بوجيهات

, الاثنين، 1 فبراير 2010


حياتنا مليانه كراكيب بدون ترتيب

استرعتنى تلك الجملة ووقفت امامها اعيد استدراتها يمينا شمالا لعلى انظر بعين اخرى واسئل نفسى

لما حياتى احتوت تلك الكراكيب

وهل فعلا احتاج الى ترتيب

ماذا فقدت

هل فقدت الامل

هل تزعزع فيا اليقين

هل كانت خطتى تحتاج الى تعديل

عندما نظرت الى داخل السيارة وجدت هناك ما يسمى بوجيهات وحيث انى ليست خبير بالسيارات سئلت

فكما يقولوا اسئل تعرف

فقال اهل الاختصاص ان وظيفة البوجيهات

هى اعطاء شرارة تساعد على احتراق الوقود داخل ماتور السيارة

فتبدء السيارة فى العمل والدوران

فتعجبت جدا لوظيفة تلك البوجيهات

قولت لنفسى انى احتاج فعلا تلك البوجيهات لتعطينى شرارة لاعادة ترتيب حياتى

فأذا بالبوجيهات تأتى من بعيد

تقول لالالالالالالالالا لن اكون فى شخص مثلك

معقولة البوجيهات بقى ليها رايى ياااااااا له من زمن

فقالت لى انى اعطى تلك الشرارة لمن امتلك عقل مفكر لطريقه مدبر و لقيمة وقته مستثمر

فشدنى الكلام وقولت

يااااااااااه البوجيهات نطقت بالحكمة


فهل ادرك الان انى احتاج فعلا بوجية

31 Response to "بوجيهات"

mohamed ghalia Says:

أكيد محتاجين البوجيهات دى عشان نوصل لحرق كامل الوقود

أمل حمدي Says:

هاتلي بوجيهين معاك يا ابو علي

هههههههههههه


بجد بوست وراه معاني كتير

ربنا يصلح حالك وينورلك بصيرتك كمان وكمان اللهم أمين

تقديري لابو علي الغالي

كلمات من نور Says:

كلامك صح يا أبوعلي ...أنا شخصيا على صعيد شخصي باحتاج بوجيهات صباحية من القهوة السادة المحوجة والا يومي يضرب والناس كلها تقول مالها دي....ومحدش ينصحني بالتوقف علشان مدونتي حتتغير تماما لو حصل وبطلت قهوتي....أما بقى الحياة عامة ففعلا الكل بيحتاج بوجيهات ..بوجيهات تعيد تقويم حياتنا الإيمانية وتعطينا دفات إيمانية ويقينية يومية علشان نعرف إن ربنا معانا دائما كلما كنا عند بابه واقفين مستغفرين مسبحين مصليين وذاكرين ....ربي يجعلك من أهل التقوى والصلاح يا أبو علي ..حابعتلك العيال تركبلهم بوجيهات مشكلة...

د. ياسر عمر عبد الفتاح Says:

والله يا باشا لسه مغيرهم
ولو مصمم يعني
أنا ممكن أغيرهم تاني

جيبلي بقى شريط تراموندين الله يسترك
ولو مفيهاش رزالة يعني
تكلملي حبايبك في دلتا ينزلولي المرتب بقى علشان أنا بدأت أكح تراب

هي وظروفها Says:

ابو علي بيه الكبير.....

احنا محتاجين بوجيهات ومواتير وكرنكات وسربنتينات وريداتيرات

اقدر اقولك ان العمره متنفعش معانا والمفروض نغير العربيه كوووووووووووووووولها

بس لالاسف سرقوا كل العربيات وسابونا وخلعو طبعا فاهمني؟؟؟

ستيتة Says:

انت تحتاج بوجيه؟
طب دي سهلة
أنا احتاج عمرة ماتور كاملة لأني لعبت فيه ولخبطت ترتيبه الفطري
علشان البوجيه المسكين يعرف يلقط لازم أفك الموتور وارجع أركبه صح :)

موناليزا Says:

وايه المانع؟
زيادة الخير خيرين :)

راء Says:

السلام عليكم

لا اعتقد اننا نحتاج بوجيهيات او البتاعة ديه اطلاقاً^_^ لأن جوانا طبيعي من منطلق الفطرة حاجة تأبى التغيير إلى الأسوأ وتأبى وجود الكراكيب والفوضى لأنها بتتراكم لو مروقنهاش


وانا لسه كنت بقول ان حياتنا مليانة دواير داخلة في بعض منقدرش نعرف مين داخل جوا مين بس نقدر نرتبهم بطريقتنا.. الدواير ديه هيا الكراكيب

كل حاجة بتبدأ بالكركبة اي مشكلة كبيرة بتكون كركبة

وانا مش عارفة هل الأسوأ ان فيه ناس بتهرب من كراكيبها ..؟؟
ولا الأسوأ ان فيه ناس بتعمل نفسها مش شايفاها وفجأة تتصدم بأن جزء كبير من ماتورنا اتعطل وتعبنا ووصلنا لحافة الانهيار ونفوجيء ان من جوانا اتسد خالص..


تعرف حضرتك انا بيتهيألي اننا بنخاف من الكركبة ان الكركبة مش بتأثر على الانسان قد ما بتأثر على روحه ولو روح انسان اتشوهت..صعب ترجع تاني

بوست جميل اوي اوي
تسلم ايد حضرتك

أم بتول Says:

مين فينا حياته بلا كراكيب ، و كلنا تقريبا بيرميها ورا ظهره لأننا لو حطيناها قدامنا ها نلاقى أحباطات و يأس و مشاكل لكن لازم نمشى و نقاوم و نعافر علشان نستمر ، ومين فينا مش محتاج بوجيهات يشحن بيها طاقته لضمان الأستمرار ، بوجيهات شحن أمل و إيمان نقدر نواصل و نكمل حياتنا لأنه لو الطاقة خلصت و استسلمنا هاتكون نهايتنا ، و صعب قوى أن الواحد يكمل باقى عمرة وهو عايش بس ميت .

yara Says:

حياتنا امتلات حقا بكراكيب تحتاج الى ترتيب واحيانا فلتره واعاده توجيه ....وتلك الكراكيب التى تخللت حياتنا اعتقد انها بسبب عدم ترتيب اولوياتنا واهدافنا داخل العقول ..بل وعدم احتواء عقولنا على نسبه واقعيه كافيه لنا لاستيعاب كل ما قد يعرقل طريقنا للوصول الى ما نريد .
ولكى نعيد ترتيب تلك الاشياء ونستمد ما يعطى لنا دفعه للامام فلابد ان بنحث عن تلك البوجيهات التى نحتاج اليها.
اولا.....القرب من الله يجعلنا نتيقن انه لا يضيع اجر من احسن عملا .

ثانيا....ادراك الحياه بصوره اكثر واقعيه وفهم ووعى يجعلنا نتقبل جميع المشاكل والعقبات التى تواجهنا.

ثالثا..........الايمان بان كل شخص فينا كانسان لديه ما يميزه من ملكات واشياء حتما تؤهله للتفوق فى مجال ما اذا بحث عن تلك الملكات بداخله واجاد واحسن فى توظيفها وهذا سيعطينا ثقه داخليه دائما.

رابعا ....لان الله لا يكلف نفسا الا وسعها اذن فكل ما يقابلنا من عقبات فى حياتنا من المؤكد ان الله اعطانا ما يمكننا التغلب من خلاله على تلك العقبات والنوائب مهما كانت.

خامسا ......الحب....اظن انه اهم شىء فى الحياه وهو المحرك الاساسى للكيان البشرى .....فلنحب من قلوبنا من يحبوننا ولنحب كل ما يوجد فى حياتنا يستحق الحب والعطاء....لان الحب اقوى تلك البوجيهات التى تجعلك تنظر للحياه بصوره اجمل من جديد وتجدد حماسك .

سادسا واخيرا.....دائما ارى اننا من ندير هذه البوجيهات بارادتنا وقتما نشاء ولن ياتى ابدا الوقت واليوم الذى سترفض فيه ان تساعدنا او تفرض شروطها علينا فكل شىء بايدينا نحن لنصبح ونكون مثلما نريد ان نكون.

ههههههههههههههههههههه
تعليق قصير قوى انا عارفه وزمانك نمت فى النص
صحصح يا ابو على مينفعش كده كان ليه مزاج بس ارغى شويه
وتحياتى ليك يا رااااااااااقى

Lady E Says:

عند اي محل بتاع قطع غيار سيارات اكيد هتلاقي بوجيهات :)

فكرتني بالكتكوتة لما كانت كل شوية تطفي علشان محتاجه بوجيهات

البوجيه عند الانسان في تفكيره وارادته

وبعدين بجد البوجيهات نطقت؟ :)

موضوع مهم بأسلوب جميل

سلمت يداك ودمت بخير

romansy Says:

عقل مفكر
لطريقه مدبر
و لقيمة وقته مستثمر
طيب عقل بيفكر موجود انا افكر اذا اناموجود ولطريقه مدبر صحيح دلوقتى فى الزمن اللى احنا فيه مبقاش حد فينا يحدد طريقه الا القليل بقينا ماشين مع التيار زى ما بيودينا
اما بقى الوقت فبنحاول نستثمره فى المواصلات نصه ضايع فى الفرجه على التليفزيون بدون وعى
ادى النص التانى
يبقى بقى الصراحه ليها حق البوجيهات ترفض انها تيجيلنا
وغير كده وكده
فين الوقود اللى هتحرقه

الشعب لابد له من حكومه تشكمه Says:

اعتقد انى الفتره اجايه هحتاج للبوجيهات دى.

hend mossallam Says:

التشبيه بجد حلووووووووو اوي اوي


نبقا نعمل اللقاء الجاي عند ميكانيكي :] :]

SHAPE YOUR LIFE (ABOALI) Says:

الى محمد الغاليا

هههههههههههههه
محتاج بوجيهات يا غالى
ليه بس كده حتى مواتير المنافية من غير بوجيهات دى بحجارة يا بنى
ولالالالالالالالايه

منورنى يا انسان

SHAPE YOUR LIFE (ABOALI) Says:

الى امل حمدى

ياااااااعينى ياعينى والله والطلب هايزيد على البوجيهات احمدك يارب

وعندك 2 بوجية اخر تومام لانقى انسان


بس االفيزا معلش بقى

SHAPE YOUR LIFE (ABOALI) Says:

الى كلمات من نور

يا عينى على البوجيهات
هو ده الكلام

بوجيهات الايمان دى فعلا مطلوبة وعليها طلب من بعض الناس

اما عن العيال
دول عاوزين مواتير مش بوجيهات يا فندم

ههههههههههههه


لك كل الشكر على تلك الدعوات يا انسانة يا راقية

SHAPE YOUR LIFE (ABOALI) Says:

الى ياسر

يا عينى يا عينى

معاك فلوس اهو وبتغير وكمان بتشتكى

التراموندين يا باشا ده للناس التانية

انت محتاج مورفين
هههههههههههه

دلتا يا دلتا يا دلتا

هو هو هو هوووووووووووه

SHAPE YOUR LIFE (ABOALI) Says:

الى هى وظروفها

امممممممممممممم
طب وهانعمل ايه يا وليد
مافيش ونش حتى
ولا هو كمان سرقوه فى المترو

فعلا عاوزين حل

نصنع عربية كارو ممكن يكون فيه حل

ههههههههههه


منورنى يا وليد بجد

SHAPE YOUR LIFE (ABOALI) Says:

الى دكتور ستيته

يا باشا نعمل ماتور جديد على الاقل نبقى انجزنا

وكمان لو شاسية جميل كده ياااااااااااسلام

يبقى الدنيا زهزهت
هو احنا بنتكلم عن التوك توك

مش كده

هههههههههههههه

يسعدنى وجودك يا انسانة

SHAPE YOUR LIFE (ABOALI) Says:

الى موناليزا

يعنى احجز ليكى كام بوجية يا موناليزا

اعترفى وقووووووووووولى

SHAPE YOUR LIFE (ABOALI) Says:

الى just smile

اللى تشوهه بامكانه عمل عملية تجميل داخلى اولا

ثم العودة من جديد
ان كان من يرتكب معاصى كبرى الله يغفر له

فمابالك بمن اراد ان يتغير للاحسن يقينا سيهديه الله و يعاونة فى ترتيب كركبتة


ادعوكى لقراءة تعليق يارا فهو بالفعل اشمل فى الرد


منورانى فى اول زيارة وكم انا سعيد بتعليقك الجميل

SHAPE YOUR LIFE (ABOALI) Says:

الى ام بتول

فعلا عايش بس ميت
الانسان من غير بوجية وشرر امل وايمان
هايبقى يقينا تايه

بس حل الكركبة هى اعادة تدويرها وتقليلها وده سهل على فكرة
بس محتاجين بوجية مشحون دايما وبسمة متجددة


ادعوكى للبسمة وحجر بوجيهاتك مقدما

الطلب عالى

ههههههههههه


تحية لك من القلب

SHAPE YOUR LIFE (ABOALI) Says:

الى يارا

لم اجد كلمات معبرة عما احتواه تعليقك يا يارا

الا الدعوة لك ان

يهبك الله السعادة فى الدنيا والاخرة
ويقر عينك بما تحبيه وينفعكى بما احتواه فكرك هذا

سعيد ان نثر فى مدونتى تعليق بذلك الفكر

تقديرى

SHAPE YOUR LIFE (ABOALI) Says:

الى ليدى

البوجيهااااااااات نطقت يا ليدى
وخلى بالك على نفسك

احسن الكتكوتة مستحلفة

ياااااااا عينى عليكى يا ليدى
ماكنتش يومك

هههههههههههه

منورانى يا انسانة

SHAPE YOUR LIFE (ABOALI) Says:

الى رومنسى

وعلى الرغم من كده
لازلت انت موجود يا رومانسى بتلك الروح الجميلة والكيان الرائع

علشان كده البوجيهات لازلت تحيا

بس انت برز شوية وورينا البرادس

تقديرى

SHAPE YOUR LIFE (ABOALI) Says:

الى الشعب محتاج حكومة تشكمة

طب احجر ليكى كام واحد

خصوصا الاكاليم الطلب هناك جاااااااامد

هههههههههههه

منورانى يا انسانة

SHAPE YOUR LIFE (ABOALI) Says:

الى Am carzy one

طلباتك كلها اوامر يا اسطى بلية

خلى بلاش من الابلاتين ياض

ههههههههههههه


مرحبا مرحبا بك

إيمان Says:

عندك حق يا ابو على احنا فعلا محتاجين شرارة
محدش فينا حلاص بقى عنده الدافع يعمل اى حاجة

SHAPE YOUR LIFE (ABOALI) Says:

الى ايمان

فينك يا انسانة يا راقية فعلا محتاجين شرارت مش شرارة واحدة

الحقى بقى احجزى كام بوجية الطلب جااااااااااامد


منورانى يا انسانة

Unknown Says:

انا عاوز اخرط الشميز علشان مش معايا فلوس تكفي اجيب بوجيه طاب هعمل اي وليه هي هي دي الحياة هوه هوه دا انا