عطاء السعادة

, الأربعاء، 5 نوفمبر، 2008



























































































































طرح
الاخ محمد غاليه صاحب مدونة هل تبحث عن السعادة
جزاه الله خيرا
موضوع يحتار فيه الجميع

وهو موضوع الاستمتاع فى الحياه والسعادة

والحقيقه الفارضة نفسها فى هذا الموضوع

هى الفجوه بين ما نعتقده وما ننفذه

وهذا ما سيظهر من خلال اجاباتى على الاسئله التى تم طرحها فى التاج

1- ماهى السعادة من وجهة نظرك؟

السعاده من وجهى نظرى انى مسلم

2- كيف تصل إلى السعادة؟

اصل الى السعادة بأن افر منه اليه فى الرخاء والشده

3- هل السعادة وهم أم أنها حلم صعب؟

السعادة واقع ملموس نعيشه ونشعر به يوميا

4- هل السعادة طريق للنجاح ؟وضح؟

بدون السعاده سيكون اليأس

واليأس طريق للهم
والهم طريق للمرض وهكذا

فالسعاده الطريق الواضح لنكون عابر سبيل فى الحياه

ونكون خلفاء لله ونحن مستمتعين وتعلونا البهجة مع اليقين

بوجود بعض التوابل التى يسميها البعض مشاكل

5-هل السعادة طريق للنجاح ؟وضح؟

السعاده اساس النجاح
شوف نفسك وانت صاحى مبتسم
وبتقول يارب احسن يومى وبارك فيه

شوف نفسك وانت وسط الالم
بتقول يارب ضعيف اقوينى

شوف نفسك وانت فى امتحان

وبتقول يارب كن فى جانبى و كن نصيرى

وهكذا فى كل شيىء...

وقارن لو انت لم تفعل ذلك شكلك ايه

عبوس متهجم يؤس وهكذا

6-ماهى أكثر اللحظات التى شعرت فيها بالسعاده ؟

لما حدث زلازل 92 فى اكتوبر كان وقت العصر

وكنت فى جامع الكليه وكان دكتور رفيع
استاذ الكمياء إمام

وهو كان فى حجم يونس شلبى كده الممثل

المهم كنا ساجدين وحدث الزلازل
وافتكرنا كلنا ان الجامع بيوقع

واحنا لسه ساجدين طوال الفتره دى

حتى لمح احد الزملاء

ان دكتور رفيع تركنا ساجدين وطلع يجرى (هههههههههه)

مبلغ سعادتى انى ظللت ساجد طوال تلك الفتره

7-هل ممكن أن تحقق كل شىء؟

ممكن تحقق كل شيىء اكيد طبعا

ممكن لو التزمت وايقنا انى فى الدنيا مخلوق وفيه خالق

وعرفت واجباتى وعرفت انى مقصر دايما واتوب لله كما امرنا

ولوانتهى كل ذلك

بدخول الجنة يااااااااا سلام يبقى حققت كل شيىء

بس بالنسبة لينا فى الدنيا الرضا مع الطموح مطلوب

لاءنك بالبحث تعرف فى نفسك الكثير وبأكتشافها ممكن تحقق الكثير والكثير

8-السعادة تجعلك تقبل على الحياة أم لا؟

السعادة هى سر الحياه وكاشف كينونتها وعمقها

لاءن الشخص السعيد هو المكتشف لكل ماهو مفيد

9- هل أحسست يوما انك وصلت لقمة السعادة؟

لم نعرف القمة هى ايه بعد حتى نحس ونشعر بها ولكن الاجتهاد مطلوب

10- لماذا تمر أوقات السعادة السعاده بسرعة ؟

يعنى دى مسائلة نسبيه يعنى لو عندى

صحة وسكن وطعام ليه لا اكون سعيد يعنى وجهة نظر الله اعلم

11- هل ترى السعادة فى التدين؟

السعاده مبلغها لما تكون فى الدين طبعا هو الزينه والحلى

الذى نتحلى به فيعطينا الرونق وروائح المسك والعنبر

سعيد ابن المسيب رضى الله عنه
يقول لو خيرونى بين دخول الجنة

وصلاة ركعتين لله لاخترت ان اصلى الركعتين

لاءن دخولى الجنة رضاء لنفسى وصلاة الركعتين

رضاء لربى

الله الله الله على الافذاذ

12- هل أنت متفاؤل وعندك أمل؟ وضح؟

يااااااااااااااه وهل يقنط و ييأس الا الظالم لنفسه

عندما عصى ادم اناب وطلب الغفران فتاب الله عليه

وعندما تكبر ابليس طرد من الرحمه

ونحن من نسل ادم وليس ابليس

13- إذا شعرت بالحزن ماذا تفعل ؟

فى كل الاحوال بااااااااااااااقول

يارب يا حننان يا مننان

فرج همى وحزنى

والحمد لله يأتى الفرج عاجلا او اجلا

هل يستمر معك الحزن فترة ام ينقضى فى الحال ؟

نحن بشر نتأثر شويه وسبحان من اسمانا انسان

من النسيان

ولا ننسى حزن المصطفى صلى الله عليه وسلم

على فراق ابنه ابراهيم وبكاءه عليه وحزنه

بقوله وانا على فراقك يا ابراهيم لمحزنون

ولكن الحياه تستمر

14- ما رأيك فى الأفراد المتشائمين؟

أرى انهم يحتاجون لمن يمنحهم الامل والرغبة ووضع الحياه فى اصلها وحجمها

يحتاجون من ينيرون لهم الطريق واهدى لهم كتاب

د. عائض القرنى بعنوان لا تحزن



ان كنت مسلما" فاءنت من السعداء

هنيئا" لك بالقرب من خالق الارض والسموات

تمتع بكل النعم والرحمات

لك فى اليوم خمس صلوات

وطهارة لك فى الزكاة والصدقات

وباب ريان" فى رمضان وصيام النافلات

وغسيل وغفران لكل الموبقات

فى يوم الوقوف على عرفات

ان كنت مسلما" فأنت من الطلقاء

الدينا لك دار ولن تكون من البؤساء

لن تحمل الهم وتكون من السُقاماء

وستخضع لك الدنيا وتكون من الحكماء

وستقول هذا طريقى الى الجنات

وسيقف ابليس متعجبا" من فيوضات الخلاق

يلطم الخدود وينهمر منه الدمع والعبرات

ان كنت مسلما" فأنت من عباد الرحمن

يمشون فى الارض هونا

واذا خاطبهم الجاهلون

قالوا سلاما

ان كنت مسلما" فأنت من امة احمدا

يسقيك من حوضه ويدنيك

يقربك منه ويحتضنك

ويقول لك

لم يكن فى قلبى الا انت

ان كنت مسلما فأنت من السعداء




  • توجد قصة جميله ستكونون قد شاهتموها وانتم تقراءن تلك الكلمات كانت فيديو وحولتها الى صور حتى تظهر للجميع بسرعة
  • وهى مثال للعطاء و السعاده بدون الانانيه
  • وارجو ان تكون قد ربطتت بعض اركان الموضوع لن نكون كعطاء الشجرة ولكن من الممكن ان ندرك معنى اخر منها وهو تتطور مراحل اعمارنا
  • اضعها امامى لاءعرف قدر نفسى وهى التى فى مقدمة الموضوع
  • وعجبىىىىىىىىىىىى
































































73 Response to "عطاء السعادة"

mohamed ghalia Says:

الحمد لله انى أول تعليق

mohamed ghalia Says:

حقيقى القصة رائعة وهى فعلا مثال للعطاء
مبلغ سعادتى انى ظللت ساجد طوال تلك الفتره
جميل قوى انه يكون اجمل لحظة لحظة سجود ربنا يزيدك

أبيات الشعر الى كتبتها فى أخر الموضوع جميلة جداااااااا
متشكر جدااا لحضرتك لقبولك التاج
دى حاجة تشرفنى
وكمان الأسلوب المميز فى الإجابة رائع
تحياتى لشخصك الكريم
دمت بود أخى وحبيبى فى الله

mohamed ghalia Says:

ان كنت مسلما" فاءنت من السعداء
هنيئا" لك بالقرب من خالق الارض والسموات
تمتع بكل النعم والرحمات
لك فى اليوم خمس صلوات
وطهارة لك فى الزكاة والصدقات
وباب ريان" فى رمضان وصيام النافلات
وغسيل وغفران لكل الموبقات
فى يوم الوقوف على عرفات
ان كنت مسلما" فأنت من الطلقاء
الدينا لك دار ولن تكون من البؤساء
لن تحمل الهم وتكون من السُقاماء
وستخضع لك الدنيا وتكون من الحكماء
وستقول هذا طريقى الى الجنات
وسيقف ابليس متعجبا" من فيوضات الخلاق
يلطم الخدود وينهمر منه الدمع والعبرات
ان كنت مسلما" فأنت من عباد الرحمن
يمشون فى الارض هونا
واذا خاطبهم الجاهلون
قالوا سلاما
ان كنت مسلما" فأنت من امة احمدا
يسقيك من حوضه ويدنيك
يقربك منه ويحتضنك
ويقول لك
لم يكن فى قلبى الا انت
ان كنت مسلما فأنت من السعداء
كلمات رائعة

موناليزا Says:

جميلة هى القصة واشكرك لانها وضحتها بالصور كنت قرأتها مسبقا وكانت الشجرة نمثل الام ومقدار عطائها لنا
فاشكرك لتذكرتى بها مرة اخرى فهى حقا تستحق القراءة مرات ومرات

على فكرة الزلزال كان سنة92 وليس93

اما بقى عن القصيدة اللى فى اخر البوست
فبجد ربنا يسعدك ويثبتك ويزيدك من فضله

mahasen saber Says:

الشجره هيا الام يا ابو على بعطائها اليى ملوش حدود والصبى الابن الطماع العاق اليى همه الجمع من غير حتى كلمة شكر
....
انا فهمت القصه كده او حاستها بالمنطلق ده

mahasen saber Says:

الشجره هيا الام يا ابو على بعطائها اليى ملوش حدود والصبى الابن الطماع العاق اليى همه الجمع من غير حتى كلمة شكر
....
انا فهمت القصه كده او حاستها بالمنطلق ده

mahasen saber Says:

اما اجابات تاج السعاده فانك شايف السعاده فى انك مسلم بصراحه يا ابو على اجابه للاسف مش بسمعها كتير
ربنا يكرمك من كرمه الواسع

وانك السعاده موجوده حوالينا هيا فعلا موجوده فى الجانب الاخر من كل شئ بس لليى نظره قوى ويقدر يشوفها ويستدل عليها

رائع بقصصك وكلماتك المبدعه يا ابو على

ماما أمولة Says:

ماشاء الله يا ابو علي

بوست ثري بما يحوي

قصة رائعة

فهذه الشجرة فكرتني بالم التي تعطي وتعطي ولا تنتظر الا سعادة ابنائها

اما اجاباتك

فهي اجابات للتاج لا يرد عليه بعدها

وكلماتك التي تروينا منها دائما

ان كنت مسلما" فأنت من عباد الرحمن
يمشون فى الارض هونا
واذا خاطبهم الجاهلون
قالوا سلاما

تسلم يارب يا ابو على وتعيش ويعيش قلمك دوما لنا

رندا Says:

العّطاء ابو على

عندما ادخل هذة المدونة يحدث
لى راحة غريبة تحتوينى
واشعر ان الدنيا بخير
ويوجد من هو يحمل قلبه ليقدمة لمن حوله

ومن هو بغازل خيوط الشمس لتصبح شال ليدفئ بة من حولة

هكذا انت صديقى بارك الله فيك

القصة فى منتهى الروعة مع اننى اعرفها كل المعرفة
ولكن وجتنى اجرى عليها لكى اعرف نهايتها

ومع اننى كنت اعلم بالنهاية ايضاً
حاولت ان احذف المخزون الذى اعرفة لكى اشعر اننى اتصفحها من اول وجديد
لكى اشعر بها من خلالك انت وليس من خلالى انا

فادخل بداخلها باحساسك تقديراً لك

وردودك على الاسئلة
تحمل كل الامل وقوة الايمان
وتحمل معك كل الطموح فى غداً اجمل فالشمس تشرق هنا صديقى عندك
فاتفائل معك
وحينما ابحث عن لحظات التفائل فى حياتى اجرى واصفح عندك كلماتك
واقول نعم يوجد تفائل نعم يوجد
فرحة طفل تتمثل فى صورة رجل وقور

تحياتى لكلماتك وعطائك الذى بلا حدود

تقديرى لحضرتك وكل الاحترام

رندا

كـــيــــــــارا Says:

هي القصه قرتها بس النهايه او الهدف انحرف حبه

اما التاج بجد اجابات مميزه

الوان الحياة Says:

السلام عليكم ورحمة الله وبركاته
بجد قصة جميلة بتوضح للانسان قدر نفسه في الدنيا ومدي طمع وانانية البشر
تحياتي ليك وللمدونه

**((سكس))** Says:

ههههههههههههههههه انا عندى اقوة مواقع وافلام السكس متنساش زيارت مدونتى

ABOALI Says:

الى محمد الغاليه
الشكر لك يا اخى على اهدائى التاج
بهذه الاسئلة الرائعة
فلك خير الجزاء ان شاء الله

تقبلى شكرى وتقديرى

ABOALI Says:

الى موناليزا
انتى السبب الاساسى الذى جعلنى بدل ما انزل الفيديو انزل صور
تحياتى لك
واشكرك على كلماتك الطيبه
وكمان على تصحيحك سنة الزلازل وقد اصلحتها فى البوست
كل التحية ليكى

ABOALI Says:

الى الاخت الغاليه ام بيرو
كيف حال عبد الرحمن
ان رمزتى للشجرة بالام
فهو انتى يا سيدتى
ولكن لن يكون ابنك ابدا هو العاق
سيكون مثلك مفعم بالاحساسيس وحب الخير لغيرة والتلقائية فى التعامل
على العموم اى كان فهمك سيدتى للقصة
فهى مثال للعطاء الذى يعطى بالسعادة
وليس شرط ان نكون نحن عاقين

انظرى الى شجرة البلح اى النخلة
كل ما فيها خير ورمز للعطاء فعلا

تحياتى لك مرة ثانية وكمان ثلاثة
واشكرك على كلماتك

تحياتى

ABOALI Says:

الى ماما امولة
ثراء اى موضوع ياتى بمن يعلق عليه
فيفيد ويستفيد
وانتى يا سيدتى من هولاء
اتمنى لك كل الخير واسرتك الكريمة

ABOALI Says:

الى رندا
طيب اعلق اقول ايه على تعليقك
اولا جزاكى الله خيرا
ثانيا اتمنى ان يكون فى عُشر ما قولتيه
ثالثا التقاؤل ياءتى من قلوب صادقه
وانتى سيدتى منهم
فهى القلوب التى تستشعر ذلك النور
الذى وضعه الله فينا وعلينا فقط ان نستكشفه
ان الحياه طريق
فمن وضع لطريقه علامات لتكون دليله
يجب ان يزرع ارضة بالبسمة وراحة البال

احييكى على السلام مع نفسك الذى اراه واشعر به فى موضوعاتك فى مدونتك
وايضا فى تعليقك الثرى

تحياتى مرة ومرة ومرة....

د/ رامي شهاب الدين Says:

القصة رائعة ومعبرة ومفادها أن السعادة فى العطاء .. وقد صدقت

إجاباتك للتاج إجابات أكثر من رائعة ، وتنم عن كونك تعيش فى حالة سلام مع النفس .. وما أجملها من حالة

وختاما .. أدون إعجابى بالأبيات ، وكونها أفضل خاتمة لهذا الموضوع القيم

دمت بكل الود .. تحياتى

ABOALI Says:

الى كيارا
محيرة الحيارى

اشكر لك المرور واتمنى لك كل البشر والسرور

سيبك انتى
حلوان مش حاسس انى فيها شيىء زياده بعد ما تحولت لمحافظه
انتى حاسة بفرق

تحياتى

ABOALI Says:

الى الوان الحياه
جميل الاسم
فعلا الحياه الوان
لكل لون معنى على راى محمد فوزى
اتمنى ان تنعم باللون الابيض لون الصفاء

اشكر لك مرورك

ABOALI Says:

الى 6
لا تعليق

ABOALI Says:

الى د.رامى شهاب الدين
اشكر لك رفع روحى المعدنية
وجميل وصول معنى القصة لحضرتك
وكمان فيها معنى عن تتطور مراحل عمرنا
واختلاف احتياجاتنا اثناء تلك المراحل
ولكن مرحلة رونقها

اشكر لك الكلمات وعبقها
تحياتى

EMMY BABY Says:

ااااااااااااه يا ابو على

موضوعاتك كلها اروع من بعض فعلا

حتى اجابتك على التاج فيها موسيقى كعادتك طبعا

كلماتك بيكون ليها تأثير قوى على النفس

ووقع له طعم يستمد منه الانسان السعادة والثقة بالله والثقة بنفسه

احييك بشدة على اجابتك

والقصة اللى فى الصور بالرغم ان الصور مش كلها ظهرت عندى بس فهمت المضمون

بجد والله ياريت الناس كلها تفهم معنى العطاء دون مقابل زى الشجرة

شكلى هتعلم منك كتير واتمنى انى اكون تلميذة شاطرة
تحيااااااتى وبشدة

ايمى

hager Says:

قصه جميله جدااا
شكررااا

كلمة حق Says:

ما أروع القصة وما أجملها من اجابة على أسئلة التاج
أريدك أن تقرأ اجابيتى أيضا

الازهرى Says:

صديقى العزيز

قصة رائعة
فمهما ادعيت من صداقة
لا يمكن ان ابارى الشجرة التى اعطت طوال الوقت ولم تنتظر المقابل
واؤيد الجميع فى تشبيهها بالام فى المثال الحى الوحيد لذلك
طبعا الاب مذكر والا ذكر ايضا

وبالطبع ردودك اكثر من رائعة
تحياتى دوما وابدا

جبهة الدفاع عن العمدة حزين Says:

ياللي هنا

يابوعلي

طب فين علي يا علي

يا سلام سيبين المدونة لوحدها

يعني اول زيارة لي ومحدش يستقبلني كدة يا عم ابوعلي لو مردتش انا هتخذ اجراءتي الشديدة ولا انت هتشوف الشجرة وكمان هاخد منك التاج

بردة مفيش حد بيرد عليا الامر لله هترك رسالة العمدة جنب الشجرة دي وهبقي ارجع تاني

الرسالة


جزاك الله خيرا ووفقك الي ما يحب ويرضي والله لا استطيع ان اقول اكثر من ذلك حتي لا اكون كاذب فهذا هو انطباعي لأول زيارة الي مدونتك

بخصوص قصة العطاء

موضوع القصة رائع من الطرفين العائد التائب الذي فقه انه لا ملجأ ولا منجي من هذا الصحيح

ومن الشجرة التي اعطت كل ما لديها ولكن شعرت بالسعادة وهي تعطي..

ردودك علي تاج الغالي

ردود تعطيني كم من معرفة شخصية حضرتك وكم انا سعيد لأن اول زيارة لي تكون في ردود تاج السعادة هذا الذي اعطاني انطباع جيد عن حضرتك

ابو فاطمة من امام باب المدونة مع الونش اللي هيشيل الشجرة من المدونة وابئا ابلني لو شفتها تاني

يا واد يا جبيصة بلا رحمة انزع

قلب شاعره Says:

اجمل موضوع قرأته فى حياتى عن مفهوم السعاده .... شكرا لك لأسعادى ..

ABOALI Says:

الى ايمى
ايه الصفاء ده كله هههههههههه
ان شاء نكون تلاميذ شطار
نتعلم من بعض ولا نحتار
ونقف مع بعض مع الاطهار
ويتباهى بينا المختار
هما دول امتى يا غفور يا رحمان



تحياتى اليكى واشكرك على كلماتك الرقيقة

ABOALI Says:

الى هاجر

ماشى يا ست هاجر
واحنا كمان متشكرين على المرور الكريم
فى مدونتى المتواضعة واتمنى ان تتكرر زيارتكم

شكرررا

ABOALI Says:
أزال المؤلف هذا التعليق.
ABOALI Says:

الى كلمة حق
فعلا نحتاج كلمة حق فى عالمنا هذا
اشكر لك كلماتك المعبرة

ABOALI Says:

الى جبهة الدفاع عن العمده حزين

يا عينى كمان داخل المدونه وطمعان فى الفرش وشجرة حديقة المدونه اللى بتتنفس منها
فعلا انت محتاج هيئة دفاع عنك
ومش كفايه كل اللى بيحصل بيك
بس ارائك بتدل انك شخصية مفكرة معمرة
زاى عمنا معمر القذافى

ماشى يا عم شرفتنا ان شاء الله
هنحاول ندافع عندك
قول يارب

ABOALI Says:

الى الازهرى
وانا لا اؤيد الجميع فى اعتبار الام هى المثال
فهناك شجرة البلح انظر على عطائها
نرميها بالطوب فتسقط لنا بلحا"
نتسلقها ونصنع منها مكانس واعواد
فكلها خير

تحياتى على مرورك العطر

ABOALI Says:

الى قلب شاعرة

علشان الاحساس عالى لانك شاعرة
فتأتى كلماتك دائما جميلة ومعبرة


تحياتى يا شاعرة

مفكر Says:

السلام عليكم::::

جميلة جداً قصة الشجرة لدرجة البكاء...
وانا استأذنك في نشرها في منتدى كليتنا...

إجاباتك على الاسئلة أكثر من رائعة ومريحة...

أخوك في الله

مفر

Sometimes Says:

اولا
موضوع القصص بتاع حضرتك ده جميييييييييييييل جدا
بس سؤال بقى هما بيجوا منين؟؟؟؟ هههههههههه

انا كنت قرأت القصه على فكره قبل كده
والشجرة هى كانت الام والاب
ربنا يخليهم لنا يارب ويبارك لنا فيهم


ثانيا بقى اجابة التاج

1- ماهى السعادة من وجهة نظرك؟
السعاده من وجهى نظرى انى مسلم
2- كيف تصل إلى السعادة؟
اصل الى السعادة بأن افر منه اليه فى الرخاء والشده

بجد انا اتكسفت من نفسى اوى




ثالثا كلامك اللى من القلب فى كل موضوع رااااااائع
ربنا يبارك فيك

dalia Says:

أبو على

مش عارفه ممكن تكون حجه المهموم والحزين من بعد الكلمات الحلوه ديه ايه سوى انه بيتلكك على الفاضى وخلاص ربنا يكرمك ويجعلك دائما من المبشرين بالسعادة والداعين لها وتكون من السعداء وتموت موته الشهداء
على فكره اجابتك على الاسئلة رائعة بحق وفيها رؤية عميقة عن الدين وفيها موسيقى جميلة تحياتي يا فنان

رابطة هويتي اسلامية Says:

ندعوكم للمشاركة معنا في رابطة " هويتي إسلامية "

لا تكن بخيلا وشارك معنا لنهضة التدوين

كون معنا أول شبكة تواصل في عالم التدوين

كلنا نتفق في الغاية نختلف في الأسلوب

هيا.................. كن أول المشاركين

رابطة هويتي إسلامية


كلمة حق

أوراق ٌ لها قلوب Says:

جميله اوي القصه

وجميل اوي ردك على الاسئله

ورائعه مدونتك

منى Says:

جميله اجاباتك على التاج
وكم هى رائعه تلك القصه المصوره
ما اروعها تلك الشجره التى تعطى بلا حدود
وما اقساه هذا البشرى الذى ياخذ بلا رحمه
الحمد الله انه عاد ليسعد الشجره ولو بدون قصد
تحياتى

كلمة حق Says:

حب الله والحب فى الله سر السعادة فى الدنيا والاخرة

mostafa rayan Says:

تحياتي لمدونتك الجميلة التي شدتني كثيرا
سعيد اني تعرفت عليك
تحياتي لك ودمت سعيدا دائما

د.مادو Says:

بسم الله ما شاء الله عليك
قصة جميلة جدا
و اجابات مشرقة
دمت بكل سعادة وهناء

nour shahen Says:

القصه هايله
واجاباتك علي تاج محمد جميله وبتنير عن روح طيبه وقلب عامر بذكر الله
ربنا يوفقك فى حياتك وينور طريقك بالخير
ونشوفك علي باب الجنه خلف حبيبنا المصطفى عليه أفضل الصلاة والسلام
بيسعدنى وجودك وسط المدونين
أنسان مسلم ربنا يحفظك
خالص تحياتى وأحترامى وتقديرى ليك

yara Says:

اولا بالنسبه لموضوع العطاء والشجرهفانا ارى ان هذه الشجره عرفت معنى الحب الذى جعلها تدرك معنى وقيمه العطاء.ففى سبيل من احبت اعطته كل ما تملك من ثمار وفروع وظليلوكانت سعيده بذلك ولن نرى حزن ولا دموع هذه الشجرة الا عندما احست انها لا تستطيع ان تعطيه شىء اخر ولكنها بالفعل اعطته واصبحت له مقعدا يستريح عليه فى كبره وحتى لو ازيلت هذه الشجرة كانت ستظل دائما رمزا للعطاء لكل انسان.
لكنى ارى انه من الصعب ان نصل لهذه المرحله من العطاء فانا كانسان استمتع بالعطاء لمن احب بالفعل ولا انتظر منه مقابل مادى مثلا ,ولكنى بطبيعتى انتظر منه مقابل من نوع اخر وهو ان سحسسنى انه يقدر عطائى وحبى له,ولا يقابل هذا بالاستغلال والطمع والاعتياد على انه المستقبل دائما وانا المعطى ,يجب ان يكون هناك تقديرحتى تظل النفس معطيه بحب وبسعاده,ويكون العطاء متبادل حتى تستمر الحياه والعلاقات فى صفاء وتوازن.
ولان الله سبحانه وتعالى خلق هذه النفس البشريه ويعلم ما بها جعل لكل شىء اجره وثوابه ومقابله فجعل الجنه والنار لان الحياه اخذ وعطاء.


اما بالنسبه للسعاده وربطها بالتدين فاكيد لا يوجد سعاده الا فى القرب من الله . والسعى دائما لرضاه وحتى ان عصينا . يكفينا النفس اللوامه والاجتهاد فى التوبه والعوده الى طريق السعاده الحقيقيه فبها اشعر بالنقاء واستمتع بكل ما حولى من اشياء سواء طبيعه او اشخاص او حتى الزحمه والحر والبرد,بجد ان نفسى تستقبل اى شىء بحب وبجمال.
المهم شكرا يا ابو على على موضوعاتك الجميله وانا بعتذر لانى عارفه ان تعليقى كان مختصر زياده عن اللزوم بس هعمل ايه بقى مش عايزه اطول عليك
.سلام

مش هقول انا مين Says:

شيل الدين من الدنيا هتتحول فى ثوانى لغابه
بس اذاى الناس هتقرب لو شايفينوا كابه
عارف ليه بيجيلنا امل دايما ويروح كالعاده
فاكرين الطريق الصح مفهوش سعاده

نار او جنه الدنيا تعيشها انت بتختار بارادتك
لو ربنا قالك ده غلط قالها علشان مصلحتك
اللى بيضحك للدنيا الدنيا هتضحكله زياده
حب وخلى الكل يحب يا ناس ده الحب عباده

عارف ليه بيجيلنا امل دايما ويروح كالعاده
فاكرين الطريق الصح مفهوش سعاده


ايوة اكره اى غلط ومتكرهش الغلطان
كان ممكن تبقى انت مكانه تكون فى التوبه طمعان
او تايه ومحدش دلوا الصح طريقه اذاى
ادعيله ربنا يهديه ويغير عمره الجاى


عارف ليه بيجيلنا امل دايما ويروح كالعاده
فاكرين الطريق الصح مفهوش سعاده




على الرغم من بساطه الكلمات االا اننى ارى انها معبره بشكل كبير لطريق السعاده وهو تحكيم الدين فى كل امور دنيانا وان نعرف ان لا سعاده بدون دين

ABOALI Says:

الى مفكر
اشكر لك المرور العبق بكل فكر وافكار
لعلنا نقتدى ولا نحتار

تحياتى

ABOALI Says:

الى SOMETIMES

فى الحياه لا يوجد كسووووووف فيه خسوووووووووف كمان
هههههههه
كلنا نتعلم من بعض
ولولا اختلاف الافكار لنقصت الاعمار

تحياتى واشكر لك صدق الكلمات

تحياتى

ABOALI Says:

الى داليا
الصحفية الانسانه
لك يا داليا رنين جميل فى الكلمات
اسعد دائما بزيارتك لى
فى مدونتى المتواضعة

تحياتى

ABOALI Says:

الى هوايتى الاسلامية
نحتاج هويه
انسانية اسلامية

تحياتى

ABOALI Says:

الى اوراق القلوب

فعلا كلماتك من القلب فعلا

ABOALI Says:

الى منى
من اعطانا شعر بالسعاده
فلما نستكثر ذلك علينا

اشكرك لكلماتك الصادقة

تحياتى

ABOALI Says:

الى نور شاهين
لم اجد كلمات لاشكرك
جزاكى الله خيرا

ABOALI Says:

الى يارا
رايك جميل ماقدرش اقول حاجة عنه
لاءنه صادق معبر عن الحياه الواقعية
التى نحياها
حياة خذ وهات
بس اشمعنا النخلة
ما بتعملش كده
مجرد سؤال

تحياتى

ABOALI Says:

الى مش هاقول انا مين

عارف ليه بيجيلنا امل دايما ويروح كالعاده
فاكرين الطريق الصح مفهوش سعاده

الله الله الله
امتعتينى انسانيا"

اشكرك

ABOALI Says:

الى مصطفى ريان
وانا اسعد
يكفى انى اسمك فيه ريان

تحياتى

ABOALI Says:

الى دكتور مادو

اشكرك يا دكترة
على حروف كلماتك الرائعة

ABOALI Says:
أزال المؤلف هذا التعليق.
الازهرى Says:

العزيز ابو على

هذا حال الاشجار جميعا
وانما قصدنا البشر

تحياتى

YARA Says:

لانها نخله مش انسان


مجرد اجابه

انا ودماغي Says:

أوعى تفتكر مثلا أنى جاية أسلم عليك و لا مثلا مثلا جاية أقرالك بوست
لااااااااااااااااااااااااااااااااااا
أنا جاية أقلبلك ريحة المدونة و وعد منى حفضل معفنة طول حياتى و حلزقلك عشان محرمكش من ريحتى العظيمة






و بعدين مين أوباما ده
نوع جديد من الفطير ده و لا إيه
نورنى ربنا ينورك

سمكه وحده Says:

بجد بجد يا ابو علوله
قصه تحفه والرساله وصلت
بجد جميله جدا وتصورها والاكشن واللوكيشن ايه ده والشحره حلاوه حلاوه
ههههههه
اما عن الاجابات فمعنديش تعليق غير الله ينور

بالنسبه لتعليقك عندي موت من الضحك
تسلم ايدك بجد
خالص تحياتي الخالصه خلوصه خالص مخلصه
سمكمك

اقصوصه Says:

حقيقه

جميله جدا قصة شجرة التفاح!

فيها الكثير من العبره

وبسيطه هي اجاباتك على اسئلة التاج

سررت بمروري من هنا

دمت بنعمه وحفظ من الله

Dr- Hema Says:

القصة رائعة

ولكن الخط كبير جدا فى الأاسئلة والأجوبة لا أرى شيئا
/هيما

خواطر ليست عابرة Says:

هذا أول مرور لي علي هذا المدونة
في القيقة أبهرتني موضوعاتها الأخاذة
أجوبتك علي السعادة تنم عن فلسفة اسلامية جميلة تبعث علي الراحة

أشكرك علي الأجوبة الأكثر من رائعة عن السعادة

ABOALI Says:

الى صديقى الازهرى
ان كان هذا هو حال الاشجار
فما حال من كرمه الله فى البر والبحر

تحياتى

ABOALI Says:

الى يارا

فعلا لاءنها نخلة فهمت فوعت
فعذرا لنا
لانفهم ولا نعى

تحياتى

ABOALI Says:

الى انا ودماغى
يااااااااااااااااااااه
كل يوم نتطهر المدونه بالميا
المرة دى هاطهرها
بالبتادين
ليقضى على الفيروسات
الحمد لله المدونه كل يوم خارجة من باب الحمام وعلى خدودهاااااااااااا ايه ايه

ههههههههه
تحياتى

ABOALI Says:

الى سموكه
الله الله عظمة على عظمه يا سمك بلطى
والله طعمه
ههههههههههههههههههه
بس السمك غالى
قوللى صحيح انتى ارموطى ولا بورى
ولا

تحياتى

ABOALI Says:

الى اقصوصه
اشكرك على الكلمات الرقيقه
الصادقه

ABOALI Says:

الى دكتور هيما
نكبر يا باشا
واشكرك فعلا على المرور ولفت الانتباه
تحياتى

ABOALI Says:

الى خواطر ليست عابره

فعلا كلماتك ليست عابره
ولكنها انيقه ومنمقه
اسعدنى اعجابك بالموضوعات واتمنى كثرة العبور والطلعات
تحياتى