم لله بقى شاغلونى عن كل ده

يعنى انتى هاتبطلى افلام ودراما

قالت نبطل على الاقل افوق ليك شوية مش كده ولا مش عاوز

قلت طيب طيب امرنا لله فوقى فوقى يااااااااااااااااااارب قوينا

وانت يا عم زجزج باشا

قال يا بابا بعون الله هاشرفك اصلى ناوى اعمل خطة بحثية علشان مستقبلى اكون مخطط له صح

قلت استغفر الله خطة بحثية وهى الشخصية الدينية هاتحتاج خطة بحثية

قال يا بابا هو ده الجديد

الشخصية الدينية لازم تشوف انى

الدين دافع للتفوق والتغلب على الصعوبات من خلال الفكر المبتكر وتحديد هدف

لينا علشان نوصل لربنا واحنا خلفاء بجد

مش عيال خيخة كده زاى االجيل المايص بتاع البنطلونات الساقطة

قلت جباااااااااااار يا واد يا زجزج من يومك

وانت يا عم بج بج

قال بص يا بابا هابطل فى الاسبوع ده

ضرب العيال فى المدرسة واعاملهم كويس

ولما انادى على اى حد هاقوله باسمة بدل ما اغيظه واجتهد فى المدرسة ازيد

واحافظ على مواعيد الصلاة

لاءنى بجد كنت مقصر

امممممممممم جميل يا بجبج بجد

بس هاتستمر بعد كده ولا اسبوع وخلاص

قال يا بابا الصح مافيش احسن منه بس الواحد ساعات بيشتغل ضميره ويخدره

صح يا بج بج صح

وانت يا دم العزال

قال انا يابابا هابطل ارمى ورق من البلكونة

وكمان هاكنس امام البيت وانضفه كويس والسلالم كمان وهاساعد ماما

يااااااااااااااااا سلام عليك يا دم الغزال رائع رائع

وفى نفس واحد قالوا وانت يا بابا

قولت

كل واحد مننا محتاج تغير وكلنا جوانا طاقة

علشان نتغير بس ساعات بنحس جوانا احساس اننا مهزومين ومافيش امل

بس لو شوفنا نفسنا كويس واننا نقدر نتغير هانتغير

لاءن احنا معانا المنهج الصح

اللى بيحدد طريقنا بس احنا بنحاول فعلا نشتغل ضميرنا ونبكى على الاطلال

وانا هاوعدكم انى هاكون اول واحد اتغير

بعد اسبوع رن جرس الباب

روحت فتحت الباب والعيال ورايا كلهم لهفة يا ترى مين الشخصية

ولما فتح الباب

نور ورحمة هلت عليهم

قال ليهم انى

رسول الله

يااااااااااااااااااااااااااااااااااه

يا رسول الرحمة

نشتاق لرؤياك

يعجزالحرف ان يعبر عن فياض الاشتياق

تنساب منى دموعى حينما يهل سناك

يقولون ميلاد احمد قد اهل هناك

فيطير قلبى منطلقا يتمنى رؤية محياك

هل تحتضنى و تجعلنى المس يداك

يااااااااااااااااااااااا رسول النور

سنتك وقراءنك ضياء

هما العزة والرفعة و رمز الاقوياء

ياااااااااااا رسول الكون

اشتاقت لرؤياك الكائنات

كم تزينت اعين المحبين بالبكاء

واستمتعت الدموع بذكر خاتم الانبياء

ان كنت يا احمد احتاج فخرا وتيها

فيكفينى يا محمدا

انك رسولى حتى الفناء

صلى عليك الله يا ايها الرسول الانسان





وهنا لما فتح الباب

قال لى يا ابو العيال ظبطت بيتك ولا لسه

فرد زجزج

يااااااااااااااااااااااااااااااااااه الخطة البحثية

كانت محتاجة نور نور نور نور نور نور

ويكفى انى سوف اراك فى منامى يا نور كل الاوقات







على جنب


اتى عليا ميلادك يا احمدا (ص)

و طيات الالم تطوينى ولكنى

سأكتب عناوين من صبرك وحلمك على جبينى

سأجعل يا احمدا (ص) الالم متعتى ويقينى

وسأكون ذلك العبد الصابر طالما احتوت الدماء شراينى

وميلادك يا خير من وطأ الثرى

ميلادا" لنفسى

والالم سينزوى هناك كابيت عنكبوتى

تنساب من انسجته حبى لك ورفعة دينى

32 Response to "خطة بحثية"

SHAPE YOUR LIFE (ABOALI) Says:

عذرا ساءكون التعليق الاول
شاااااااااااااااكرا كل من تمنى لى السلامة
واعتذر عن استمرارى فى متابعتكم لحين اكتمال شفائى
خالص تقديرى

محمد فؤاد (صاحب عمود النور) Says:

اللهم صلى على محمد وبارك عليه
كل سنه وانت طيب يا ابو على

والف مليوووووون سلامة عليك وربنا معاك ويقويك
تسلم افكارك يا استاذ

ستيتة Says:

اللهم صلي على سيدنا محمد

من غير ما تتابع ندعو لك جميعا بظهر الغيب ويتقبل الله بمشيئته سبحانه

جميل جدا المعنى اللي وصلته

رغم اني طبعا اول ما شفت العنوان في الريدر عندي جاتلي شعرة وبقيت زي لطفي اللي في فيلم اسماعيل ياسين في مستشفى المجانين اللي على قناة ميلودي وروتانا والاوسكار

انا محدش يجيب سيرة الخطط البحثية خالص معايا
انا جالي انغلاق من ناحية الخطط وخاصة البحثية

أمل حمدي Says:

اللهم صلي على سيدنا محمد وعلى آله وصحبه وسلم

ألف حمد الله على السلامة يارب

وربنا يكمل شفاك على خير

بوست هايل ربنا يتقبل اللهم امين

غير معرف Says:

اللهم صلى على سيدنا محمد

ربنا يكرمك ويشفيك يااااارب

NOOR_ELMALAK2001 Says:

كل سنه وانت طيب
الف سلامه عليك
واتمنى ليك الشفاء
بجد بوست رائع
تسلم ايدك
ومقدمه الموضوع
احلى واحلى
ربنايكرمك كمان
وكمان

كلمات من نور Says:

صلى الله على محمد صلى الله عليه وسلم

ربي يتم عليك الشفاء يا أبو علي ويجعل لك و لأسرتك الطيبة نورا ....

حديث أبي هريرة
رضي الله عنه أنَّ رسول الله صلى الله عليه وسلم أتى المقبرة فقال:


السلام عليكم دار قوم مؤمنين، وإنا إن شاء الله بكم لاحقون،
وددت أنا قد رأينا إخواننا
قالوا أو لسنا إخوانك يا رسول الله؟
قال: أنتم أصحابي وإخواننا الذين لم يأتوا بعد
فقالوا: كيف تعرف من لم يأت بعد من أمتك يا رسول الله؟
فقال: أرأيت لو أنَّ رجلاً له خيلٌ غرٌ محجَّلة بين ظهري خيل دُهْم بُهْم
ألا يعرف خيله؟
قالوا: بلى يا رسول الله.
قال: فإنهم يأتون غراً محجَّلين من الوضوء، وأنا فَرَطهم على الحوض
ألا لَيُذَادَنَّ رجالٌ عن حوضي كما يُذاد البعير الضالُّ
أناديهم ألا هلمَّ
فيقال: إنهم قد بدَّلوا بعدك، فأقول سُحقاً سُحقاً .....


ربي يسقينا من يدى الحبيب المصطفى شربة لا نظمأ بعدها أبدا ويرضي ربي عنا كلنا ويصلح حالنا حتى نكون فخرا لرسول الله صلى الله عليه وسلم..تحياتي

جنّي Says:

السلام عليكم

كيف حالك يا عمنا .. ان شاء الله تكون بخير .. ونسأل الله تعالى ان يتم عليك شفائه ..

موضوع رائع صيغ بطريقة مبتكرة ..
اللهم صلي وسلم وبارك علي سيدي رسول الله ..

بس من فضلك استبدل ( ص ) بـ ( صلى الله عليه وسلم )..

لأني تذكرت أحد القهوجية الذي ذهب ليشتري أو يشاهد معرض للكتاب الاسلامي في شهر رمضان منذ مدة طويلة .. وقتح صاحبنا احد الكتب ليعرفنا انه يقرأ .. ثم نظر الينا مشدوها متسائلا : هو فيه نبي اسمه صلعم ؟ فانفجرنا من الضحك لأن الكتاب كان يضع لفظ ( صلعم ) خلف لفظ النبي مثلا : قال النبي ( صلعم ) ..
ووضح له احد الحاضرين القصد من صلعم ..
دي حكاية على الهامش علشان تضحك ..

سلام وتحية

غير معرف Says:

صلى الله على محمد وعلى آله وصحبه وسلم

فعلا لو تخيلنا زياره الرسول لنا .... لتغيرنا كثيييييييرا

تحياتي

عايش... ولكن !!!! Says:

الف سلامه عليك
واللهم صلى وسلم على سيدنا ونبينا محمد ابن عبد الله

ضحكات الحياة Says:

السلام عليكم

اللهم صلي و سلم علي افضل الخلق و المرسلين نبينا و حبيبنا محمد عليه افضل الصلاة و السلام

الف الف الف حمد لله علي السلامة

و بجد بوست تحفه و عجبتني قوي الشخصيات بذات زجزج جامد جدا

الشعب لابد له من حكومه تشكمه Says:

اللهم صلى على سيدنا محمد عليه افضل الصلاة والسلام بعدد من صلى عليه,وعدد من لم يصلى عليه,وعدد كما تحب ان يصلى عليه..

الف سلامه على حضرتك انا معرفش انك تعبان:(
يارب تقوم بالسلامه وتكون كويس ان شاء الله,الف سلامه مره تانيه.

ghorBty Says:

اللهمـ صلي وسلمـ علي سيدنا محمد

شفاك الله وعفاك ان شاء الله تكون بخير دلوقتي ..

سلمت يمناك

yara Says:

ايه النور ده يا ابو على.....نورت مدونتك من جديد واتمنى ان يتم الله شفاءك وتعود لنا بموضوعاتك الرائعه والهادفه وانت فى افضل واحسن حال.

بالنسبه لكلمات البوست فالبفعل لو تخيلنا موقف زياره الرسول صلى الله عليه وسلم لاحد منا فى بيته سنغيرمئات ومئات الاشياء حتى نكون فى صوره لائقه امام رسولنا الكريم وحتى ننظر اليه فنرى بسمته المطمئنه لنا...ولكننا بالفعل سنراه فى يوم لعله قريب فلماذا لا نستعد للقاؤه وكانه يطرق بابنا الان ولماذا لا نصمم هذا الخطه البحثيه فى حياتنا حتى نكون فى اتم الاستعداد للقاء وجه الله الكريم ....اعتقد اننا جمييييييييعانحتاج خطه بحثيه فى حياتنا لكى نستطيع ان نسير فى طريق يرضينا عن انفسنا ويرضى الله ورسوله عنا وستكون هذه الخطه مفتاح السعاده التى نرجوها.

على العموم المدونه كانت وحشاااانى جدا وكان واحشنى التعليق فيها.

متغبش عنا كتييير يا ابو على بقى ..فى انتظارك يا مصراوى قرييييييييييبا ان شاء الله

تحياتى لك

طوبه فضه وطوبه دهب Says:

ربنا يشفيك ويعفو عنك اللهم صلى وسلم عليك ياخير الانام

-_- Says:

تذكرون الاندلس ؟
الدين كان عنصرا في الحضارة

SHAPE YOUR LIFE (ABOALI) Says:

الى aboali
دايما يا ابوعلى مزعل الناس
منك لله بقى

تقديرى

SHAPE YOUR LIFE (ABOALI) Says:

الى عمود نور

ربنا يبارك لك يا محمد وان شاء يهب لك الله النور الجميل مع الرزق الوفير

تقديرى

SHAPE YOUR LIFE (ABOALI) Says:

الى الفاضلة الدكتورة ستيته
يا فندم خالص تقديرى لسيادتكم
والحمد الله اتحسن بفضل الله ودعواتكم

وان شاء الله نعمل احنا خطة لا نهرب منها وندعمها بالصبر والحماس

تقديرى لك يا فندم

SHAPE YOUR LIFE (ABOALI) Says:

الى الفاضلة امل حمدى

اشكرك شكر جميل وانعم الله عليكى بكل الخير الوفير واعانك وقواكى على كل اثيم

تقديرى لك يا انسانة

SHAPE YOUR LIFE (ABOALI) Says:

الى ستار فى السماء

خالص تقديرى لحضوركم وكل الدعوات لك بالصحة وراحة البال

قووووووولى امين

SHAPE YOUR LIFE (ABOALI) Says:

الى نور
الله يبارك فيكى يا انسانه
وربنا يهب لك كل الامل والرضا

خالص تقديرى

SHAPE YOUR LIFE (ABOALI) Says:

الى كلمات من نور

ربنا يبارك فى حضرتك ويديم عليكى كل البركة والخير

تعليقك يضيف لى معرفة ويقين باءننا يوما
سنقترب من كل ماهو خير فى حياتنا ان شاء الله

مادام فينا من يذكرنا بذلك النور

خااااااااااااااااااالص دعواتى
باءن يزيدك الله نورا فى حياتك وعند الصراط وتتمتعى برؤية المننان

اللهم امين

SHAPE YOUR LIFE (ABOALI) Says:

الى جنى

هههههههههههههه
اخى سعيد باشا والله كم سعدت عندما قراءت تعليقك

واللى مايعرفش نعلمه يا انسان
علشان الناس تفهم وتعرف ولولا انها كتبت بهذه الطريقة ماكان الرجل فهمها

ادام الله عليك كل الخير يا انسان يا غالى
ودعواتك لى

شكرى لك

SHAPE YOUR LIFE (ABOALI) Says:

الى فتاه من الصعيد

اكيد كلامك صح يا انسانه

ربنا يبارك فى عمرك ويهب لك كل جميل

تحياتى

SHAPE YOUR LIFE (ABOALI) Says:

الى عايش ولكن

اللهم صلى على خير الانام يااااارب

ربنا يبارك ليك ويهب لك حسن العمل وحسن الخلق وحسن الجميل من كل خير

تحياتى

SHAPE YOUR LIFE (ABOALI) Says:

الى ضحكات الحيان

ربنا يبارك ليك يا انسان ويزيد من بسمتك للحياه وينعم عليك بكل ضحكة ونعمة تقربك منه

خالص تقديرى

SHAPE YOUR LIFE (ABOALI) Says:

الى الشعب محتاج حكومة

الله ينعم عليكى بكل طيب يا انسانة
وكلنا بنتعب والحمد لله كلنا ثقة اننا سنكون فى الميعاد دوما نحمل كل البسمة ان شاء الله


شكرى وتقديرى


والف مبروك ولالالالالالالالالالاايه

SHAPE YOUR LIFE (ABOALI) Says:

الى غربتى

اولا مبببببببببببببببببببببروك يا انسانة

وان شاء الله يتم عليكى كل الفرح

ودعواتك لى


شكرى وتقديرى

SHAPE YOUR LIFE (ABOALI) Says:

الى يارا

فعلا يا يارا خطة البحث موجودة من الاساس فينا ومعنا كل عناصر النجاح نحتاج فقط
ان نزيل عليها ذلك العبث والضباب الذى يغطينا كل يوم بدل من ان نواجهه ونتسلح باليقين والمعرفة


ربنا يهب لك يا يارا كل ما تسعدى به فى حياتك وعند لقاء ربك تكونى من المقربين وعند مقابلة رسولك تكونى من الفرحين

ودعواتك يا انسانة

SHAPE YOUR LIFE (ABOALI) Says:

الى طوبة من ذهب


ربنا يمتعتك بكل الحب والخير يا انسانة

قريت بوستك الاخير

ماشاء الله هما دول ولاد حوا
اوووومال

ربنا يحبب فيكى خلقه

دى دعوة امى

خالص تقديرى

SHAPE YOUR LIFE (ABOALI) Says:

الى شارم

ونتذكر نحن الان انفسنا لنبنى الداخل ونتجه للخارج

خالص تقديرى