يلا بينا نسمع بعض

, الخميس، 29 يناير 2009



تربينا من الصغر اننا نتعامل ونتصل مع غيرنا اما بالحديث معهم
او من خلال الكتابه او القراءة وعلى الرغم من اهمية تلك الطرق
الا اننا اغفلنا عنصر" فى غاية الاهمية هو الاستماع او الانصات للغير
ويكاد القارىء لهذه الكلمات يقول انا اسمع لغيرى جيدا" وانصت له
ولكن ثبت يقينا" اننا لا نسمع بعضنا بوعى او نكون مدركين اننا ننصت جيدا"
واذا صمم البعض على رأيه فلينظر حوله

ويرى كمية وعدد المشكلات والاحداث التى تنشأ عن عدم الاستماع
على سبيل المثال لا الحصر المشاكل التى نراها بين الابناء والاباء
التناحر بين الازواج والزوجات ناتج عن ضعف الاستماع وادى الى سوء الفهم
ان الاستماع للغير ليس مجرد كلام يقال فقط

ولكنها مهارة ووصفة اخلاقية قيمة تنمى العلاقات وتغذيها
وتوجد وصفة جميلة تساعد فى تنمية تلك المهارة

تتلخص فى بعض النقاط الرائعة وهى

-- الاستماع لمن يتكلم بأخلاص حتى تفهمه

ولا تكون مستمعا" له حتى تلتقط عثراته و زلات لسانه من بين كلماته
-- لا تشغل بالك اثناء الحديث وتجهز للرد فالاستعجال يؤدى للفهم الخاطىء للحديث
-- انظر الى من يتحدث اليك بوجهك على الاقل فهذا يقرب بينك وبينه
-- اظهر لمن تسمعه انك تسمعه ولا تتظاهر بذلك فسوف يكتشف خداعك
-- لا تقاطع من يتحدث وانتظر حتى ينهى كلامه وان طال
-- لخص ما قاله المتكلم وكرر عليه كلامه حتى يفهم انك تفهمه
-- ان كان المتكلم فى حالة نفسية معينه اى غضبان او فرحان او حزين

فلابد ان تتوافق معه على حسب حالته اى تكون جديا"
-- كن فى مكان المتكلم وقل لنفسك ماذا كنت اريد ممن يسمعنى لو كنت مكانه

بعد تلك الوصفة لننظر الى داخل انفسنا و نسئلها هل نحن نحسن الاستماع لغيرنا

دع نفسك مستمعا" بإنصات لأول مرة فى حياتك وبالتاكيد ستشعر بالفرق

قال تعالى : ﴿ أَلَمْ نَجْعَل لَّهُ عَيْنَيْنِ ﴿8﴾ وَلِسَاناً وَشَفَتَيْنِ ﴿9﴾ وَهَدَيْنَاهُ النَّجْدَيْنِ ﴾
فقد خلق الله لنا لسانا" واحد" ولكنه خلق لنا اذنين لنسمع اكثر ممن نتكلم
وعجبى

45 Response to "يلا بينا نسمع بعض"

princess Says:

اول تعليق:)))))))))))

princess Says:

كلام جميل كلام معقول:)))
انا اكتر حاجة بتعصبنى لما اكون مضايقة واللى قدامى يقعد يتريق او مثلا يقلل من اللى مضايقة بسببه ببقى عايزة اعضه هههههه

أمل حمدي Says:

سبحان الخالق لم يخلق الا بحكمة لا يعيها الا ذو الالباب

تقديري لاخي الغالي ابو علي

موناليزا Says:

نصائح قيمة نرجو ان تنفذ من الجميع
وفيه حاجة كمان اسمحلى اضيفها
وهى بلاش تقارن بينك وبين الشخص المتحدث وتعرفه انك لو كنت مكانه كنت هتعرف تتصرف احسن منه
ملحوظة:منمن تكتب"ممن"
وبإنصات الهمزة مكسورة على الالف وليست على السطر
بالتوفيق دائما

SHAPE YOUR LIFE (ABOALI) Says:

الى برنسيس
كلام جميل كلام معقول
بس الاجمل تطبيقه

ساعات فعلا اللى اقدامك اقصاد كده
وعاوز يخرج عن شعورك
حكمتك انتى بقى انك تفوتى عليه الفرصه

خصوصا ان مصل العض غالى
هههههههههههه

تحياتى

SHAPE YOUR LIFE (ABOALI) Says:

الى ماما اموله

كل شيىء محسوب وفى ميزان معلوم
يا سلام لو نشوف قدرته
هانعرف ان لينا مقام وعيون
بس نعرف طريق رحمته ونعمل كل مايقرب لمحبته


اشكرك

SHAPE YOUR LIFE (ABOALI) Says:

الى موناليزا
ياريت نطبقها هاتريحينا كتير جدا فى حياتنا
وهانعرف نتواصل بسهوله بدل من الصوت العالى اللى بدء يتوغل فينا
وحياتنا بقت صريخ وعويل

بالنسبة لاءضفتك
اكيد ده لازم
بس المقصود بوضع الشخص مكان الشخص
انى نكون احنا اللى عندنا البدايه فى تتطبيق الكلام ده
وبالتالى هانشوف ان الاستماع والانصات
بيوفر مجهود ووقت كبير جدا
وليه مفعول السحر على اللى حوالينا
وجارى عمل اللازم فندم
ونشكركم على حسن تعاونكم معنا

شمس النهار Says:

للأسف مابقاش حد يسمع لحد والا لنفسه
الام مابتسمعش للأولادها رب الاسره لايسمع لرعيته
كل واحد عامل انه عارف كل حاجه ومش محتاج يسمع لحد
حتي الحكام كل زاحد عامل له كام مستشار كده لزوم الوجاها لكن في النهايه مابيسمعش لحد فيهم
ياريت فعلا نسمع لبعض
علي الاقل عشان نعرف بعض اكتر

الازهرى Says:

النصائح جيدة للغاية ومرتبة

انا ممن يتحدثون كثيرا اذا وجدت المناسبة لذلك ولكن بعدها اظل اسمع وليس استمع
فكثيرا ما اتركه وامضى بذهنى بعيدا عنه خاصة اذا كان هناك اصدقاء جالسين معنا بحيث يتواصل الكلام بينهم

اما ان استمع جيدا فهذا صراحة لا افعله الا اذا كان الامر هاما
ولذلك فاصحابى القدامى يبدأون دوما كلامهم بذكر انه هام حتى لا اتركهم وابتعد كعادتى


تحياتى دوما

سمكه واحده Says:

اولا معلومات جميله جدا ومفيده جزاك الله كل خير فعلا ربنا مخلقش شئ عبثا سبحانه الله

ثانيا انا بقي مقولكش لوك لوك لوكلوك رغايه موت مش بسمع اللي ادامي مش بركز اصلا فتلاقيني ارد رد عبيط ويفهم منه اني مش معاه ودي بتزعل ناس كتير مني كتير وحد بيكلمني ببقي سرحانه او بفكر في حاجه تانيه او تيجي في دماغي اللي عايزه تضرب بحاجه دي فكره اروح مقطعاه في الكلام واقول ايه رأيك في كذا منكرش لو حد بيعمل معايا كده كنت خنقته واضيقت منه لان الحركه دي خدتها ومن غير ما اشعر من صديقه عزيزه عليا وغصب عني رغم كنت بلوم عليها الا اني بقيت زيها
واللي واضح اوي الايام دي وانشغالي بالمدونات والنت ماما بتبقي عايزه تتكلم معايا ولا تفتح موضوع وتقولي تعالي جمبي وسيبي النت شويه اقولها انا سمعاكي اهو اتكلمي بس وطبعا ببقي بقرأ في المدونات وكل شويه ها اه وبعدين وانا مش سمعه ولا كلمه فبتالي برد بردود توحي اني ولا انا هنا زعلت مني ماما كتير وبصرااحه انا زعلانه من نفسي وعايزه ابدا استمع اللي قدامي شويه لان مكنتش كده شوفت اهو حتي بكلم كتير ازاي
انا عارفه نفسي مش هتعلمممممم
وموضوع خلاني افكر شويه
اما اقوم بقي اصحي ماما من النوم اشوفها كانت عايزه ايه مني
تحياتي
سمكه الرغايه

mohamed ghalia Says:

عندك حق بجد إحنا مفتقدين فن الإنساط
موضوع هايل وفعلا محتاجينه
دمت بكل الود
فى حفظ الله

Lady E Says:

والله عندك حق وموضوع كنت بفكر فيه من فترة

جزاك الله خيرا على النصائح

ومن معلوماتي المتواضعه ان الرسول صلى الله عليه وسلم لما كان بيستمع لحد بيكلمه كان بيتوجه ليه بجسمه كله مش بس بوجهه الشريف

SHAPE YOUR LIFE (ABOALI) Says:

الى الحاجة شمس

لخصتى الحدوته يا ست الكل
حتى نعرف بعض اكتر وكمان نفهم بعض
ودى بقت حاجة ضروريه جدا" حاليا


احييك على تعليقك واتمنى ان نسمع اكتر واكتر

SHAPE YOUR LIFE (ABOALI) Says:

الى الازهرى

فعلا الامور كده واضحة الاستماع ضرورى وممكن تجد فيما تسمعه حلول لكل ما يدور بذهنك وسوف تكتسب ثوب اخر لك وهو ثوب الانصات والتفاهم والاحترام

اقصدى يزيدوا يعنى


واللى انت ذكرته بالفعل مثال حى نحتاج تغيره لاءنه فينا كلنا


اشكرك على تعليقك

SHAPE YOUR LIFE (ABOALI) Says:

الى سمكه واحده مش اتنين

والله انتى جبتى الخلاصه بمثل حى وواضح
ويكاد بيكون نسخة موحوده منه فى كل بيوتنا

لذا محتاجين نبدء والعمليه سهلة جدا"

نربط لسانا شويه وننطلق


تحياتى واشكرك جدااااااااااااا

SHAPE YOUR LIFE (ABOALI) Says:

الى محمد الغاليا

الانصات يغير اماكن ناس ويعلو بيهم فى مراتب افضل لانهم بيكون لديهم فرصه افضل على التحليل


واتفق معك فى اهميته

اشكرك وتحياتى الراقيه لك

SHAPE YOUR LIFE (ABOALI) Says:

الى ليدى

اشكرك على الاضافه القيمة ولنا فيه اسوه حسنه فهو المعلم
واتمنى لك الشفاء العاجل


اشكرك

dalia Says:

طبعا بتفق معاك يا ابو على جدا انت عارف ده انا جربته كتير في الحوارات الصحفية وبيفيد كتير وبيقرب الشخص منك جدا لانه بيحس انك مهتم بكلامه وممكن تكون علاقة طيبه جدا معاه بعد كده
بس لغاية "لا تقاطع من يتحدث وانتظر حتى ينهى كلامه وان طال" مينفعش عندنا في الصحافة لان كده معناه انني ابطل شغل ههههه شكرا على المعلومات القيمة

شفـقــة و إحســــان Says:

حلوة جدا جدا النصايح دى
بجد كلامك مظبوط وياريت فعلا كلنا نحس بالاخرين ونستمع ليهم
تحياتى

Kiara Says:

مبقاش فيه حد بيحث بحد ولا بيسمع بحد بقي قليل اوي

بوست في الجووووووووووون

TAMTAM Says:

عند حضرتك حق طبعا
الناس لو تسمع بعضها بقلب اكيد هتفرق كتير
المدونه جميله جدا
اتمني حضرتك تزورني قريب
تحياتي

EMMY BABY Says:

احم احم

السلام عليكم

دى اول مدونة ادخلها بعد غيااااااب وعمرى ماندمت فى يوم انى دخلتها بجد يا ابوعلى الموضوع ده فعلا لو اتعالج عند ناس كتير هيكون سبب فى حل مشكلاتهم

لان مهارات الاتصال هى اللى بتخلى الشخص ده الناس بتحب الكلام معاه ولا بتكره الكلام معاه

ولازم كمان نرتقى بمهاراتنا علشان تنساب التحدث مع جميع الشخصيات وان كانت لا تناسب شخصيتنا

بيعجبنى اوى اختيارك للموضوع

ربنا يكرمك

تحياتى

ايمى

غير معرف Says:

نصايح جميلة أوى أوى و فعلا كلنا محتاجين نطبقها



شكرا أوى على البوست الجميل ده

د/ رامي شهاب الدين Says:

كلام فى الجون ياريس

فعلا ثقافة الحوار عند أغلب الناس مش صحيحة ..دا غير التعصب والإعتداد بالرأى دون دمج منطقية الحوار فى حيثيات المناقشة

يمكن إنت حطيت إيدك على سبب أنا بعتبره من أهم أسباب عدم نجاح منظومة العمل المتكاملة أو كما نسميه فريق العمل ولا سيما فى مجال البحث العلمى

أتمنى إن الظاهرة السلبية دى تختفى من حياتنا خالص

دمت بكل الود.. تحياتى

mahasen saber Says:

اكيد اكيد اسمع بأمعان وحب واهتمام زى ما احب اتسمع

واكيد الاسمتاع للاخرين ولحكيهم وما بداخلهم بيخلق تواصل عالى وراقى وبيحسس بالطمأنينه ما بينهم

عمرو جويلى Says:

دعوة جميلة ياريت نطبقها عندما نتعامل مع بعضنا البعض فبارك الله عليك
ويسعدنى التواصل معك دائما

انى احبكم فى الله Says:

شكرا على الموضوع الجميل والمدونه الجميله وبجد انا عاوزة اقولكم لازم ننغير حياتنا ههههه

SHAPE YOUR LIFE (ABOALI) Says:

الى داليا
البنت المصرية الاصيلة
اكيد شعار يلا بينا نسمع بعض
مطبق صحفيا"
هو يعنى يعنى
مطبق على حسب المزاج والنوع
بس فى النهاية التوابل مطلوبة برضوا
فى الصحافة
وياااااااااااا معين

اشكرك مع التوفيق فى الشروق

SHAPE YOUR LIFE (ABOALI) Says:

الى شفقة هانم واحسان بك
النصائح تقريبا استهلكت لاءن من يقول النصيحة الان اصبح غير محبوب
ممكن نسميها علامات للسعادة
او دلالات على الطريق

وفعلا لو طبقت سنستريح كثيرا"

تحياتى الراقيه

SHAPE YOUR LIFE (ABOALI) Says:

الى كيارا

ليه بس كده يا مولان
احنا ان شاء الله قادرين اننا نسمع بعض
بس حبة مجهود صغنن على رايك
ونبقى حلوين

تفائلى وكله خير

وتحياتى دائما لك

Kiara Says:

اكيد بس المهم اننا نسمع من قلبنا

SHAPE YOUR LIFE (ABOALI) Says:

الى طم طم

اتفق معك لو شعرنا باءهمية الانصات والاستماع سنشعر براحة وسكينة فعلا"

ان شاء الله نتزاور وشرفتنى

تحياتى الراقيه

SHAPE YOUR LIFE (ABOALI) Says:

الى ايمى بيبى
يااااااااااااااااااااه
والله ليكى وحشة
برونق تعليقك وشخصيتك الصافية
ربنا ان شاء الله يهبك دائما القبول فى حياتك
طبعا انتى عندك حق انى موضوع الاستماع مهم جدا
لاءنه فعلا مهارة تساعد على حياه افضل من كل النواحى
وتشعرى انى فيها رقى واحترام

كل الخير ليكى ان شاء الله


تحياتى

SHAPE YOUR LIFE (ABOALI) Says:

الى انا ودماغى

عودة موفقة
وان شاء الله تكونى قد انجزتى فى امتحاناتك
وتكون النهاية جميلة ان شاء الله

اشكرك على كلماتك الرقيقة

SHAPE YOUR LIFE (ABOALI) Says:

الى دكتور رامى

ياهلا ياهلا
بعد الغياب الطويل

اتفق معك فى كل ما قولته
وفعلا اوجزت الحدوته كلها
بدون الانصات وتحسين الاستماع
ستجد اننا فى غابة ولكن مع الفارق

اشكرك على تعليقك الذى اعجبنى واصاب لب الحقيقة

SHAPE YOUR LIFE (ABOALI) Says:

الى الاخت محاسن

تعبير حلو اللى انتى اختارتيه
الانصات والاستماع يعطى شعور بالطمائنينه
لما فكرت فعلا فى كده لقيت ده حقيقة فعلا"

احيييكى على ذلك البعد فى التفكير

اشكرك

SHAPE YOUR LIFE (ABOALI) Says:

الى اللؤلؤه
كلامك لؤلؤ يا لؤلؤه

اشكرك

SHAPE YOUR LIFE (ABOALI) Says:

الى انى احبكم فى الله

ونحن اكيدلازم نسمع بعض فى الله برضوا
لاءنه وسيلة للحب

تحياتى الراقيه

SHAPE YOUR LIFE (ABOALI) Says:

الى كيارا

فى حاجة اسمها الانصات والاستماع
الفرق بينهما
ان الانصات يكون بوعى وفهم ومن القلب كما اسميته

بس حبة حبة نسمع لبعض الاول وسياءتى الانصات بعدين

ولالالالالالالالالالالالا ايه

حاجات جوايا Says:

رائع جدا جدا ما كتبت اخى الفاضل
نصائح غالية فعلا
ونحتاجها بشدة فى هذه الأيام التى ننشغل فيها حتى عن الاستماع لأنفسنا وتحديد احتياجاتنا

دمت موفق اخى الفاضل
سالى

اقصوصه Says:

فعلا معاك حق

اوافقك الراي

نحن بحاجه للهدوء قليلا

لنتمكن من الاستماع جيدا

لكل ما يجري حولنا

تقبل مروري :)

عاشقه الرومانسيه Says:

فعلا كلامك جميل وعندك حق فيه طبعا
انا شخصيا باتضايق لما حد اكون باكلمه ويتفه من رائى او يستخف بمشكلتى
الموضوع مهما كان بسيط بالنسبه للمستمع فهو كبير بالنسبه لصاحبه
ولا ايه رايك؟
الموضوع انا بجد استفقدت منه قوى
ربنا يجعله فى ميزان حسناتك
اشكرك بشده

تحيـــــــــاتـى

SHAPE YOUR LIFE (ABOALI) Says:

الى حاجات جوايا

هى فعلا حاجات جوانا محتاجين نلمعها
لاءنها بها ستقل مشاكلنا

تحياتى واشكرك

SHAPE YOUR LIFE (ABOALI) Says:

الى اقصوصه

فعلا لحظات هدوء وانصات كله يبقى تمام

تحياتى الراقيه
منوره دائما

SHAPE YOUR LIFE (ABOALI) Says:

الى عاشقة الرومانسية

بس ده مش معناه اننا كلنا نبقى عاشقين الرومانسية
ههههههههههههه

متفق معاكى جدا

اشكرك على تعليقك الجميل