تقليب الفئران

, الأربعاء، 18 فبراير 2009


يحكى ان
ملك اراد ان يختبر ذكاء شعبه فأعلن ان من يحضر 1000فأر فى شوال ويحضرهم الى باب القصر كاملين العدد سوف يكون له جائزة كبيرة
وانشغل الشعب فى البحث عن الفئران ولكن الجميع عندما كان يجمع الفئران والى ان يصل الى باب القصر تكون الفئران قد قرضتت الشوال وخرجت منه
الا شخص واحد وصل الى باب القصر ب 1000فأر مكتمل العدد
فقال له الملك كيف فعلت هذا ؟
فقال له عندما كنت فى الطريق الى القصر كما تعرف سيدى الملك ان الفئران عندما تكون فى الشوال ساكنه وهادئه
فأنها تتفق وتتحد على هدف واحد وهو قرض الشوال
لذا كنت اثناء الطريق اقلب الشوال مرة يمينا" ومرة يسارا"
حتى اذا استعاد الفئران مرة ثاينه اتزانه كنت اقلب الشوال مرة ثانية
لذا وصلت الى باب القصر واخذت جائزتك
تلك القصة تسمى قصة تقليب الفئران
وهى تنفذ الان من الروءساء والملوك والاعداء ومنا نحن ايضا
ولكن بدون وعى منا وبوعى من غيرنا
ان الشعب اذا تم اشغاله بالعديد من المشاكل و التحديات
فاءنه لا يتفق ولا يتحدعلى هدف واحد يعمل له
ومن امثلة ما يشغل شعبنا وانفسنا
دروس خصوصيه – افلام واغانى ومسلسلات – احوال اقتصادية وغلاء معيشه--- حالات فساد متعددة – بطالة -- غزة -- العراق -- لبنان ووووو

وفى وسط هذا نكون مثل الفئران لا تتفق على هدف تحققه وتسعى اليه
لذا نحتاج جميعا" ان نستعيد التوازن من جديد ونحدد اهدافنا
ماذا نحتاج من الدنيا ؟
ماذا نحتاج من حاضرنا؟
ماذا نحتاج من مستقبلنا ؟
نحتاج الا ننسى الهدف والرايه والسعى لتحقيق الهدف وتفويت الفرصة على من يريدنا مشتتين فاقدين للبسمة والامل والبهجة وروح المستقبل المشرق
يلا بينا نلم بعض ونلم انفسنا وبلاش نقلب نفسنا ونتحول من
انسان مكرم الى فأر يُقلًب

49 Response to "تقليب الفئران"

غير معرف Says:

صح يا ابو على كلامك, لازم نلم انفسنا وبعضنا ولا نكون مثل الفئران على الرغم انى ارى اننا اسوا منهم فهم على الاقل فى حاله الهدوء والراحه يكونوا متحدين ومتفقين على هدف واحد .
اما نحن فلا نتفق ابدا بل بالعكس ربما المشاكل والتحديات هى التى تجعلنا ندرك اهميه الاتحاد وان نكون يد واحده مما يذكرنا بالهدف من حياتنا .

المهم انك بجد بتستنتج اجمل واعظم ما يمكن استنتاجه من اى قصه مهما كانت خبايا اهدافها,
بحييك بجد على ده جدا.

وصحيح فرحانه علشان اول مرة اكون اول تعليق........

الحمد لله

موناليزا Says:

تشبيه قاسى جدا رغم حقيقته
ولكن ماذا تفعل الفئران وهى محبوسة بداخل شوال وتمسكه يد لا يطولونها؟!

عاجبنى اوى اتخاذك من القصص الجميلة دى مفهوم حيوى يهم الجميع
بالتوفيق دائما

EMMY BABY Says:

والله بجد مش ممكن

EMMY BABY Says:

انت فعلا مش ممكن تشبيهاتك قريبة اوى من الواقع بالرغم ان ممكن الانسان لو سمع القصة دى ميربطهاش اصلا باللى بيحصل

اخر جملة بالرغم من قسوتها الا انهاااااااااااا عجبتنى جدا جدااااا

EMMY BABY Says:

بس هما فعلا عرفوا يلعبوها صح ومن زمان اوى يشغلونا باللى يقل عقولنا ويموت قلوبنا وضميرنا علشان ميلقوش حد يقف قصادهم

اصل مين اللى هيقف قصادهم بعد ما الشباب نفسه زى مانت قلت بيفكروا بطريقة غريبة مين اللى كسب فى الماتش وايه اخر صيحةفى الموضة والفلانتين نلبس احمر والممثل مش عارفة مين اجوز والتانى طلق والمغنى عسووول موت موت

وبصراحة اخر هبل

ومع ذلك فى شباب والله انا مبصدقشى ان فى منهم فى زمانا

بجد احنا لو لينا هدف حقيقى فى حياتنا مكنش هيبقى ده حالنا

حقيقى بجد تسلم ايدك يا ابووووعلى

كالعادة بحس انى مهما قلت مش هعرف اوصفك بما تستحقه

تحياتى

ايمى

Unknown Says:

حضرتك احنا مبنعرفش نعمل حاجة غير اننا نكون فئران....فعلا تشبيه عبقرى

mohamed ghalia Says:

عندك حق فعلا
إحنا بنتقلب وبنشغل نفسنا فى حاجات كتير
وبنسى فى النص حاجات أكتر
دمت بكل الود أخى
سلم لنا قلمك

مهندس / على درويش Says:

مظبوط الكلام
نحن مشتتين من كثرة التقلب لا ندري نحن من هؤلاء أم من هؤلاء



كلنا في شوال واحد وكلنا متقلبين كبعضنا
فهل وإن ثبت الشوال سنتحد أم سنظل هكذا ؟؟؟؟

AHMED SAMIR Says:

يااااااااااه
قصة فعلا معبرة جدااااااا
وبتعكس احوالنا وسياسة الحكام في التعامل مع شعوبهم
فلسنا افضل من الفئران فعلا
تحياااتي

إيمان Says:

فئران
طيب .. هو كده يدوبك ميلقش علينا غير فئران لأ وأيه كمان بتتقلب ماشاءالله
تصدق بالله أنا عماله أقول كده للناس يقولولى بلاش نظرية المؤامره دى
عايزين نفكر فى فكرة بوست نتفق فيه على عمل أشياء عمليه ... كإخراج صدقه مثلا نقوم كلنا نخرج صدقات فى وقت واحد
أو كل واحد يزرع زرعه واحده فى بلكونته علشان تنضف الهوا شويه
أو أى شيئ سهل وبسيط بس فايدته عظيمه
وخاصه لما يكون جماعى
تسلم إيدك بجد موضوع مهم جدا

عاشقه الرومانسيه Says:

والله عندك حق فى كل كلمه قلتها
انت عرفت تعبر عن حال العرب كويس قوى
برافوا عليك
بس مين يسمع ومين ينفذ
تعليقك على البوست الاخير عندى كسفنى قوىىىى
(وش مكسوف)
اشكرك

SHAPE YOUR LIFE (ABOALI) Says:

الى يارا

مبروك اول تعليق يا باشا وان شاء الله دايما

بيعجبنى فيكى انك لسه بتعبرى عن الفكر الناضج لحواء المصرية الاصيله
وثقى مادام لسه فينا ناس مثلك وغيرهم

هايكون لينا شكل تانى مستقبلا
اهم حاجة اننا نعطى غيرنا ونور ليه الطريق
لنكون مجتمع صغير منا قادر انه يقول
اناااااااااا انسان


اشكرك

SHAPE YOUR LIFE (ABOALI) Says:

الى موناليزا

الفئران فعلت بالفعل وقرضتت الشوال

نحن لم نفعل شىء بعد
واذا تكلمنا عن ماذا نفعل هانخد وقت

بدل ما نشتغل انفسنا نشتغل
وبدل ما نتكلم فى الشغل نشتغل الاول


يعنى نبدء نقوووووووووول
احنا بنى ادميييييييييين مش فيران


تحياتى الراقيه مع شكرى

SHAPE YOUR LIFE (ABOALI) Says:

الى ايمى

و الله وجودك يا ايمى دايما بيشعرنى بالتفاؤل والخير
واشعر اننا فقط نحتاج الى التجمع والعمل
لاءنه زاى ما انتى قولتى فيه شباب زاى الورد موجود

توحيد الهدف والعمل على تحقيقه
لو كل واحد حطه دستور امامه ها ننجز حاجات كتير جدا


اسعدنى وجودك
واشكرك ومن يشكر من

SHAPE YOUR LIFE (ABOALI) Says:

الى انجى
نجرب يا انجى حاجة تانية يمكن نكون قطط مثلا ونتدرج

بس نبتدى االاول

SHAPE YOUR LIFE (ABOALI) Says:

الى محمد الغاليه

فعلا يا محمد احنا ساعات بتوقع منا انفسنا ذاتها
من كثرة التحورات التى تتحور بها

لكن لسه فى الجعبه الكثير


تحياتى

SHAPE YOUR LIFE (ABOALI) Says:

الى مهندس على

سؤال حيوى فعلا
هل لو كنا فى هدوء هل سنتحد
فعلا نحتاج الى التفكير
لاءننا عهدنا فى انفسنا على عدم الاتحاد

بس اعتقد انه هنا دور الايمان وحب الدين


اشكرك على تعليقك المميز

SHAPE YOUR LIFE (ABOALI) Says:

الى احمد سمير

بس لسه فى حاجات كتير نقدر نعملها علشان نخرج من القمقم


تحياتى

SHAPE YOUR LIFE (ABOALI) Says:

الى ايمان

محتاجين قبل زرع الشجره
نزرع فى قلوبنا الخير والثقة واليقين
والايمان اننا لينا طريق واحد
ومش محتاجين نقطع على بعض ونمزق كل شيىء جميل

ومافيش مانع من زرع البسمة على وجوهنا فى كل صباح
والتعامل باللين بدل الفظاظه اللى تفشت
ويااااااااريت نغلف انفسنا بالروائح الطيبه لنكون قدوة لغيرنا
فعلا وليس كلام


اشكرك يا ايمان على المتابعة
ولك كل التحية على ارائك الرائعة التى اسعد بها شخصيا

SHAPE YOUR LIFE (ABOALI) Says:

الى عاشقة الرومانسه

مين يسمع ومن يشوف
على الاقل انا سمعت
وساءبدء من نفسى من تلك اللحظه
احاول اكون انسان


لا شكر على واجب
من لا يشكر الناس لا يشكره الله
وانتى كتبتى رسالة اتمنى ان تكتب لى يوما
من حووووووووووواء
وتظل تكتبها لى طول العمر
وليس قبل زواجى منها فقظ


ولالالالالالالالالالالاايه

الازهرى Says:

انه قانونهم الاساسى فى التعامل معنا
فرق تسد
وهو قانون دائما ما ينفع مع الشعوب غير المتحدة وغير المفكرة

تحياتى دوما

رحلتنا في الحياة Says:

بوست جميل جدا وكلامك كله صح وهى دى السياسة اللى ماشية

نـــــور Says:

تصدق الله ينور عليك بجد
الكلام جامد جدا
واحلى تشبيه لينا بعيد الهدف اللى فى القصه اننا فئراااااااااان

الله ينور
عاجبانى جدا

شهرزاد Says:

تعددت السياسات والهدف واحد
كلها سياسات وضعت لنبقى نحن في مؤخرة الأمم ولنحافظ على دور المتلقي وليس دور المخطط والمنفذ

ولا حول ولا قوة إلا بالله
ليس لنا الآن إلا أن نعود إلى تعاليم ديننا الحنيف والالتزام بشرع الله لعل الله يحدث بعد ذلك أمرا

تحياتي

Kiara Says:

المعنى وصل ياباشاااااااااااااا

سكينة Says:

احنا في حالة بنتسائل فيهاعن الثوابت ولو بطلوا تقليب الكيس هنفضل داخيين كثير
من المستقبل أريد الجنة
ومن الحاضر الثبات على الحق والصحة والغنى عن العباد
من الدنيا شكر النعم
تحياتي

سندس وأمل Says:
أزال المؤلف هذا التعليق.
سندس وأمل Says:

نحيرت كثيرا فى هذه القصه....

كيف نحن من نملك العقل والمقدره التى وهبها

الله لنا لا نستطيع ان نفعل مثل الحيوان

الذى لايملك عقلا!!!!!!!!!!

...................

تعرف حضرتك احنا مش قادرين نتحد ليه

علشان كل واحد انشغل بنفسه(على اساس

انه بيحاول يصلح نفسه!!!!)

ونسينا ان حنا امه لازم نكون ايد واحده

وكل واحد بيقول يعنى هوا انا الى هصلحها!!!

ملحوظه:انا عارفه ان الكلام داخل

فى بعضه .....



سندس

اقصوصه Says:

القصه وايد حلوه

وفيها حكمه كبييره

الله يعيننا ع هالزمن

ويعيننا على ما بلانا

SHAPE YOUR LIFE (ABOALI) Says:

الى الازهرى
فعلا هو اسلوبهم
ونحن ماشاء الله علينا نطبقه مع انفسنا
وقاعدين نقلب بعض

تحياتى لك الراقيه

SHAPE YOUR LIFE (ABOALI) Says:

الى ايوشه
مرحب بك فى اول زيارة وسعيد ان البوست عجبك
ويااااااااااربت نبتدى نغير

تحياتى

SHAPE YOUR LIFE (ABOALI) Says:

الى حبيبه
بس هو مش عاجبنى يا حبيبه
وعاوز اغيره
الفيران دلوقتى مش لقيه اكل

عاوزين نبقى قطط

تحياتى

SHAPE YOUR LIFE (ABOALI) Says:

الى شهرزاد

صح فعلا العوده الى منهج الله السليم هو الحل

احييكى دائما

SHAPE YOUR LIFE (ABOALI) Says:

الى كيارا

يعنى اقتنعتى اننا فيران صغيرة

ولالالالالالالالالالالالاايه

SHAPE YOUR LIFE (ABOALI) Says:

الى سكينة
انتى جبتى المفيد
بس عاوزين نشتغل ونفكر علشان نوصل لده

صح ولا

وصحيح انتى غيبه فين كده

SHAPE YOUR LIFE (ABOALI) Says:

الى سندس وامل

بالعكس الكلام لم يدخل فى بعضه
الكلام عاجبنى جدا
وفعلا احنا شتتنا انفسنا

احييكى على تعليقك الرائع فعلا

SHAPE YOUR LIFE (ABOALI) Says:

الى اقصوصه

الحياه لا تعطى للكسالى
عاوزين شويه همة ونشاط وعمل

علشان نخرج من النفق المظلم او الشوال

تحيتى

غروب Says:

الله عليك يا ابو على وعلى نظرتك للحياه وقصصك الجميله

هااااااااايل لدرجه انى مش عارفه ارد

بس حقيقي لما بحس انى عايزه اكون متفائله باجى هنا

تسلم لينا

Yasmine Madkour Says:

حلوة أوي أوي أوي :)

بجد بجد رائعه و الإسقاط أروع .. إختيار جيد

منى Says:

فئران؟؟؟
ايعود ذلك لان كل اهتمامهم انصب على البقاء على قيد الحياه
بغض النظر عن ماهيته تلك الحياه؟؟
ربما......
سلمت يدك وفلسفتك اخى

غروب Says:

ابو على :

فين الجديد معقول كده تغيب كام يوم؟؟؟؟؟؟؟؟؟؟؟؟

انا بتفائل بكلامك والله وبحب اقراه

منتظره الجديد يا فندم

dalia Says:

أبو على

انت والله جيت على الجرح انت عارف انا كل يوم تقريبا بتعرف على ناس جديدة في مكان جديد بحكم عملى الصحفي والاهم ان اكثر اختلاطي بيكون بين الباحثين والدكاترة في مراكز البحوث والجامعات عايزه اقولك ان في مشاكل حقيقية فينا حتى العباقرة مننا مش بيعرفوا يتحدوا على حاجة ولا بتفقوا، دايما خناقات وشكوى واتهامات حتى ولو كان "الشوال" أو الظروف المحيطة مستقرة وهادئة وعلشان كده مش عارفين نعمل تيم ورك حاجه محزنة انت عارف انا كثيرا بيجيلي اكتئاب من الوضع ده ونفسي اصرخ في وجوه كل الناس واقولهم كفاية بقه ركزوا شوية في ابحاثكوا وشغلكوا علشان نتقدم بس مفيش فايدة

mahasen saber Says:

يعنى الفيران بتتحد وبتتفق على راى واحد

يعنى الفيران برقبتنا واحسن مننا

سبحان الله ونقول حيوانات

SHAPE YOUR LIFE (ABOALI) Says:

الى غروب

اسعدنى تعليقك ثم تعليقك
ثم بسمتك ثم بهجتك
وياااااااااارب يزينك الرحمن بكل فرح وسرور
وعمل مبرور
وتعيشى فى سعاده لا تزول


اقال ايه فى الجنة يعنى
هههههههههه

SHAPE YOUR LIFE (ABOALI) Says:

الى عاقلة على ارض الجنون

فعلا نحن مجانين على ارض كانت للعقلاء

ولالالالالالالالالالالا ايه

SHAPE YOUR LIFE (ABOALI) Says:

الى منى
سؤال وجيه
من اراد البقاء سيدتى
اختار طريقة البقاء

ولا ايه

اشكرك

SHAPE YOUR LIFE (ABOALI) Says:

الى داليا

نصرخ اه نحزن ماشى
نقول مافيش فايده
لالالالالالالالالالالالالالالالالالالالا
مش متفق
وارفع اشارة الفينو
سورى الفيتو

ههههههههههههههه

ربنا معنا
بس بالامل والعمل

اشكرك

SHAPE YOUR LIFE (ABOALI) Says:

الى الاخت محاسن
ههههههههههههه
حيوانات
عيب
هابلغ عنك السلطات
وانتى مش ناقصة
ولسه بتقولى يا هااااااااادى


يسعدنى حضورك فى بيتك
ان كان يليق

nada.mixseogy Says:

شركة مكافحة قوارض بمكة
من الان يمكنك ان تستمتع ببيئة نظيفة خالية من الحشرات و القوارض مع شركة مكافحة قوارض بمكة تستخدم افضل المبيدات للتخلص من القوارض و التعرف على اسباب ظهورها حتى تضمن عدم ظهورها مرة اخرى و لا تقتصر خدماتها فقط على التخلص من القوارض بل هى ايضا شركة مكافحة حشرات بمكة تستطيع ان تتخلص من جميع الحشرات المقرفة كما انها توفر لك هذه الخدمة على مدار 24 ساعة فلا تتردد فى التواصل معها

شركة مكافحة حشرات بمكة
http://www.elbshayr.com/3/Pest-control