النصر ده بتاعنا مهما قالوا وقولنا

, الاثنين، 5 أكتوبر 2009


على ترابك يا بلدى


رفعوا علمك


وكان لفوق الندا عالى



الله اكبر الله اكبر


ده وطنى وفى القلب غالى


خيرا لجند انت يا مصرى


على راياتك بلدى


كتبوا الاسامى


محمد ومصطفى


جمال وسعيد


احمد ومحمود


صقر وفريد


هنا شرب ترابك دمى


معلش يا امى دا دوا ارضى


ارفعى راسك دا انا ابنك


عليكى هاكون سهران


عمرى ما اقول تعبان


اناهنا ليكى وانت ليا


يا مصر دا انتى عزيزة عليا


مين كان يقدر عليكى


دول يهود خدم ليكى


عزتك وصمودك دين عليا


طيرى طيورك وخلى


حمامك حر فى سمائكى


انا نسر ليكى و طاير


الله اكبر فى قلبى يقين


علشانك مافيش مستحيل


ده كلام رب العالمين


حب الوطن ايمان فرض عين


ابويا وامى ربونى


وطنك هو جفن عينك


احرسه بقلبك حافظ عليه


تلف هنا وهناك



راياته معاك


الله اكبر يا بلدى


هالف شطئانك ونيلك


احكى للناس عن عيدك


6 اكتوبر كان هناك رمضان


صيام هنا قيام سبحان


الله اكبر سجود قراءن


على ترابك يا بلدى


هاردد فى كل اذان


وكفاية عليا


وجودك فى الفرقان


الله اكبر يا بلدى


كمان وكمان

67 Response to "النصر ده بتاعنا مهما قالوا وقولنا"

الازهرى Says:

وكمان حاجه كده مش فاكرها

الازهرى Says:

أما الخامس
لله والوطن

الازهرى Says:

والسادس لكل الشهداء

الازهرى Says:

أما سبعه فلغز كبير

الازهرى Says:

وأيام الأسبوع سبعه

الازهرى Says:

والطفل بيحتفلوا بيه بعد سبعه

الازهرى Says:

احنا وصلنا لكام ؟

الازهرى Says:

مش مهم البيت بيتنا

الازهرى Says:

وكمان الحبايب هنا

الازهرى Says:

نسيب المكان ونروح فيييييييييين ؟

الازهرى Says:

البيت بيت ناس كرام

الازهرى Says:

وعمرهم ما يطردونى

الازهرى Says:

وأحيي بلدى من هنا

الازهرى Says:

وناس بلدى برضه من هنا

الازهرى Says:

ورجالة بلدى من هنا

الازهرى Says:

وكل حاجه حلوة من هنا ولهنا

الازهرى Says:

عاشت بلادى من زمان

الازهرى Says:

بايدين ولادها من زمان

SHAPE YOUR LIFE (ABOALI) Says:

الارقام القياسية مكتوبة لنا فقط

الازهرى Says:

صباح الجمال يا عمنا
بس لو سيبتنى
أكمل
البلد دى عندى ليها كلام كتير
كان نفسى اقوله
ما علينا

نكتفى بذلك ولنا لقاء آخر

الازهرى Says:

وكمان انت نسيت والا ايييييييه

قانون الحياة
يوم لك ويوم عليك
واشهد يا زمان

الازهرى Says:

على العموم
فى الفارس الأخير ليله جديد
محاتجك فيها يا صاحبى
وجيت مخصوص علشانها وكان حظى حلو
بس الحلم ما يكملش
والا ايييييييييييييييييييه ؟

أمل حمدي Says:

ازيك يا أزهري

هو ابو على يتكلم عن التحرير وانت تحتل المدونة

ربنا يصلح حالك يارب

أمل حمدي Says:

ازيك يا ابو على

على ترابك يا بلدى
رفعوا علمك
وكان لفوق الندا عالى

الله اكبر الله اكبر

عقبال القدس يا ابو علي اما نرفع راية العروبة عليها

تقديري

brightlyanny Says:

انا الحق اسلم قبل م يطلعلنا ازهرى تانى يحتل الموقعه
لامؤاخده ياازهرى
كل سنه ومصر طيبه
اليوم ده غالى يابلدى
ع فكره ابوعلى برغم ان ف اصوات كتيييير بتقول ان الاجيال اللى بعد الحرب درجه انتماءها ضعيفه فده ظلم طبعا لانه مهما ظهر حجم التدهور اللى وصل له الشباب الا انه ساعه الجد رجاااااااااااااااااله
وطبعا كلنا عارفين ان المصريين هم خير اجناد الارض
يابلدى فيكى رجال عظام
والكلام فالموضوع ده صعب يتوصف بكلام
بجد كلامك مؤثر جدا جدا
هزنى بجد والله
ربنا يرحم شهداءنا
((( ربنايرحمك ياخااالو عز )))

mohamed ghalia Says:

الله عليك ياأبوعلى انت كنت معاهم ولا ايه هههههههههههههههه

mahasen saber Says:

بقينا من كتر هزيمة وانكسار امتنا بنستنا يوم 6 اكتوبر عشان نحس ونعيش بشوية فخر وعزه وراس مرفوعه حتى ولو ليوم واحد


كلماتك وجملك كأنك كنت فى الحرب معاهم انتا حاربت يا ابو على في 73 ولا ايه

المعتصم Says:

السلام عليكم ورحمة الله وبركاته
ازيك ياابوعلى
يارب تكون بخير
وكل سنه ومصرنا الغاليه بكل خير
(وعقبال يارب يوم التحرير اللى كلنا مستنيينه)
مهما حصل ومهما شوفنا من ظلم وفقر
مهما الظروف قسيت علينا
مهما حسينا بالقهر
برضو هنفضل يابلدنا
بارواحنا نفديكى
وده مش كلام وبس
دى حقيقه انا شوفتها بعنيا
لما كنت فى الجيش
كنا بنزوغ من اى حاجه الا التدريب اللى بجد
اللى ممكن يكون مشروع حرب
كنا بنتخيل اننا بنواجه الاعداء فعلا
وعلشان كده كنت تلاقى كل واحد فينا مش بيخلى على جهده جهد
ومهما الكلاب بقى عندها من اسلحه حديثه وقويه
ده ولا يهز شعره فى راسنا لاننا برضو هنقدر نحميكى وندافع عنك
لانك انتِ الام والوطن والحبيبه والعرض

تحياتى ياابوعلى
ســـــــــــــلام

كلمات من نور Says:

الله يا مصر ...فيه كلمات كانت مكتوبة مرة على صورة عليها علم مصر لازالت عالقه في عقلي و أحب أن أكتبها هنا :

أعلم ولادي حنيني لبلادي و أكتب في كراسي بحبك يا مصر

هنا ممكن أغير الجملة ل و أكتب في مدونتك يا أبو علي :

بحبك يا مصر رغم أنوف الكثيرون في هذا الزمان..دمت طيبا

akeed Says:

كلمات رائعة تحياتى و المدونة اكثر من رائعة

Unknown Says:

احساسك حلو بالنصر
عقبال الاقصى والعراق يارب العالمين

وعقبال جلاء الازهرى كمان

Unknown Says:

احساسك حلو بالنصر
عقبال الاقصى والعراق يارب العالمين

وعقبال جلاء الازهرى كمان

SHAPE YOUR LIFE (ABOALI) Says:

الى الازهرى

عمى وجد عيالى
يااااااااااسلام عليك يا باشا
معدل التعليقات عندى منخفض الايام دى
روح ربنا يباركلك فى اولادك يا خويا

ومن عيونى ساءذهب الى الفارس ولن يكون الاخير

SHAPE YOUR LIFE (ABOALI) Says:

الى ماما امولة الفاضله

الازهرى ناوى يعمل ملحمة
علشان كده اديته السلاح

وربنا ان شاء الله قادر على ان يستخدمنا لتحرير كل الارض


تحياتى لك المفعمة بكل ود

SHAPE YOUR LIFE (ABOALI) Says:

الى انا برتلى

كلامك عن العزة والكرامة بهذا الشكل
شيىء مشجع جدا

ويعطى لينا الكثير من الامل اننا فينا الكثير من النضج لنعرف الطريق الجيد

يسعدنى دايما تواجدك هنا


مع خالص تقديرى

SHAPE YOUR LIFE (ABOALI) Says:

الى محمد الغالى

اكيد كنت معاهم
وقت المعركة كنت هناك رافع الرايه

شوف انت بقى كنت لسه فى غيابات الجب

ههههههههههههه


تحياتى

SHAPE YOUR LIFE (ABOALI) Says:

الى ام بيرو الراقيه

هههههههههههههههه

اكيد حاربنا هناك اومال

انتى ليه بتنكرى دورك انتى كمان فى المعركة يا ام بيرو
مش انتى اللى حططتى النسر اللى كان على العلم اللى كان على الضفة

ولالالالالالالالا ايه


بسعدنى وجودك هناك وهنا

SHAPE YOUR LIFE (ABOALI) Says:

الى المعتصم

ايه يااااااااااعم الكلام الجامد ده
احرجتنى انسانيا"

فعلا التراب طاهر مادام فينا ناس بتعبر وتحب بلدها


بجد تعليق رائع مفعم بكل الفخر والحماس لهذا الوطن

شكرى وبالغ تقديرى

SHAPE YOUR LIFE (ABOALI) Says:

الى كلمات من نور

فعلا ما نثرتية كلمات من نور

ربنا يكرمك

قووووووووووولى امين بلاش بخل

SHAPE YOUR LIFE (ABOALI) Says:

الى نهر الحب

ان شاء الله عقبال كل الارض
اما عن الازهرى

سيبيه مصلحة برضوا
ده من الازهر

يعنى المدونه معتمده على كده
هههههههههه
اشكرك

SHAPE YOUR LIFE (ABOALI) Says:

الى اكيد

انت اللى رائع يا رائع