يا واد الحق الغسيل

, السبت، 31 أكتوبر، 2009


نكاد تراود ليالينا دائما الاحلام سواء فى اليقظة او المنام

هناك من يرى ضوء فيحلم بالسلام وتعم نفسه السكينة والاطمئنان

وهناك من يرى الليل يرسم الرماد فيظن انه من النار استزاد

ولكن ماهو الحلم؟

وماهو الهدف ؟

وماهو الطموح ؟

اذا نظرنا الى الهدف تجده رغبة نسعى اليها لها خطوات ونجد انه مقسم بين هدف فى الدنيا واخر فى الاخرة

وذلك تقسيم جائر لأن من احب الاخرة وجعلها هدف سيجد الاتفاق والتلازم بين هدف الدنيا والاخرة اذا كان القلب سليم

الطموح قاطرة لها بريق

دائما ما نحب ان نراه وتتعايش فيه انفسنا ونحن فى اليقظة

فهذا طموحه الفيلا والشاليه و السيارة الفارهه وست الحسن

وهذا طموحه المنصب العالى والمقام الرفيع

ومن بعيد نرى طموحات تحرير الارض و ارتقاء الوطن وهولاء يسكنون هناك بعيدا

ومع تعدد تلك المفاهيم من حلم و اهداف وطموحات

نحتاج ان نعيد من جديد غسيل وتنظيف احلامنا واهدافنا وطموحاتنا

حتى لا نتذبذب فى الطريق

بدون غسيل الاحلام من العلائق التى تتعلق بها لن ينمو الحلم الكبير

فمن كان يحلم بالجنة فعليه غسل وتنظيف الطريق المؤدى اليها

ومن ارد ان يحقق هدفه عليه ان ينظف هدف الاساسى من اهدافه الثانوية حتى يلمع امامه ويتوهج هدفه الاساسى

ومن كانت عنده العديد من الطموحات فعليه اعادة نسقها مره اخرى

نحتاج الان الى حملة نظافة قومية على انفسنا لتعود لنا من جديد

لذا من يقرء هذا البوست واراد ان يشرفنى بالتعليق

عليه ان يضع امام عينه سؤال

الا استحق ان ابدء فى النظافة ؟

فاءن كانت الاجابه استحق

فأنت من هنا جدير بأن ترسم نفسك وتعيد غسلها

وان كانت الاجابه لا استحق

فلتقل لنفسك هل اكون دليل لغيرى




نظرت هنا وهناك

فرايت اناس حائرين

بين الرحيل والبقاء

ترى فى عيونهم ابحر

واحيانا ترى قطرات ماء

تلفح الوجوه نظرات

دقق النظر تقول انها شبكة صياد

تشابكت واعلنت خلط الاوراق

فلا هى رسمت البسمة

ولا ذاقت مرارة اللقاء

فهل نعيد ترتيب النفس ليكون الالتقاء

اغسل هناك ما ترواد به نفسك

فما احلى العيش فى سعادة وهناء

واستعن بمن سواك

وقادرٌ على ان يجمع الشتات


ومش عجبى

24 Response to "يا واد الحق الغسيل"

mohamed ghalia Says:

لا بقى وعجبى
ايه ياعمنا هنغير ليع بس
هههههههههههه
احنا ضد التغيرررررررررررررر
منايفة بقى
هههههههههههههههههه
تحفة بجد

كيــــــــــــارا Says:

الللللللللللللللله اللله

ياريت فعلا نغسل الغسله دي كل اما نتعب ونحس طول الطريق

ماما أمولة Says:

نظرت هنا وهناك

فرايت اناس حائرين

بين الرحيل والبقاء

ترى فى عيونهم ابحر

واحيانا ترى قطرات ماء

تلفح الوجوه نظرات

دقق النظر تقول انها شبكة صياد

تشابكت واعلنت خلط الاوراق

فلا هى رسمت البسمة

ولا ذاقت مرارة اللقاء

فهل نعيد ترتيب النفس ليكون الالتقاء

اغسل هناك ما ترواد به نفسك

فما احلى العيش فى سعادة وهناء

واستعن بمن سواك

وقادرٌ على ان يجمع الشتات


وعجبي يا ابو على

مش كدا ولا ايه

إيمان Says:

الغسيل ..أمممممممممممممم

تصدق امبارح بس كنت بفكر فى موضوع الغسيل ده .. وأن كلنا محتاجين من وقت للتانى نغسل أحلامنا وأهدافنا ونراجع نفسنا لأننا بالفعل مع الوقت الصورة مبتبقاش واضحة قدام عنينا زى الأول
عندك حق لازم نلحق الغسيل
تحياتى ونقديرى دائما

ضحكات الحياة Says:

السلام عليكم

ايه الحلاوة دي لأ بجد بوست جميل و كلامه أحلي و صاحبه طبعا أحلي

بس هو كلام بسيط و له هدف بس ربنا يعنا ان شاء الله على الهدف ده

و الغسيل ده عمره ما بيكون مره واحده الواحد لازم كل فترة يعمل غسيل لاهدافه و طموحاته لأنه طول ما هو ماشي في الطريق بتاعه هيقابل كتير

دومت مبدعا بجد بوست هايل

dalia Says:

واضح ان الدنيا كانت بتمطر عندك يارب تكون لحقت الغسيل قبل المطره
عنوان يضحك بجد والصورة أظرف منه وكلاهما ملهوش دعوة بالموضوع
شوف يا فنان المشكلة مش في تنظيف الاخلام المشكلة في اللى مش بيحلموا أو بيحلموا من غير ما يفعلوا شيئ بس قاعدين ومستنين الدنيا تجلهم لغاية عندهم طبعا اتفق معك في الرأى في ضرورة تحديد هدف او اتنين سعيا لتحقيقهم ولازم يكونوا مرتبطين بالاخلاص لله علشان ينجحوا وأهم حاجه ان الانسان يتزود بالصبر والقدرة على مواجهة اعداء النجاح ويستعين بالله لان للاسف ممكن الاحلام تتبخر مع شخصيات أعوذ بالله كل همها انها تطلع وفي نفس الوقت ناس تانية تنزل يعني مينفعش يفيد ويستفيد لا وده سبب كل مشاكلنا في مصر الحسد والغيرة والطمع وحب التملك وسحق الشباب بكل طموحاتهم وآمالهم والاستهانه بهم والتقليل من شأنهم وربنا لا يرضى أبدا على هذه الشخصية المريضة ربنا ينقذنا منهم

yara Says:

صح يا ابو على

الاحلام والاهداف والطموح اعتقد انها الركيزه الاساسيه فى الحياه والتى على اساسها يقوم الانسان بترتيب حياته وتشكيلها
لانى اعتقد ان بدون الاهداف لن نجد متعه فى اى لحظه تمر بنا سواء لحظات رخاء او شده ..او لحظات راحه او تعب
لان الكل سيصبح سواء لدينا فلن يعد فى حياتنا بريق ولا نور نسير على ضياه
علشان كده يا ابو على لازم نبدا اولا نخطط لحياتنا ونرتب اهدافنا على قد قدراتنا وامكانيتنا ......ولازم نحلم لان لو بطلنا نحلم نموووت اكيد......ولما نحلم لاوم طبعا نعمل بنصيحتك الغاليه وتكن احلامنا نظيفه ......

ويااارب كل واحد فينا يقدر يحقق اهدافه ويكون عنده اراده حقيقيه وعزيمه و اصرار على انه يستمر مهما استوقفته اى ظروف او عقباااات.......

دعوااااااتك لينا يا ابو على ان احنا نحقق اللى عايزينه
وابقى ادعيلى وانت فى الطائره لان دعاء المسافر مستجاب..
اوعى تنسى..........اصلى هعرف اذا كنت دعيت ولا لا.

وشكرا جزيلا على الموضوع الحماسى ده لانى بجد بستفيد جدا من كلماااتك....

تحياااااتى يا مصراااااااوى

المعتصم Says:

السلام عليكم
ازيك ياابوعلى
يارب تكون بخير

مش عارف بس انت بتجيب المواضيع الجميلة دى منين
بس تصدق معاك حق
انا شخصيا مش محتاج غسيل وخلاص
لألألأ
ده انا محتاج غسلة محترمه وبنوع مسحوق من الغالى وكمان عليه كلور
وممكن بعد دا كله ماينضفش ويرجع زى الاول
اقولك على حاجه
انا زمان كان نفسى اختم القرأن حفظ
وفعلا عملت كده وختمته مرتين وكنت براجع عليه باستمرار مع واحد شيخ
بس بعد كده الدنيا اخدتنى ولقيت نفسى مش قادر احقق طموحى اللى كنت بحلم بيه
واحلامى ابتدت تضيع منى بسبب ظروف الدنيا
حتى الاحلام اللى حققتها ومنها حفظ القرأن
دلوقتى المراجعه بتبقى كل فين وفين للاسف
والحفظ راح وبقت مجرد قرايه عاديه
مش عارف هقدر ارجع زى الاول ولاا لأ
مش عارف الغسيل ينفع يجيب نتيجه معايا ولاا لأ
عرفت ليه بقولك المسحوق يكون من الغالى ومعاه كلور كمان ومية نار اذا امكن وتكون مركزة
وجعت دماغك بالرغى بتاعى معلش
بس انت اللى نكشتنى
تقبل مرورى وتحياتى
والسلام عليكم

كلمات من نور Says:

ربنا يفتح عليك يا أبو علي

التغيير لازم يكون من الداخل قبل الخارج

كم منا يغسل دواخله ويجدد خلاياه الميتة كل فترة؟؟

ربي يجعل وسادتي دوما محكمة عدل لي تسألني عن يومي وما فعلته من أعمال و ما اكتسبته بها من حسنات أو سيئات ...


ملحوظة جانبية: كده النيل حيخلص يا أبو علي

أم بتول Says:

فعلا من منا لا يريد ان يغسل نفسه و يهذب أحلامه و طموحاته ، حتى لا تكون كل أحلامنا و طموحاتنا محصورة ما بين مال و جاه و مركز اجتماعى ، من منا أحلامه لبكرة هى الجنه ، من منا أحلامه لبكره هى مستقبل بلد يعيش فيه أولاده من بعده ، فيحاول أن يترك لهم ما يستطيعون به أن يستمروا فى الحياة ، من منا فكر أن يترك أثر طيب له فى الحياة .
كلامك جميل و عودة لغسل الأحلام .

م/ الحسيني لزومي Says:

اعمل لدنياك كأنك تعيش ابدا واعمل لاخرتك كأنك تموت غدا
تحياتي
---------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

شهد الكلمات Says:

وقفة حلوة ياريت كل واحد يقفها و يطلع ليفته و صابونته و يديها مرش :) لحد ما ينضف

بس سؤال خبيث بقي يا تري انتا كمان خسلت يا ابو علي ;)

على فكرة انا علقت قبل كدة بس مش عارفة التعليق راح فين !!!

الكلمات جميلة تسلم ايدك

ABOALI Says:

الى محمد الغالى

طول عمر المنافية كده
لزقة
ربنا يعوض علينا ويخلينا بعد كده نعمل الكرسى تيفال

وعجبى

تحياتى

ABOALI Says:

الى كيارا

يا باشا منور بعد طول غياب
ايه روحتى فين يا اصيلة المعانى والمراتب

يلا كلنا نغسل
الستات دلوقتى نسيوا الغسيل

ولالالالالالالالالالالا ايه

تحياتى الراقيه

ABOALI Says:

الى ماما امولة

ايه وايه يا جميل انت يا راقى

يسعدنى تشريفكم

ABOALI Says:

الى ايمان

يا رائع انت احيكى على تفكيرك فى الغسيل
ناقص بس نوع المسحوق
ولالالالالالالالالالالالالالالالا ايه

ABOALI Says:

الى ضحكات الحياه

طالما ننظر بهذا الشكل لحياتنا
ويكون عندنا يقين اننا يجب ان نجدد حياتنا واهدافنا وننقيها سيكون فعلا لنا ضحكات فى الحياه

خالص تقديرى على الفهم الراقى

ABOALI Says:

الى داليا

ايه يا داليا يا متاءلقة
مالك بس
تذكرى بس ان الايام دول وان شاء الله الخير قادم


تحياتى الفاضلة يا انسانه يا رائعة

ABOALI Says:

الى يارا

ممتعة فى تعلقيك يا يارا
ومحتاجين فعلا نتذكر ونستوعب ان حياتنا كلما مرت عليها فترة تحتاج الى غسيل

يسعدنى مرورك من هنا ومن هناك

وثقى انى ساءدعو فاءنتى انسان راقى تستحقى كل الدعوات

بس نوعها ايه بقى ماعرفش

هههههههههههههه


تحياتى

ABOALI Says:

الى المعتصم

جميل والله رحلة الغسيل بتاعتك دى يا معتصم
ان شاء الله بالرغبة والاصرار تقدر تغسل وتفتح محل كمان وليه لاء

طالما كانت هناك انفاس هناك امال

يسعدنى رؤية انامل قلمك هنا

ABOALI Says:

الى كلمات من نور

ههههههههههههههه

النيل هايخلص صح يا ست الكل
بس من اجل الحياه الصح
مش كده ولا ايه

منوارنى يا انسان يا فاضل

ABOALI Says:

الى ام بتول

فتح الله عليك الخيرات انتى اللى كلامك وتعليقك فى الجون

وربنا يجعلنا نغسل دايما ونتتطهر من الهموم

امييييييييييييييين

تحياتى

ABOALI Says:

الى مهندس حسين

صح الكلام كلنا نحتاج نقيد نفسنا فى الانتخابات

وان شاء التغير قااااااااااادم

تحياتى

ABOALI Says:

الى شهد الكلمات

الله على ريحة غسيلك يا شهد

فعلا احلامك رائعة بايان عليها

ههههههههههه

فم ورا فم
الدنيا دى احلى
فم ورا فم
الحياه بقى ليها معنى

ولالالالالالالالالالالاايه


تحياتى الراقيه