SHAPE YOUR LIFE: يلا نلم بعض

يلا نلم بعض

, الأحد، 2 أغسطس 2009

قالتلى انى راحلة

قولتلها خدى رايحه فين

قالت ايه ؟ قلبك حن

قلت خدى ابنك معاكى

قالتلى طول عمرك قاسى

وابقى قابلنى لو شفت حته مش شعر راسى

قلت ربنا يتقبل وهو سامع وشهيد

قالتلى هو انا عملت فيك ايه ؟

طول عمرك مفترى

وعمرك فى يوم اكلتنى صحن جمبرى

وكنا نعدى على الكباب

ابصلك وانت عامل نفسك قرفان

وعينك نزله شم وبتقول مرحب بريحة الاحباب

قلت طول عمرك معدتك حصان

لو طالت تاكلنى ضميرك مش هايكون قلقان

قالتلى نسيت القلب الحنين

ونومك فى حضنى زاى العيل

قولتها هو كان جواز ولامذلة

ولا انتى كنتى فاكراه مراسلة

قالت طب فين قلبك الكبير

طول عمرك بتقول عندك ضمير

قلت علشان كده زهقت

ولو فضلت معاكى هاطق

قالتلى طب نفتح صفحة من جديد

خلينى امسك ميزانية البيت

هاتاكل من ايدى ومش هاتغمض عينك

قولتلها يا روتانا مانا جربت ولا انتى نسيه

وبعد ما تعشمت فى الخروف طلع سميط

بقى يا راجل خمسميت جنية

وعامل نفسك بيه؟

شوف اختى علية وياسمين بنت خالتى تحية

رجاله زين كده تملى العين

اه عليا رضيت بالكحيان

وقال ايه نداغ لبان كمان

قلت روحى من وشى يا وليه

بكره تشوفى نفسك بعديا

هاتخللى وتتباعى فى سحور رمضان

ومش بعيد اقرء عليكى القراءن

قالت قاعدة على قلبك

قلت انا طالب الخلع

قالتلى تدفع كاااااااااااااااام ؟

لوووووووووووووولى

107 Response to "يلا نلم بعض"

الازهرى Says:: ونقول الأول من تانى; 2 أغسطس 2009 في 3:35 م
الازهرى Says:: وليه لأ
والتانى كمان; 2 أغسطس 2009 في 3:36 م
الازهرى Says:: والتالت إيه مشكلته بس؟; 2 أغسطس 2009 في 3:36 م
غير معرف Says:: والرابع بالمرة; 2 أغسطس 2009 في 3:36 م
الازهرى Says:: والخامس من عندى; 2 أغسطس 2009 في 3:36 م
الازهرى Says:: على فكرة غير معرف دا يبقى انا برضه; 2 أغسطس 2009 في 3:37 م
الازهرى Says:: أما بخصوص السابع
فمشكلة; 2 أغسطس 2009 في 3:37 م
الازهرى Says:: ليه بقىىىىىىىىىىىىىى; 2 أغسطس 2009 في 3:39 م
الازهرى Says:: أقول لك ليه; 2 أغسطس 2009 في 3:39 م
الازهرى Says:: فى الأول
السماوات سبعة; 2 أغسطس 2009 في 3:40 م
الازهرى Says:: وكمان الأرضين سبعة; 2 أغسطس 2009 في 3:41 م
الازهرى Says:: وأيام الأسبوع سبعة; 2 أغسطس 2009 في 3:42 م
الازهرى Says:: والسبوع للمولود; 2 أغسطس 2009 في 3:43 م
الازهرى Says:: وسبوع العريس; 2 أغسطس 2009 في 3:43 م
الازهرى Says:: وكمان أول أسبوع للمتوفى
البقاء لله; 2 أغسطس 2009 في 3:44 م
الازهرى Says:: ها الأسباب كافية وألا نقول تانى; 2 أغسطس 2009 في 3:44 م
الازهرى Says:: نقول تانى
وأمرنا لله; 2 أغسطس 2009 في 3:45 م
الازهرى Says:: بس نقول ايه ؟; 2 أغسطس 2009 في 3:45 م
الازهرى Says:: مش فاكر

لكن صعب اسكت; 2 أغسطس 2009 في 3:46 م
الازهرى Says:: لانى لو سكت; 2 أغسطس 2009 في 3:47 م
الازهرى Says:: أروح فى سااااااااااااااااااااااااابع نومة; 2 أغسطس 2009 في 3:47 م
الازهرى Says:: عرفت السبب بقى ؟; 2 أغسطس 2009 في 3:48 م
الازهرى Says:: يبقى نكمل; 2 أغسطس 2009 في 3:48 م
الازهرى Says:: ونقول كمان; 2 أغسطس 2009 في 3:49 م
الازهرى Says:: ونقول كمان; 2 أغسطس 2009 في 3:49 م
الازهرى Says:: يعنى نقول اى حاجة; 2 أغسطس 2009 في 3:49 م
الازهرى Says:: ممكن نقول العظماء السبعة; 2 أغسطس 2009 في 3:50 م
الازهرى Says:: أو نرجع لأصلنا ونقول; 2 أغسطس 2009 في 3:50 م
الازهرى Says:: سبعة يظلهم الله فى ظله يوم لا ظل إلا ظله; 2 أغسطس 2009 في 3:51 م
الازهرى Says:: اللهم اجعلنا منهم
وأحشرنا معهم; 2 أغسطس 2009 في 3:51 م
الازهرى Says:: يعنى ممكن نكون; 2 أغسطس 2009 في 3:52 م
الازهرى Says:: ورجلان تحابا فى الله اجتمعا عليه وتفرقا عليه; 2 أغسطس 2009 في 3:52 م
الازهرى Says:: ربنا ما يكتب لنا الفرقة ابدا; 2 أغسطس 2009 في 3:53 م
الازهرى Says:: ولا انت زهقت منى; 2 أغسطس 2009 في 3:54 م
الازهرى Says:: آه يا قاسى; 2 أغسطس 2009 في 3:54 م
الازهرى Says:: بقى كده ترمينى من غير سبب; 2 أغسطس 2009 في 3:55 م
الازهرى Says:: ولا يعنى انت بتاخد 500 جنيه وناوى تفترى; 2 أغسطس 2009 في 3:56 م
الازهرى Says:: طيب نحسبها; 2 أغسطس 2009 في 3:56 م
الازهرى Says:: وألا أقولك خليها على الله وهو يدبرها; 2 أغسطس 2009 في 3:57 م
الازهرى Says:: بس بشرط; 2 أغسطس 2009 في 3:57 م
الازهرى Says:: نرضى بقسمة ربنا; 2 أغسطس 2009 في 3:58 م
الازهرى Says:: ونعيش على قدها
وبلاش نبص لغيرنا; 2 أغسطس 2009 في 3:58 م
الازهرى Says:: وعلى قد لحافك شد رجلك; 2 أغسطس 2009 في 3:59 م
الازهرى Says:: وبكده
بإذن الله نعيش مستورين; 2 أغسطس 2009 في 4:00 م
الازهرى Says:: وكمان يبارك لنا فينا; 2 أغسطس 2009 في 4:00 م
الازهرى Says:: وكمان يجزينا خير على صبرنا
ورضانا; 2 أغسطس 2009 في 4:01 م
الازهرى Says:: ما هو يا عالم ربنا كريم; 2 أغسطس 2009 في 4:01 م
الازهرى Says:: وشوية رجاء مننا وتوبة بقلب صافى
وباذن الله
حياتنا تكون جميلة
والجنة مش بعيدة زى ما احنا متصورين; 2 أغسطس 2009 في 4:02 م
الازهرى Says:: بيس هى بصراحة حفت بالمكاره; 2 أغسطس 2009 في 4:04 م
الازهرى Says:: يعنى النفس البشرية
بتحب الطمع والغيرة والتمتع وحاجات كده; 2 أغسطس 2009 في 4:04 م
الازهرى Says:: يقى لازم نقاومها ونمشى صح
واحنا فى اول الموضوع بنقول وعلى كتاب الله وسنة رسوله صلى الله عليه وسلم
سبقى نضل عليهم للاخر مش نيجى فى نص الطريق ونقول الدنيا اتغيرت

والا ايه ؟; 2 أغسطس 2009 في 4:06 م
الازهرى Says:: كفاية كده بقى
اخدنا بتارنا وحققنا رقم قياسى جديد; 2 أغسطس 2009 في 4:06 م
الازهرى Says:: وكمان علقنا على الموضوع على خفيف كده; 2 أغسطس 2009 في 4:07 م
الازهرى Says:: نيجى بقى للأهم
قرأت فلنبتسم من جديد
صحيح أننى تأخرت ولكن ألتمس المعذرة لأمور عندى

لا أردى ما سر كل ذلك الشجن فيه ولم تذكره أنت فى التعليقات
ولكن يبقى الإيمان بالله معيننا
وإيماننا بحكمته وتصريفه للأمور ولو كانت خارجة عن ما نشتهى سندا لنا فى مواجهة أحزاننا
أدام الله عليك الإيمان والبسمة

تحياتى دوما ودعائى; 2 أغسطس 2009 في 4:11 م
الازهرى Says:: وأخلع أنا بقى; 2 أغسطس 2009 في 4:11 م
أمل حمدي Says:: ايه يا ازهري زغللت عنية

مش تشوف ابو على الاول ماله

زعلان من ايه

الحر شكله عامل عمايله

بس العنوان يلا نلم بعض مش راكب على الحكاية دي خالص

ممكن يبقى يالا نخلع بعض يبقى احسن

جد بقى

لازم التنازل بين الطرفين لكي تستمر الحياة وخصوصا من اجل الاولاد
الا اذا استحالت الحياة فعلا

ماشي يا ابو علي

سلام; 2 أغسطس 2009 في 4:15 م
أم بتول Says:: عندك حق أموله المفروض يلا نخلع لأنى بصراحة أبو على مش لاقية لم خالص ، بس بصراحة دمها خفيف جدا و ربنا يبعد الخلع عن الجميع .; 3 أغسطس 2009 في 3:44 ص
أم بتول Says:: الأخ الأزهرى فكرتك فى التعليق جديدة و جميلة و دمها خفيف ربنا يسعدك .; 3 أغسطس 2009 في 3:45 ص
princess Says:: لولولوى انا رجعت ههههههه; 3 أغسطس 2009 في 4:49 ص
yara Says:: يا سااااااااااااااتر
البخل بينط من الكلام
بقى تستخسر فيها كباب وجمبرى هى حصلت لكده
وعايز تخلع
على مين يا حلو ابقى قابلنى بقى لو عرفت .... انت يدوب تخلع وتروح لمراتك التانيه وبعدين على التالته ثم تتوجه للرابعه بعون الله وهم هيظبطووووووووك ويطلعوا عليك القديم والجديد ذنب ام العيال.
وانا ان شاء الله اللى هفتن عليك واشارك فى الجريمه.

احسن; 3 أغسطس 2009 في 5:52 ص
غير معرف Says:: هههههههههههههههههههههههههههههه

هو ازهرى عمل كدة ليه

يعنى باظت اكتر ما هى بايظة

ههههههههههههههههههههههههههههههههه
بس واضح يا ابو على انك بتعانى اوى يا عينى..إن كيدهن عظيم
البوست ده اكدلى ان الخلع ده رحمة بالرجالة D:

عجبنى اوى صورة الاسد اللى بتصوت فى وشه مراته ده

بجد مقدرتش امسك نفسى من الضحك لما شوفتها

:)))); 3 أغسطس 2009 في 7:01 ص
mohamed ghalia Says:: هههههههههههههههههههه
الله عليك يا أبوعلى جايب الكاريكاتير ده منين بس
ههههههههههههههههه
ولا ومنسب أوى مع نهاية التوبك
ربنا يكرمك ويسعدك
ودايما تمتعنا بقلمك الراقى; 3 أغسطس 2009 في 9:27 ص
ياسمينا Says:: انا مع ياراالواحد فاكر نفسه لما يتجوز مره واثنين هينبسط ويعيش سعيد اصله مش عارف ايه اللى مستنيه يلا خليه يدوق ويجرب ويبقى يقولى على حصله واللى هيشوفه وبتمنى من كل قلبى انه مينضربش ونلاقيه فى قسم الانعاش فى المستشفى; 3 أغسطس 2009 في 11:41 ص
سندس وأمل Says:: 55 تعليق ياازهرى؟؟؟؟
حرام عليك:)سيب حبه لغيرك..

ندخل ع البوست جميله اوى الكريكاتير

ده:)..وبعدين فى الاخر تطلع فى اديها

العصمه:) ياسبحان الله...

بس دمها خفيف اوى ...

زادك الله وادام قلمك...

سندس; 3 أغسطس 2009 في 12:48 م
SHAPE YOUR LIFE (ABOALI) Says:: الى الازهرى

هههههههههههههههههه
ورجعت ايام زمان
وياااااااا مرحب باءم المعارك

كسبت جولة قياسية
وبكرة الانكار مش هاينفع

اما عن البوست اللى فات

هو يدعو الى البمسة من جديد مهما كان الفراق لابد من بداية للطريق جديدة

اما احساسك بزيادة الشجن
ده نتيجة تغليفه بمثال شخصى
ولكنه فى النهاية يصف حالة نتعرض لها جميعا وان تنوعت اشكالها

بس فى النهاية الحياه تستمر

مشرفنى يا ازهرى
ولنا معياد فانتظره; 3 أغسطس 2009 في 1:35 م
SHAPE YOUR LIFE (ABOALI) Says:: الى ماما امولة الفاضلة

معلش يا ست الحبايب الازهرى اخذ الفيلم كله لحسابة

مستعجل على الخلع

وانا هاساعد فى الموضوع ده

العنوان له مدلول

اننا اسبابنا فى الخلاف لا تستحق كل هذا الضجيج

وانتى لخصتى الحدوته فى الرضا والمعشرة الجيدة

لك كل التحية والتقدير; 3 أغسطس 2009 في 1:50 م
SHAPE YOUR LIFE (ABOALI) Says:: الى ام بتول

يااااااااا عينى على الحينة

نغير عنوان البوست يعنى
ونقول يلا نخلع ولا ايه

احترت معاكوا يا نساء

ههههههههههه

وكمان عجبكم الست
اه واه من حواء

لك كل التحية والتقدير
واشكرك لتشريفى; 3 أغسطس 2009 في 1:57 م
SHAPE YOUR LIFE (ABOALI) Says:: الى ام بتول تانى

الازهرى ليه ايامه
والافكار حتما ستتجدد

اصبرى بس; 3 أغسطس 2009 في 1:57 م
SHAPE YOUR LIFE (ABOALI) Says:: الى البرنسيسه

هههههههههههههههههههه

زغررررررررررررررررررررطى يا مصر

مبروك وان شاء الله تكون عودة موفقه; 3 أغسطس 2009 في 2:00 م
SHAPE YOUR LIFE (ABOALI) Says:: الى يارا

انتى على فكره مفترية يا يارا شكلك بتفرحى فى ادم

على العموم الكباب والجمبرى دول شم بس مش اكل

ويظهر حواء افتكرتهم نوع من انواع الاكل

معذورة يعنى

بس ياترى الاربعه كلهم ليهم فكر واحد

ده يبقى يعنى مصيبة وطبلت

بس لازم الواحد يجرب

حواء دى سكر سكر سكر

اشكرك لتفاعلك الذكى; 3 أغسطس 2009 في 2:08 م
SHAPE YOUR LIFE (ABOALI) Says:: الى انا ودماغى

الازهرى ليه يومه

شفتى الراجل ازى مظلوم يا اختى

حاولى تعملى مشروع كده او فكرة لانقاذ الرجل من براثن حووووووواء

وارحمووووووووووونا بقى

عثل والله عثل

بس مش عارفين لون العثل ايه

احترامى وتقديرى وجارى تتطهير المدونه; 3 أغسطس 2009 في 2:11 م
SHAPE YOUR LIFE (ABOALI) Says:: الى محمد الغاليه

يا غالى والغالى يشوف الغالى

ولالالالالالالالالالالالالالا ايه يا غالى

اشكرك يا غالى; 3 أغسطس 2009 في 2:14 م
SHAPE YOUR LIFE (ABOALI) Says:: الى ياسمينا

وانتى كمان مفترية

وربنا يهديكى

بقى لو عندك زهرة مش تتمنى يكون عندك زهرتين وتلاته

بطلوا افترى بقى

منورانى والله; 3 أغسطس 2009 في 2:16 م
SHAPE YOUR LIFE (ABOALI) Says:: الى سندس

معلش كان عندى ازمة فى التعليقات والازهرى كان عليه حلها

وان شاءالله هافكر فى خلعه

سعيد ان الكريدية عجبك وان شاء الله يتحسن فى الفترة القادمة

وربنا يجعله عامر

والعصمه فى ايدهااااااا

شوفتى الظلم

تحياتى وشكرى لك على رايك المحترم; 3 أغسطس 2009 في 2:19 م
mahasen saber Says:: يا نهار ابيض زهر انتا استعمرت صفحة التعليقات ولاا ايه

ممكن توسع كده طيب
سكه لو سمحت

جايه زياره لابو على والشيله تقيله
طب ممكن تشيل معايا
شيل شيل وده كمان
وخد ده كمان والشنطه دى تقيله قوى
وامسك العلبه دى
وبوكيه الورد ده هاته حرام تقيله عليك الشيله كده; 3 أغسطس 2009 في 3:45 م
mahasen saber Says:: احم احم يا اهل الديار

كيفك يا اخونا الغالى ايش لونك
ايش احوالك
عساك بخير

يا رب دايما بافضل حال

انا جايه ازور اخويا الغالى الكريم ابو على

ولمدونتك افتقاد كبير; 3 أغسطس 2009 في 3:46 م
mahasen saber Says:: بس ايه البوست المؤثر ده

هيا شيب يور لايف اتعدت من نكد الطلاق ومشوار الاسره ولاا ايه

لا والنبى عايزين التفاؤل يعم كما كان دائما

الكلام فى البوست ده وجعلى قلبى
الواحد كان جاله زهايمر ونسى خلاص

بس عرضك للموضوع جميل كالعاده
واه واه من صنف بعض بنى ادم
اليى هما بعض الرجاله يعنى مش كلهم; 3 أغسطس 2009 في 3:49 م
mahasen saber Says:: اه يا خبر زهر لسه شايل الشيله

يا حرام معلش
خد عنه يا ابو على ولاا اقلك خليه يدخلهم المطبخ ههههههههههه بالمره بئا لسه هنزل ونشيل

عشان تحرم تانى تزخم صفحة التعليقات يا ازهرى
ومحروم من المكونه البشاميل طوب شهر رمضان المبارك

كلسنه وانتوا واحنا جميعا بالف خير; 3 أغسطس 2009 في 3:50 م
mahasen saber Says:: ازهرى شكلك ليك ذنب فى رقبتى

التعليق الاخير جاله حول املائى هههههههههه

المكرونه بقت مكونه
وطول بئت طوب ههههههههههههه شكلك عليك حارس; 3 أغسطس 2009 في 3:53 م
شهد الكلمات Says:: اية ده انا ضحكت ع الموضوع جامد
و دخلت اعلق ضحكت اكتر

اية يا ازهري ده اية اللي انتا عاملة ده هههههههههههههههههههههههه
حلو الجو ده

جميل الموضوع و الصور جميلة اوي

تسلم ايدك بس احب اوضح ان بما اني من ضمن نون النسوة فانا اعترض ع الظلم اللي الست دي شيفاه

تحياتيييييييييي; 4 أغسطس 2009 في 5:51 ص
الازهرى Says:: بقى كده
أنا شيال شنط ؟
ماشى
طيب إيه رأيك يا أبو على لو وافقت على كلام محاسن ليكون فى كلام تانى خلاص
وأفجر لك المدونة خالص

والدنيا يومان; 4 أغسطس 2009 في 6:55 ص
طوبه فضه وطوبه دهب Says:: bgd damk zy al3sal modo3 t7fa; 4 أغسطس 2009 في 11:38 ص
سكينة Says:: في الأول تقول يلا نلم وفي الآخر بتقول هتخلع
باين عليك تعبان وواضح لا فرار عموما هي أقدارنا
:)
ضبط أمورك قبل ما يحين اليميش
كل سنة وأنت طيب; 4 أغسطس 2009 في 11:42 ص
شمس النهار Says:: :)
ازيك
بجد مش ممكن ضحكتني جدا بجد

وخصوصا ان اخرتها قعدت علي قلبه
:)
والكاريكاتير جميل خصوصا مدفع الافطار
:); 4 أغسطس 2009 في 6:46 م
إيمان Says:: ههههههههه

طيب ليه كده طيب

هى عملت ايه

اسمع الكلام الطيب احسن واللى نعرفو احسن من اللى منعرفوش
والبلدى احسن من غيرها; 5 أغسطس 2009 في 2:29 ص
سمكه واحده Says:: هههههههههههههههههههههه
جميله
مش بقلك الستات ستات بردو ياعم
سيبك انت
ال تمشي ال
ده علي قلبه وقلب اللي يتشددله
وهو اللي هيطفش
احنا مش اي حد يعني
اه امال ايه
طب انا راضيه زمتك
ياله نلم بعض كده هنلم بعض بردو
ولا هنطفش بعض
اذيك يا ابو علي
كل سنه وانت طيب
انهارده نص شعبان
تحياتي; 5 أغسطس 2009 في 7:06 ص
شموسة Says:: هههههههه
مستعد تدفع كام صحيح يا أبو علي؟

منتا اللي كنت عايز تتجوز من الاول!!!

الله يا أبو علي، كلمات معبرة عن موقف كبيييير دايما الكل بيمر بيه،،،،
ربنا يسترها معانا ومع الكل
قووووووول آمييييييين; 5 أغسطس 2009 في 3:50 م
Maha Shahen Says:: والله انك زى السكر دى مجامله اخويه اوعى تفهمنى صح هههههههههه

بس بجد والله كركاتير جميل وكلمات هايله برغم انها قويه بس تستاهل هذه الوليه دى شكلها ولا عطيه المفتريه

اى خدعه

رمضان كريم عليك والله اكرم; 6 أغسطس 2009 في 11:45 ص
د / مروة ابو العينين Says:: ياه يا أستاذ حسن هيا مال صورة الجواز هنا قاتمه كدا ليه

بقى أنا بردو اللى هقولك بص للدنيا من عدسة وردى

طيب خد نفس طويييييييييييييل واحلم بان الدنيا أدام شويه هتبقى وردى

مين عارف والله أنا نفسى ساعات بيبقى عندى أمل ,,, تخيل انت بقى; 6 أغسطس 2009 في 3:59 م
SHAPE YOUR LIFE (ABOALI) Says:: الى ام بيرو صاحبة الراديو الاول فى مصر

مبببببببببببببببببببروك النجاحات التى اسمع عنها فى سبيل انصاف فئة كبيرة فى مصر

ولا تنسى ان تختارى مدير للقناة اللى يفهم فى الامور دى الراجل بلاش تحيز لحواء حين الاختيار

والمدونة مذدهرة بحضوركم يا فندم وتتمنى لكم دوام البسمة والسعادة

ام عن الازهرى فهو اخويا الغالى وهو فى الخدمة دايما

ولك كل التمنيات بالخير وكل عام والازهرى كمان بخير
بمناسبة قرب شهر البركات; 7 أغسطس 2009 في 6:55 ص
SHAPE YOUR LIFE (ABOALI) Says:: الى شهد الكلمات

هههههههههههههه
يا عينى على التحيز لنوووووون النسوة
ماشى يا ست انتوا منا ونحن منكم

والازهرى فعلا عمل جو كنت محتاجة

لك كل التحية والتوفيق; 7 أغسطس 2009 في 6:57 ص
SHAPE YOUR LIFE (ABOALI) Says:: الى الازهرى

معقولة يا ازهرى

سيد القوم خاااااااااادمهم

ههههههههههه

تحياتى لك دوما; 7 أغسطس 2009 في 6:58 ص
SHAPE YOUR LIFE (ABOALI) Says:: الى طوبة ذهب وطوبة فضة

اشكرك مع شكرى للحضور; 7 أغسطس 2009 في 6:59 ص
SHAPE YOUR LIFE (ABOALI) Says:: الى سكينة

فينك يا قمر كلك ذوق وجاية تهدى النفوس

موضوع والله وجه على بالى يا سكينة قولت اكتبه

ولك كل الشكر على النصيحة يا سكر; 7 أغسطس 2009 في 7:01 ص
SHAPE YOUR LIFE (ABOALI) Says:: الى الحاجة شموسة

منوارنى والله ووحشانا يا جميل
واتمنى عودة موفقه

وتقديرى الدائم; 7 أغسطس 2009 في 7:02 ص
SHAPE YOUR LIFE (ABOALI) Says:: الى ايمان

فينك مختفية يا قمر وحشانا كتير

واحنا قولنا اننا هنهاجر حتى مايصحش

ولالالالالالالالالالالالالا ايه

ربنا على القوى; 7 أغسطس 2009 في 7:04 ص
SHAPE YOUR LIFE (ABOALI) Says:: الى سموكة

هههههههههههههه

يالذيذ يا رايق انت افتح واحد ساقع ولا

طبعا الحياه اخذ وعطى والصبر مفتاح الفرج وهنيالك يا فاعل الخير والثواب

وكل عام وانتى الى الله اقرب; 7 أغسطس 2009 في 7:06 ص
SHAPE YOUR LIFE (ABOALI) Says:: الى شمس

امييييييييييييييييين يا شموسة امين

وهى الحياه كدة انتفاضة وهدوء والكيس من عرف ان يتعايش فى سرور وسعادة

ربنا يهدى الجميع

تحياتى; 7 أغسطس 2009 في 7:07 ص
SHAPE YOUR LIFE (ABOALI) Says:: الى نور شاهين

يا رافع معنوياتى انت يا ياسمين وفل وريحان

الله الله على الكلام السكر يا معسل

شكرى وتقديرى; 7 أغسطس 2009 في 7:09 ص
SHAPE YOUR LIFE (ABOALI) Says:: الى مروة ابوالعينين

هههههههههههههههههه
ده موضوع يا مروة كده يعنى

بس الزواج جميل ولذيذ وكله ربيع ودفا

بس فيه برضوا صيف وشتا

ههههه

اشكرك على تعليقك ووجودك; 7 أغسطس 2009 في 7:11 ص
ryry Says:: كفايه يا ابو علي زوجه انت ناقص بلاوي .هي كفايه بلوه واحده توريك النجوم في عز الظهر .لو استخسرت الكباب في اي زوجه هتصبح تلاقيها مذاعه في النشره الاخباريه لجميع الجمهوريه .يا ابو علي مد لحافك علي قد رجليك لاحسن تتاكل .ان كيدهن عظيييييييييييييييييييييييم; 7 أغسطس 2009 في 12:32 م
الازهرى Says:: والله ووقعت فى الفخ يا أبو على
ارجع ذكريات تانى واقرأ كويس
هتلاقى المعنى مختلف كتيييييييييييييييييييييييييير; 7 أغسطس 2009 في 1:38 م
EMMY BABY Says:: يالهووووووووووووووووووووووووووووووووووووووووووووووووووووى

58 كومنت لازهرى لوحده اييييييه محدش مالى عينك يا ازهرى ولا ايه

لا يونكن ابدا

دى مهزلة

بص لو قلنا انى طيبة وسبت تعليق واحد

وحذفت من 102 ال57 يبقوا 45

ونحذف من 45 ال4 تعليقات بتوع محاسن يبقوا 41

اه كدة معقول ابقى التعليق رقم 42 مش 103

ههههههههههههههههه ده كان اختبار فى الحساب; 8 أغسطس 2009 في 3:35 م
EMMY BABY Says:: نيجى للبوست

ههههههههههههههه حرام عليك يا ابو على دى الستات غلبانة شفت قعدت تذلك بحنيتها ازاى

وبصراحة انت متوصتشى يعنى شكمتها وقلتلها يا ولية وكلام كبير

براحة على الجنس اللطيف ياناس

مع ان الستات مخهاصغير واللى زيك يا ابو على يعرفوا يضحكوا عليها ههههه اه اسئلنى انا حكم انا خبيرة فى المخ الصغير

بجد مبسوطة اوى انى شفتك النهاردة كسبت جد مش اخ كبير هههههههههه بالعند فيك

تحياتى

ايمى; 8 أغسطس 2009 في 3:40 م
SHAPE YOUR LIFE (ABOALI) Says:: الى ريرى

الله الله على النصايح الغاليه

ماشى يا باشا

بس الزهور الوان

ايش لونك

تحياتى; 10 أغسطس 2009 في 9:42 ص
SHAPE YOUR LIFE (ABOALI) Says:: الى الازهرى

ماشى يا ازهرى
وستبدء ام المعارك حتى يظهر الاب

معزتى; 10 أغسطس 2009 في 9:43 ص
SHAPE YOUR LIFE (ABOALI) Says:: الى ايمى بيبى

مرحب مرحب بستو انا

مشرفانا والله

بالحساب والهندسة انت فى المقدمة يا باشا

وان كان على حواء
سيبك انتى حبة هوا على والكورنيش
وفول مدمس وخيارتين
وحتة جبنة رومى تملى العين
هتشلنى جوه القلب وهابقى محروس بالبطين

بس والنبى ابقى انقذينى

سيبك انتى انا الاسعد; 10 أغسطس 2009 في 9:47 ص