بص وشوف

, السبت، 6 فبراير 2010


شدنى سؤال البعض عن سبب وضعى للصورة اعلاه فى موضوع تركيب البوجيهات

ونبهنى هذا السؤال الى كتابة موضوع عن التأمل

التأمل هو اللغة الحوارية التى تربط اجزاء الانسان الداخلية بخارجه

هو وسيلة الاتصال الحر التى لا نحتاج الى دفع نقود من اجلها

مكاسب التأمل

التاءمل كالبحر فى نهاية اليوم يلفظ كل ما كان لا ينتمى اليه

لذا التأمل يقذف بكل الضغوطات التى مرت خلا ل اليوم الى منطقة اللا عودة

التأمل تمرين لا يحتاج الى مجهود وقوة اذا مارسته بشكل صحيح يعطيك الاسترخاء والطمائنية التى ننشدها

يخلق لك تلك الروح السامية التى تسمو الى الابداع والابتكار

كيف نتأمل

لكى تتأمل يجب ان نعلم ان التأمل لن يخلصنا من الضغوطات

التى نتعرض لها فى حياتنا ولكنه يمكننا من التعامل معها بأسلوب عملى وايجابى دون التعرض لازمات نفسية

لذا اذا اردت ان تتأمل فاستعد

توضأ وطهر نفسك فاءن النظافة راحة وبلسما"

اذهب واشترى ملابس فضفاضه واسعة تريحك وترتاح فيها

لا تكثر من الطعام الدسم ثلث لطعامك وثلث لهوائك وثلث لشرابك

ثلاث ارباع جسدك ماء فاشرب واجعل الماء يتغلل فى ثناياك

اذهب الى مكان فى بيتك او خارجه ترتاح فيه وتشعر فيه بالهدوء ثم اغمض عينك او افتحها واسرح بخيالك

تنفس بعمق وتنهد


اكثر وقت تنجح فيه عملية التأمل فى وقت الشروق صباحا

مع بزوغ وظهور ذلك الضوء الفاصل بين الظلام والشروق


بما سنشعر ؟

سنشعر بنمو ذلك الصفاء والوعى الداخلى الذى سيكون قاطرة لنا

فليس هناك شخص قادر على احداث السعادة فى داخلنا الا انفسنا

قد يأخذ البعض الكلام السابق بشكل فلسفى غير عملى ولكن لينظر كل واحد منا الى نفسه

ويسئل

هل اصبح يعانى من السربعة

هل اصبح يعانى من العصبية

هل اصبح يعانى من الكوابيس وتناطع الاحلام

هل اصبح يعانى من انعدام الوزن

هل اصبح يعانى من النسيان

هل اصبح يعانى من التوهان

هل اصبح يوم غدا مثل يوم امس

ووووو

اذا كنت بالفعل تعانى من اى من تلك الاشياء فأنت تحتاج الى التأمل


وعند العودة الى الصورة فى اعلى والتأمل فيها

سنجد صورة حماران مخططان يقال لهما انهما حماران وحشييان ظاهرة فى مراة سيارة

يوجد بين الحماران حالة تألف كما يظهر فى الصورة من خلال المراءة

اذا دققنا اكثر سنجد االالوان ابيض واسود لا يختلف عليه اثنان

عندما قراءت تعليق يارا

قولت لن يختلف عليه اثنان فمعالمه واضحة متناسقة فى حنو

ولكن بدل ان يكون صورة الحماران فى تألفهما بالمراءة فى خلفية السيارة

كان لابد علينا ان نضعهما امامنا لنحسن الرؤية

وهذه كانت دعوة ان نضع تركيب البوجيهات فى الامام وليس خلف مراءة العقل والنفس




هذا كان تأمل فى صورة

احببت ان اذكر بها نفسى

وادعو روحى لتهدأ

فهناك رب خلقها وقادر على جمع شتاتها

21 Response to "بص وشوف"

موناليزا Says:

تعليقى الداخلى اول ماشوفت الصورة
ماشاء الله على من لمح هذا المشهد واستطاع أن يصوره بهذه البراعة
بجد كاميرة فنان

أمل حمدي Says:

وأنا ايضاادعو روحى لتهدأفهناك رب خلقها وقادر على جمع شتاتها

شمس النهار Says:

اللي اخد الصورة شاطر

واللي كتب البوست اشطر


:)

سلامي

غير معرف Says:

لمحت التألف الجميل بين الحمارين في الصوره

منظر جميل وبوست اجمل :)

تحياتي

نـــــور Says:

مش عادتى اقول البوست جميل وتسلم ايدك واجرى

بس فعلا مايتقالش فيه غير جميل وفكرته جميله
والكلمتين اللى فى الاخر جمال والصورة اجمل واجمل

تسلم ايدك ياابو على

romansy Says:

التامل شئ مطلوب فى حياتنا مطلوب اننا نتامل طبيعه الكون نتامل شروقه وغروبه
نتامل عمرنا فى جميع مراحله
التامل شئ جميل فى حياتنا بيخلينا دايما نحمد ربنا ونشكره على اشياء كتير ونعم كتيره فى ايدينا

yara Says:

يا عييييينى يا ابو على يا مفكر ..حتى الصوره وراها معانى ودروس مستفاده مش مجرد منظر جميل .
كنت بالفعل متالق فى اختيارك لهذه الصوره لتعبرعن ما تريده بس بصراحه كنا فعلا محتاجين بوست توضيح(انت عارف بقى الفهم على القد)
بس فعلا التامل سلاح قوى جدا لمحاربه كثير من المعاناه النفسيه والتغلب على اثار ضغوطات الحياه على اذهاننا وفوق كل ذلك انه عباده قلبيه تزيد اليقين بداخلنا ,فالتامل بالفعل نعمه يغفل الكثيرون عنها واحيانا لا يجيدون استخدامها.
بحييك على موضوعك وتوضيحك فدائما ما تكتب معانى ان وجدت فى حياتنا ستصبح حتما حياه مختلفه نتمناها.

قلم رصاص Says:

"قد يأخذ البعض الكلام السابق بشكل فلسفى غير عملى ولكن لينظر كل واحد منا الى نفسه "

انا أؤيد حضرتك جدا في النقطة دي
خصوصا اني جربت دا قبل كدا وشعرت بنفس الشعور تقريبا ..!

التأمل فعلا يريح النفس ويجعلها أكثر صفاءا

تقبل مروري ياأستاذنا

dalia Says:

أغيب أغيب يا أبو على واجدت متأملا، هل تعلم ان التأمل في الطبيعة يجعلني في أحسن حال ويخلصني من الضغوط وأوحال العمل، دائما ما انظر الى الاشجار وهي تتعانق مع السماء فتتركز حواسي على أصوات حفيفها، وذقذقة العصافير ما أعذبها وهي تلحن أناشيد النشاط حتى صوت صرصور الليل يجعلني أشعر ان هذه الطبيعة ورائها مبدع فنان ليس كمثله فنان
تحياتي على اختيار الصورة وسامح تقصيرى ودوما الى الامام

كلمات من نور Says:

ممكن اقرا واعلق لما احس إني أحسن شوية؟؟؟علشان كلامكم محتاج قراءة ورد يليق بما كتب ونظرا لإني بامر الطب راسي تحت ورجليا فوق فالموضوع مش نافع إني أركز خالص بسبب ضغطي الواطي لدرجة وهمية ......دعواتكم ولي عودة في الغد إن شاء الله

SHAPE YOUR LIFE (ABOALI) Says:

موناليزا

مرحبا فى التعليق الاول
طب مافيش كلمتين عن البوست يا موناليزا
تفتحى بيهم نفسى
روحى يا شيخة ربنا




يسامحك

قوووووووووولى امين

SHAPE YOUR LIFE (ABOALI) Says:

الى الفاضلة امل حمدى

امين يارب يجعل نفوسنا هادئة
وايه اخبار التاءمل معاكى لم تذكرى


تحياتى الراقية

SHAPE YOUR LIFE (ABOALI) Says:

الى الحاجة شمس النهار

يااااااااااسلام على الدبلوماسية العليا

فى المختصر المفيد يا فندم
منوارنى يا انسان يا راقى

SHAPE YOUR LIFE (ABOALI) Says:

الى فتاة من الصعيد

تحية لاول زيارة صعيدية للمدونة

وسعيد انى الحمارين شاهدتى التاءلف بينهما ولحظات الحنين

بس شوفتى اللونان ابيض واسود

وده كان المقصود بوضوج الرؤية


شرفتينى بالزيارة يا فندم

SHAPE YOUR LIFE (ABOALI) Says:

الى نور

ياااااااااااااه من زمان يا نور
لم اجد لك خط فى المدونة

مع انك من الناس القلائل اللى قرءت لها واستمتعت وكنتى تتبعينى بصفة على الاقل دورية

على العموم اسعد برؤية الفااااااااهمين فى المدونة

ادام الله عليكى الخيرات كلها

SHAPE YOUR LIFE (ABOALI) Says:

الى رومانسى

فعلا والله يا رومنسى جبت خلاصة البوست
التاءمل اعانة ربانية
تفرغ الشحنات الزائدة فينا

من منا لا يحتاج ان يكون صبوحا حتى ولم تساعده الحياه على ذلك

اسعدتنى بتعليقك يا رومنسى لانه فهم ما اقصد

اسعدنى تاءملك

SHAPE YOUR LIFE (ABOALI) Says:

الى يارا

جميل حكاية الفهم على قده دى
هههههههههههههه
واحد فهمه على قده خبط فى العمود
قال للعمود مش تحاسب
العمود قاله احنا هنهزر
قاله حتى العمود بيتكلم
قاله اه يا خيفف بيتكلم
امشى بقى واتهوى علشان متخبتطش فى العمود التانى
قاله عمود تانى فين ده
قاله رجلى التانية يا نوير

ههههههههههههه


مشرفانى واسعد بك دواما

SHAPE YOUR LIFE (ABOALI) Says:

الى قلم رصاص

نعم لينظر الكل الى نفسه ويعمل لحظة يعيد فيها شحن بطاريات حياته بالتفاؤل

رايك اسعدنى

SHAPE YOUR LIFE (ABOALI) Says:

الى داليا الرائعة

يا قهلا يا قهلا بالصحافة والالوان الطبيعة والناس الذكية

ماشاء الله كمان عصافير
الله الله
والنبى خدينى معاكى اشوف حتى ولو عصفورة من بتوع زمان
يظهر انى العصفور حاسس انه قلقان منا


يسعدنى وجودك يا صحااااااااافة

SHAPE YOUR LIFE (ABOALI) Says:

الى كلمات من نور

اسئل الله العظيم رب العرش العظيم ان يتم شفاءك ويسبغ عليكى نعمه

وياااااااارب تنورى حياتك بالخير دايما


تحياتى الراقية

كلمات من نور Says:

الله عليك يا أبو علي ..هي دعوة للاسترخاء نفسي فيها .......تعرف يا أبو علي أنا دماغي فيه بوجيهات زيادة مش بيخليني استرخي ...كنت باروح أعمل جلسات يوجا ( مش فلسفه ولا روحانيات لا تمارين علشان العمود الفاري ) بعد التمارين المدربة كانت بتخلينا نستلقي في موضع بيسموه في اليوجا وضع الجثة ...surrender
وتقعد تقول لنا نستسلم للأرض ونفضي دماغنا ونخلي كل تفكيرنا بخ ..حتى لو جت في راسنا مشكلة خاصة بين نحط حولها سور ونتخيل نفسنا برة كإنها مش مشكلتنا احنا ...أختك بقى تسور إيه والا إيه والا إيه؟ دماغ مش بترتاح خالص وتنتهي الجلسة الاقي الناس حولي شبه نايمه و أنا شبه : إيه بس اللي فكرني بأزمة رغيف العيش الساعه دي؟؟؟

http://www.4shared.com/file/217150074/b88eb88d/yogastretch10.html

دي صورة للاستسلام او وضع الجثة كما يسمونه في اليوجا

أما هديتي ليك يا أبو علي :

كل الكتب العربية
و المترجمة
الحديثة و القديمة
الهادفة و الهايفة
من كل الاتجاهات و المذاهب
فقط 3 خطوات:
ادع لى بالمغفرة
اضغط هنا
http://spreadsheets.google.com/pub?key=r6wharOxPespMyfz5KkPllg&gid=0
ادع لى بالجنة

بالمناسبة
ربما يكون هذا الموقع أفضل موقع تتسلمه هذا العام

تحياتى