يويو

, الجمعة، 1 أغسطس، 2008


ابليس قرر يفتح مجموعة شركات
قال الاول نعمل شركة سفريات
نادوا واحد واحد على المسافرين
المسافر الاول يدخل يرتدى الجلابيه
يعنى ايه قيمة الارض عندك؟ (ابليس يسأل)
الارض دى كانت زمان يا بيه
دلوقت فيه دش وناسى عجرم ياباشا
جميل انت هاتسافر بسرعة(ابليس )
المسافر الثانى يدخل يرتدى بدلة
يعنى ايه وطن؟ (ابليس يسأل)
وطن
اه وطن (ابليس)
وطنى هو مصر الجديده
خذوا سينا خذوا طابا
بس خلوا نادى الشمس والنننننبى
هههههههههههههههههههه (ابليس يضحك)
انت حبيبى ونور عينى
انت مسافر على طول
المسافر الثالث شاب
يعنى ايه انتماء فى نظرك ؟(ابليس )
ايه ايه انتماء
اه يعنى اقصدك اهلاوى ولا زملكاوى
انت روح الروح انت مسافر مسافر (ابليس يرد)
المسافر الرابع طالب
يعنى ايه تربيه وتعليم؟ (ابليس)
تربيه تربيه اقصدك ابقى داده يعنى
طب التعليم ؟
يا بيه العلم فى الراس
صح صح انت كدة معلم(ابليس)
وهتساااااااااااااااافر
المسافر الخامس شابة
ترتدى ارق الثياب
تشكف عن مواهبها
يعنى ايه حياء واخلاق؟
هههههههه بلاش كسوف بقى
عاوز تدفع كاااااااااااااام
انتى كفايه علياااااااااااا
انتى اول المسافرين
ابليس فى الخلفيه
النهاردة كفايه مقابلات
اناااااااااااا عندى اطمئنان كامل
نجاح مضمون لمجموعة الشركات
ابليس يخرج من باب الشركة
انى برىء مما يفعلوووووون


عينى عليك يا انسان
عرفت طريق الهجران
تتقزم امام شيطان
يضحك عليك ويقهقه
وانت سعيد كمان
لو انت ناسى افكرك
هناك سجد ليك
بأمر من خلق
وانت سجدت سجود الطائعين
هناك قال انا من نار
وانت من طين
بس لانك معاك صك التكريم
كنت الخليفة الى يوم الدين
عينى عليك يا انسان
طريقك مليان غفران
بس انت اجرى
وقرب من الرحمن
هو هناك مستنى
ونبيك عند الحوض كمان
عينى عليك
يا انسان

2 Response to "يويو"

yara Says:

الفرصه قادمه لكى نضحك نحن على ابليس وهو حزين يشتد غيظه ويضيع امله انها تاتى بقرب شهر الرحمه والغفران,شهر رمضان الكريم .......اللهم بلغنا اياه بسلام فعلينا ان نستعد من الان ونهيىء نفسنا لاستقبال هذا الشهر ففيه يتجدد الامل وتطمئن النفوس وتستيقظ الاذهان والعقول من الغفله وتدرك الهدف والمعنى ,فهو دعوه للجميع لبدا صفحه جديده بعيده عن سخريه وضحك ابليس اللعين وكمان بعيده عن شركته الفاشله دى ياااااااااااااااااااااارب يبعدنا عنها كلنا ,وكل سنه وانت طيب يا ابو على ورمضان كريم.

غير معرف Says:

هو دا ابليس ولو ما عملش كدا يبقى واحد تانى,,,, المصيبية اننا عرفينة كويس حتى ادم كان عارفة بس المشكلة انة ملعون وخبيث بس فى نفس الوفت ضعيف امام كام كلمة والكام كلمة دول حفظنهم كويس اوى بس ننسى نوقلهم علشان موجود اللى بالى بالك!!!!"رجب واصحابة" يعنى,,,,,,,,,
بس الحمد للة انة فى شهر كريم يصفد فية الشياطين وابيلس معاهم اكيد,,,بس هو سايب حبايبة معانا ربنا يهديهم ويبعدنا عنا.....قول امين
عمومنا هنقول اللهم بلغنا رمضان واكسبنا فية التقوى والعفاف والطاعة.
وسيبك بقى يا ابو على من "شربت من نيلها" وركز فى حاجة تانى وربنا يعدى الشهر دا على خير......رمضان كريم يا ابو على