العبرة

, الأربعاء، 12 نوفمبر 2008



عجبت لحديث لخير من مشى على الارض

( صلى الله عليه وسلم)
يقول فيه
ان اكـــــــــــــــثر جنـــــــــــــــود اللــــــــــــه من الجـــــــــــــراد
فتعجبت كل العجب
لمــــــــــاذا الجـــــــــــــــــــــــــراد ؟
فقراءت اقوال عديده منها
ل شريح القاضى
قبح الله الجرادة فيها خلقة سبعة جبابرة
رأسها رأس فرس وعنقها عنق ثور وصدرها صدر أسد وجناحها جناح نسر ورجلاها رجل جمل و ذنبها ذنب حية وبطنها بطن عقرب
وكان كل العجب ان هذا يتوافق مع الدمار الهائل الذى يسببه الجراد وقوته الجباره على السفر والانتقال فيكون سوط عذاب لبعض الامم

قال تعالى
(فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ وَكَانُواْ قَوْماً مُّجْرِمِينَ)

لا تعجـــــــــــــــــــــــــــــــــب
ان العجب قليل
سبحان من خلق
وله الحكم والتنزيل
انظر هنا وهناك
تجد البسمة والضحكات
تجد الحزن والاهات
تجد الرحمة والرحمات
تجد الذكرى والذكريات
تجد الفرح والافراح
تجد البهجة والصباح
تجد السماء والارض
تجد الشمس والظل
تجد الجمال والضد
تجد الانسان والحيوان
تجد نباتا" وجمادا
تجد الهمس واللمس
تجد الغدا والامس
تجد الجند والجنود
انظر اليهم بلا حدود
تجد الكلام يعبر السدود
انظر اليهم وقل ماعساك
فاءن كنت لا تعتبر
فمن يعتبر سواكا
انظر الى الجرادا
اذا اتى الحرثا
فشاهد الفسادا
من سٌلط عليه هُناكا
رفع رايات الندم والبكاءَا
ان كنت لا تعتبر
انظر الى هدهد سليمان
حمل الخبر وجاء باليقين
اذهل كل الحكماء العاقلين
ان كنت لا تعتبر
انظر الى البقرة الصفراء
كانت الحكمة ليهود اغبياءا
كانت دليلا" على قتل الشرفاءا
ان كنت لا تعتبر
انظر الى حمامة" و عنكبوت
نسج الخيط وبنى البيوت
ان كنت لا تعتبر
انظر الى نمل سليمان
تكلم وعبر
قال واظهر
افاض واَعلم
ان كنت لا تعتبر
انظر الى طير ابابيل
وتعجب من حجارة من سجيل
ان كنت لا تعتبر
فانظر الى حوت موسى
كان له العلامة والميعاد
فالتقى مع من شق السفينة
وقتل الفتى واقام الجدار
فكان الحــــــــــــــــــــوار
الم اقل لك
انك لن تستطيع
معى صبرى
وكيف تصبر
على ما لم تحط به خبرا
ان كنت لا تعتبر
فانظر الى الغراب
علم هابيل
كيف يورى قابيل
ان كنت لا تعتبر
فانظر طير ابراهيم
تعلم منه علم اليقين
ان كنت لا تعتبر
انظر الى عصا موسى
كانت ثعبان"ُ مبينا
وخر السحرةُ ساجدينا
ان كنت لا تعتبر
فانظرلحوت صار ب يونس
فذكر واناب
ودعا فى الظلمات
لا اله الا انت سبحانك
انى كنت من الظالمين
ان كنت لا تعتبر
فلا تحتاااااااااااااار
انظر الى نفسك
وتعجب فالعجب قليل
وما يعلم جنوده الا قليل
هو العلى القدير
اعــــــــــتـــــــــــــــبر

50 Response to "العبرة"

ماما أمولة Says:

ابو علي

دائما تأتي بالجديد وتبدع

الجراد هي حشرات من رتبة Orthoptera أي الحشرات مستقيمة الأجنحة، التي تظم 28 عائلة من الجراد, حيت يوجد ما يزيد على 20.000 نوع من الجراد في العالم

ويعتبر الجراد أكلة مفضلة عند كثير من الشعوب في آسيا وبعض الدول العربية، فحشرة الجراد غنية بالبروتين الذي يمثل 62% ودهون 17% وعناصر غير عضوية تمثل الباقي مثل: الماغنسيوم، الكالسيوم، والبوتاسيوم، المنجنيز، الصوديوم، الحديد، الفوسفور، وغيرها

لا تعجـــــــــــــــــــــــــــــــــب
ان العجب قليل
سبحان من خلق
وله الحكم والتنزيل

سبحانه يا ابو علي

سبحانه

تسلم يارب

مفكر Says:

السلام عليكم::

"إن في خلق السماوات والأرض واختلاف الليل والنهار لآيات لأولي الألباب"

جزاك الله خيراً على العبرة..

أخوك في الله
مفكر

موناليزا Says:

سبحان الله وبحمده عدد خلقه ورضا نفسه وزنة عرشةه ومداد كلماته
حقا التأمل فى خلق الله يكشف لنا عجائب صنع الخالق
وذكرتنى بالابحاث الذى تمت خصيصا لاكتشاف الاعجاز العلمى قى القرآن مثال :
ان جزء من جسم النمل يحتوى على الزجاج ولذلك جائت الآية الكريمة"ليحطمنكم سليمان وجنوده"
وايضا "بعوضة فما فوقها" اكتشفوا وجود نوع من الجرثومات لاترى بالعين المجردة وتعيش فوق البعوضة...
حقا ان فى خلقه لآية
ربنا يكرمك ومشكور اخى الكريم
نفعنا الله بك وزادك من فضله

شمس النهار Says:

سبحان الله
اللي اعرفه ان الجراد بعد مايستوي بيكون نسبة البروتين عاليه وهوقريب من الجمبري
بشكركعلي البوست الجميل ده
بشكر ماما اموله علي المعلومات الجميله دي

رندا Says:

سبحان الله

لا استطيع ان اكتب كثيراً
موضوعك جميل وليس بعدة كلام

لله في خلقه شؤون

دائماً سباق بالمعلومات الجميلة المفيدة

تحياتى وتقديرى

رندا

habiba Says:

السلام عليكم
ازيك ياابو على
مبدأيا انا داخله وانا فى قمه الكسوف ووشى احمرررررررررر لانى مقصره فيك وفى ناس كتير بحبها وبتحبنى وبتسأل عليادايما

خلينى اشكرك بقى على متابعتك وسؤالك برغم قله زوقى
وثانيا ربنا يكرمك انا مش برد عالتعليقات لانى واله ربنا يعلم بحالى واول مابلاقى وقت فاضى بستغله فى بوست او اقرا لحد لو حتى مش هعلق ودى تقريبا مش بتحصل
المهم انا بخير وكله تمام والحمد لله وماعرفتش ارد هناك لانى هبقى مضطره ارد عالكل :((
تحياتى طبعا واسفه بس عدم ردودى مش قله زوق انما قله حيله
اسفه انى مقدرتش اقرا البوست لانى لسه ماصلحتش مشكلتى
سلااااااااااااام

من غير عنـــوان Says:

شكرا على المعلومات حول الجراد... وشكرا للحظات التأمل في خلقه سبحانه وتعالى.. وشكرا على الكلمات الجميله

أمنياتي

ABOALI Says:

الى ماما اموله

ياعينى على المعلومات الحاضره
وبعد المعلومات دى كلها
مافيش عزومه كده حلوه
على جرادتين مقططين الواحد كده يرم عضمه بالبروتين الاصلى
احسن من الفول اللى بياخد مننا البروتين
هههههههههههه

اشكرك لك المرور الجميل ذو المعنى الاصيل

ABOALI Says:

الى مفكر
يااااااااااا سلام فعلا
اولو الالباب اذا فهم اعتبر
لك كل الشكر على كلماتك
ودام بيينا الحب والتواصل
تحياتى

ABOALI Says:

الى موناليزا
ايه ده جمممممممممممممميله
وعجبتنى موضوع النمل ده اوووووووووووى
سبحان الله فعلا
هى البعوضه انا كنت عارفها
بس تعرفى ده فعلا يعطى الدليل القاطع انى القراءن لكل العصور
ولسه فى فى كنوزه الكثير
بشكرك بشده وبقوه
اعمل ايه هما الرجاله كده شده وقوه
مافيش باشكرك بشكل رقيق او جميل
ربنا يغفر ليهم يا شيخه
هههههههههه

تحياتى الصادقة لك

ABOALI Says:

الى شمس النهار
يظهر انى كل الناس عارفه طعم الجراد
وكمية البروتين العاليه
اه علينا احنا اصلى فى القاهره
كل فى الاقاليم مخلصين عليه قوام قوام
ربنا يتولانا به بجراتين نمزمز فيهم

او بقى عزومه كده مع ماما اموله
نشوف الطبخ الاصلى
يااااااااا عينى على جراده مشويه
والواحد ياكل فيها اليوم بحاله
ياااااااااا قلبى
هههههههههههه

تحياتى وادام الله التواصل

ABOALI Says:

الى رندا
ماذا اقولوووووووووووووا
ما انتى يا راندا اللى خصلتى على كل الكلام الحلو ومخلياه فى مدونتك الرائعة الاحساسيس
نعمل ايه بقى
لجئنا للجراد لعل وعسى ناخد منه شويه كلام نرم بيهم الحروف اللى عندنا

تحياتى الغاليه

ABOALI Says:

الى حبيبه
وتحيه لقصاقيص حبيبه

يااااااااااااااا باشا عارفين مشغولياتك فى الحاسبات والبرمجة والفرمته
بس احنا كنا مشتاقين
لحد يعلى الرامات
ويشيل فيروسات حياتنا
ويسرع بروسيسور القلب
ويجمع اجزاء عمرنا
ويحسن كروت عقلنا

قولنا ماااااااااافيش الا حبيبه الملايين

ربنا يوفقك ان شاء فى حياتك
ابقى رنى بس

ABOALI Says:

الى من غير عنوان
بنحاول نعرف العنوان
قولنا نشوف الجراد فيه عبرة وعنوان
فيه معنى اصيل
يعرفنا عناوين كتير
اشكرك على المرور العبق

mohamed ghalia Says:

لا نملك إلا أن نقول سبحان الله
فكلها جند من جنود الله عز وجل
تحياتى أخى العزيز
جزاك الله خيرا على هذه اللفتة الرائعة

princess Says:

هاى
بوست مختلف وملىء بالمعلومات بس سؤال وصف الجراد ده دقيق؟
اصلى اول مرة اسمع الكلام ده
تحياتى على البوست

ABOALI Says:

الى محمد غاليه
فعلا لانملك الا العجب ونقول سبحان القادر المقتدر

تحياتى

ABOALI Says:

الى برنسيس
كيف حالك اولا فينك
اجازتك طولت ليه يا جميل
اشكرك اولا على التعليق
ثاينا للامام على عبارة جميلة
ليس ما لايعرف ينكر
ولا كل عُرف يقال
ولا كل ماعرف حضر اهله
ولا كل ما عرف جاء اوانه

يعنى تلك من حكم الله فى خلقه
وانا تعجبت مثلك لما قرائت
ولكن فعلا الوصف دقيق
ومثبت
ولك ان تضعى فى جوجل محرك البحث
كلمة سبعة جبابرة
وسياءتى لك الكثير والكثير

تحياتى على اهتمامك

على فكره
هاى دى يعنى طويل ولا ايه
هههههههههههههه
انا فعلا 182سم

كـــيــــــــارا Says:

معلومات جميله ياابوعلي بجد

ماشاء الله عليك كل بوست بتنزله فيه رساله

Bosssssy Says:

بجد مش قادرة أقول غير ماشاء الله عليك ............

ربنا يكرمك ويجعلك دائما تذكرة لقلوب الغافلين ............


بووووووووسي

Lola Says:

عارف احلى حاجه ممكن نعملها فى حياتنا ايه؟؟ اننا نفكر فى كل شيئ حولينا بعمق..تأمل مخلوقات الله بجد بيبقى فيه روحانيه عاليه اوى وبيخلى الواحد يستشعر بعظمه الله وابداعه فى مخلوقاته.
بجد موضوع هايل اوى.وكلماتك ديما حلوه.

تحياتى

لولا

الازهرى Says:

الاخ العزيز ابو على

لعل الحديث صحيح

ولكن الكلمات بالتأكيد رائعة
واعجبنى انظر الى نفسك
وتعجب فالعجب قليل

فبالفعل ما زال الانسان لم يستكشف مابداخله حتى الان وله فى ما تم اكتشافه الكثير من المواعظ والعبر

تحياتى وخالص مودتى

mahasen saber Says:

مبدع فى كتاباتك واسلوبك
وخلاق فى اختياراتك للموضوعات

ابو على ازيك وتسلم مواضيعك الجميله دى
وفعلا فعلا تسلم مواضيعك

حسام وريمان فى هاكونا مطاطا Says:

السلام عليكم

بجد مووضع هايل

وانا اول مره اشوف وصف الجراده بالمنظر ده

ياااااه

فعلا فيها خلق سبع جبابره

سبحان الله

Beram ElMasry Says:

هذا الرد ارسلته للمغالط المزعوم باسم امل فتحى عزت
اخى او اختى امل فتحى
ماهى العقيدة ، فعقيدتك غير واضحة وفى المجمل انت بلا هوية ، واين الرد اللذى ادعيته على مهاترات هذا القمص الموتور وتطاوله على رسول الله صلى الله عليه وسلم ، واين دفاعك المزعوم عن كتاب الله لا كتاب مرقص او متى او يوحنا ولماذا تنشر هذة الوقاحات هنا ولم تنشرها عنده ارجو الرد واضح ومحددلا لف ولا دوران باستعراض مغالطات ساذجة كرؤيتك للجفان والقدور، والرجاء ارشادى للمكان اللذى ينشر فيه زكريا بطرس هذه المغالطات ، للردعلية من واقع مؤلفات متى اويوحنا او حتى برنابا ، ام انت مجرد بوق مروج لهذا المريض المغالط

ABOALI Says:

الى كيارا
العين ماتتطلعش فوق الحاجب
يااااااااااا باشا
انتى ماشاء الله تاريخ ودارسات
ربنا يعينا بقى نستحمل
هههههههههههه

اشكرك

ABOALI Says:

الى بوسى

هما كل اللى اسمهم بووووووووسى كده
على الرقه دى والاحساسيس الراقيه دى
انا اتجوز حد اسمها بوسى

اشكر كلمات واتمنى ان اكون عند حسن الظن
وكلنا نتعلم من بعضنا

تايه في وسط البلد Says:

ما شاء الله

جميل ما كتبت

وانا ادعو الله ان يرزق الناس من البصيرة والحكمة ما يفتح لهم درب التفكر والاعتبار

تحياتي واحترامي

ABOALI Says:

الى لولا المبدعة
تستحقى لقب
ملكة الاحاسيس الراقيه المتعمقه
وانعكس ده على تعليقك المميز
اتمنى لك المزيد من الرقى فى جميع جوانب حياتك

تقبلى تحياتى

ABOALI Says:

الى اخى الازهرى
الحديث صحيح
وموجود فى سنن ابى دواد
فعلا معاك
لازال هناك الكثير والكثير لنتعمق فيه ونفهم الحكمة
اشكر لك الراى المهذب الانيق

ABOALI Says:

الى الاخت محاسن

اذا ذكر اسمك اكيد لازم ناخد حسنات لانك محاسن
ادام الله عليكى راحة البال وعواطفك الجياشه وحبك للخير
واشكر لك كلماتك الشيك

ABOALI Says:

الى حسام وايمان فى هاكونا مطاطا

فعلا سبعة جبابرة
تدعو لقول واحد
سبحان الله القادر
احييك على المرور واتمنى دوام التواضل

ABOALI Says:

الى اخ بيرم
اعانك الله
واعاننى مثلك

dalia Says:

الحشرات فعلا من آيات الله التي تبرهني اتذكر انى قرأت كتاب مترجم اسمه " حياة الحشرات" من مكتبة مبارك كان يحوى العديد من المعجزات الباهرات ادعوك للقرائته
شكرا على المعلومات تحياتي

ABOALI Says:

الى تايه فى وسط البلد
اذا ادركنا
صدقا لن نتوه فى وسط البلد
المهم فقط معرفة من يعرفون العنوان

تحياتى واشكر مرورك الجميل

ABOALI Says:

الى داليا
اشكرك لتعريفى بهذا الكتاب
وانا قصدت فى البوست
معرفه تنوع جنود الله
فهم احيانا لنا واحيانا علينا

تحياتى

mahasen saber Says:

انا جيت تانى لمجرد انى حبيت انى اجى تانى وده لانى وشى منك فى سابع ارض على كرم اخلاقك الفياض تجاهى ولانى فضلت فتره مزرتش الرائعه مدونتك دى يا ابو على بس انتا اعتقد عارف الظروف وبعدين غيرت شكل البلوج واتمسح مع الشكل القديم الريدر بلينكات حبايبى المدونيين فبضبط فى الجديد

انا عارفه دى اعذار اقبح من ذنبى انى قصرة فى زيارتك

ارجو منك المعذره والعطف بالسماح لان شخص بروحك الراقيه واليى بتعكسها بوستات مدونتك اكيد التسامح ده الاسم الثلاثى ليه

ارجو المعذره كمان مره
اختك محاسن

Mahdi Mahdi Says:

اناجديد ومن يؤمن بهدفى فليساعدنى على الانتشاربين الاصدقاء فى المدونات

وكل ما ارجوه الدخول الى مدونتى وقراءة كل حرف بامعان وان نكون جادين فجماعات الافساد متكتلة ومدعومة وشبابنا غارق فى الغزل والمجاملات السخيفة ارجو التريث وعدم الغضب

ما بعد الغروب Says:

جميله اوووووووى بجد والله

تسلم ايدك

ده بالنسبه للخاطره او الشعر بتاعك

بالنسبه للموضوع المطروح ككل بجد حلو اوى وفعلا يستحق عنوان عبره


تحياتى

غروب

اقصوصه Says:

حشرة الجراد من الشحرات اللي احس ان معلوماتي بسيطه عنها

فعلا هالحشره غريبه

سبحان الله

له في خلقه شؤوون

تدوينه ممتعه

وطرح مميز

لا عدمت جديدك

دمت بخير

د/ رامي شهاب الدين Says:

سبحان الله


لله فى خلقه شئون


بيقولوا إن الجراد مستقبلا هيبقى الوجبة الغذائية الأولى من حيث إحتوائه على البروتين.. وإن كان فيه مناطق بتاكله فعلا ولاسيما المناطق الصحراوية وتحديدا فى ليبيا والمغرب العربى

دمت بكل خير .. تحياتى

yara Says:

من انفسنا وممن حولنا ناخذ العبر والمعانى,فكلما زاد تاملنا فى خلق الله زاد ايماننا ويقيننا فالتامل من اجمل العبادات الفكريه وايضا القلبيه ,فلو تاملنا وتمعنا فى خلق الله لا نستطيع الا
ان نقول
بقلبنا
ولساننا


سبحان الله العظيم مالك الملك ذو الجلال والاكرام.

ABOALI Says:

الى الاخت محاسن
من يشكر من
انتى فى نعمة انا اغبطك عليها
(اتمنى استمرارها ولا زوالها عكس الحسد)
فاءنتى مشاعر متحركه

انا راجعت اسمى وتبين عدم وجود التسامح فى اسمى الثلاثى
فاءنا اسمى حسن محمد على

فيظهر انتى كنتى بتقصدى نفسك وانا جيت فى النص غلط ههههههههه

تحياتى الراقيه لك

ABOALI Says:

الى مهدى مهدى

بالراحة شويه علينا
الحياه بحر فيه اللؤلؤ والياقوت والمرجان
وفيه اسماك القرش والاهوال
ودى حلاوة الحياه

شكرا على المرور

ABOALI Says:

الى اقصوصه
جميل ان نعرف ونتعلم وندرك ونفهم
ثم ياءتى دور العمل

تحياتى لمرورك الطيب
ودام تواجدك

ABOALI Says:

الى دكتور رامى
شد حيلك كده واعزمنا على اكله محترمه
خلى الواحد يرم عضمه
هههههههههه
تحياتى لمرورك العطر

ABOALI Says:

الى يارا
دائما تفوح منك رائحة العطر فى تعليقاتك الراقيه
لتدل على النقاء والصفاء الذى يتمتع به قلبك

اشكرك على التعليق المميز

البرنامج الأذاعى الأول عن النت والمدونات من الأذاعه المصريه الرئيسيه Says:

دعوه
يسعدنا ان نسمع تعليقاتكم على ما نطرحه من موضوعات فى برنامجنا الأذاعى وهو الأول عن النت والمدونات من الأذاعه الرئيسيه لمصر ....موضوعاتنا تطرح فى مدونتنا...وتذاع التعليقات التى تكتبونها فى حلقات البرنامج وهو يذاع يوميا عذا الجمعه التاسعه وعشر دقائق صباحا على موجات أذاعة البرنامج العام
ونرحب باى تدوينه يمكن اذاعتهاكذلك
المدونه
http://netonradio.blogspot.com

enjy Says:

سبحان الله........انا مكنتش اعرف الموضوع دة خالص..شكرا على المعلومة

ABOALI Says:

الى انجى
اشكر لك المرور
وابقى تعالى معاكى جرادتين المرة الجايه تمن المعلومه
ههههههههه