رمضان حاجب

, الثلاثاء، 3 أغسطس 2010


حدث هجوم ارضى وجوى ومعنوى وحسى
 واشتد قيظ الصيف وتساقطت حبات العرق
غزيرة كاءنها تريد ان تكون من منابع النيل
وعندما وصل بى الحال الى البيت
وجدت الجميع يستنشق هذا الهواء البارد المنعش فى الظل
والتف حولى عناصر الاسرة السعيدة
 لتهنئتى بسلامة الوصول الى ارض المنزل
فقال لى دم الغزال يااااااااااه  الجو صيفى
 والعرق نازل عليك يا بابا كاءنه امطار رعدية
شاهد  نفسك فى المراءة
ونظرت الى المراءة
 ودر فى ذهنى سؤال
وسئلته لكبير القعدة اولا
ايه فائدة الحواجب يا ام العيال ؟
فقالت فى حنو لا ينقصه التعجب كاءنها تريد ان تمسك شيىء فى يدها
الحواجب دى لغة من لغات الاشارات
  بتساعد  فى التفاهم مرة فوق ومرة تحت واللى يفهم ويفسر يا ابوالعيال
فقلت يا سلام عليكى يا ست الكلام كلام زين نرفع ليه حاجب
وانت رايك ايه يا بج بج
فقال يا بابا
 الحواجب دى لزوم الغيظ لما تتغاظ من حد  تقفل عليه الحواجب  
فقلت الحواجب للغيظ وضيق الانفاس معقول برضوا التفسير
وهنا انبرى زج زج وقال
الحواجب يا بابا لزوم الاناقة والشياكة
تلاجظ  انى ليها شكل جمالى انيق يزين الوجه
يا سلام عليك يا زج زج انسان حساس فعلا
ولما نظرت لدم الغزال قال يا بابا
 الحواجب دى زوائد من الشعر ممكن نقدم طلب ونعمل ليها قرار ازالة
فتبسمت وانفرجت الاسارير ومنها انبسطت الحواجب
فقالت عناصر العائلة الكريمة
وانت يا بابا ايه رايك
ايه فائدة الحواجب
فقلت سبحان من خلق وكان له الحكمة واظهر عظائم القدرة
فائدة الحواجب الاولى
هى حجب العرق عن العين اثناء الحر
 او  اثناء نزول ماء من الجبهة لاى سبب من الاسباب
فعندما يتساقط  العرق يتساقط على اطراف الوجه
 بعيد عن العين  فتكون الحماية الالهية لها

فضحك الجميع فى صوت واحد
فعلا الشيىء لزوم الشيىء
**********************
عندما تنظر العين  الى اعلى
تجد حارس من حراس الزمان
على اليمين يخطو وعلى الشمال
فتتعجب يقينا من صناعة الرحمن
والعبرة تاءتى رافعة الرايات
مع الجهد والعمل حبات عرق تنساب
فمن جد وعرق
 ارتوت ارضه فكان الحصاد
ومن ضاق بالعرق  قال هذا ملح اجاج

***********************

لم اكن اقصد من كتابة تلك الكلمات  ان اعرف فائدة الحواجب
ولكنى عندما رايت  حر الصيف وتفاعل العرق معه
ادركت ان صوم رمضان هذا العام
 سيكون ممتلىء بتلك حبات من العرق
فمن انساب عرقه وكان صائما
وحدث نفسه فيقل لها اصبرى يا نفس
 فاءنها والله ماكانت حبات عرق
 انما حبات لؤلؤ  ستكون دليل اضاءة فى يوم  تشتد فيه الظلمات
&&&&&&&&&&&&&&
سخر الله لنا الكثير والكثير من مكونات اجسادنا
 لناءخذ منها العبرة ونسمتد منها القدرة
ونعرف ان مجرد التاءمل فى حاجب من جواجب العين
 يعطينا الدليل على العطاء المستمر
فمهما دارت السنون العين لا تعلو على الحاجب
ورمضان حاجب لنا من حر يوم القيامة
 ودليل قرب الى فردوس ذو الجلال والاكرام
فمن نزلت حبات عرقه فى رمضان واشتدت عليه
 فليبتسم  وينظر الى حواجبه ويتاءمل  كيف تحرس عينه
من ذلك العرق  فى رضا وسرور
فيجد حلاوة مذاق ومتعة قد القيت فى النفس
 كاءنها تشاهد فيلم تسجيلى راقى
 شارك في بطولته زوج من الحواجب
 كل  حاجب شكل مخرات سيول ينساب العرق من خلالها
 فيسقط على الارض فتفرح
وتقول ذلك هو الانسان الذى خلقه الله لعمرانى
 حواجبه  تحمى مصدر الاضاءة الاول له فى الحياه
  فلما لا انقى بمسامى  ذلك العرق
 ليعود اليه من جوفى نهر عذب يرتوى به
وهنا يبتسم الحاجب وتضحك حبات العرق


14 Response to "رمضان حاجب"

أنا - الريس Says:

اللهم اعنا علي الصيام في هذا العام وما يتلوه من أعوام حر .
تكرم علي المناقشة الظريفة بين حبات الأسرة الطيبة ذو الفكر الفطري المحترم والأراء النابعة عن طيبة واخلاق
بس اغرب رأي بتاع المعلم لما عايز نحلق الحاجب .
تعرف طلبة الثانوية في بلدنا بيحلقوا حواجبهم في ايام الإمتحانات عشان ما يخرجوش ويذاكروا ليل مع نهار

وفعلا الشيء لزم الشيء دا قانون البشر فما بالك برب البشر .

{لَوْ أَرَدْنَا أَن نَّتَّخِذَ لَهْوًا لَّاتَّخَذْنَاهُ مِن لَّدُنَّا إِن كُنَّا فَاعِلِينَ} (17) سورة الأنبياء

ومعذا ان يكون .. فله المثل الأعلي سبحانه .

تحياتي واعذرني علي عم متابعة ربابكياتك لسبب ربما نفسي .

غير معرف Says:

كل سنه وحضرتك طيب والامه الاسلاميه كلها بخير
ربنا يعنا على الصيام السنه دى يارب العالمين
دمت فى حفظ الرحمن

إيمان Says:

كل سنة وانت طيب يا ابو على

ربنا يجعل الشهر الكريم رحمه لينا وباب مغفره ةيكتبنا من عتقاءه
الف تحية لزجزج وبج بج ودم العزال ووالدتهم كل سنه وكلهم بخير

لــــ زهــــــراء ــــولا Says:

سيدى الفاضل ابو على

-*-*-*-*

من فتره ليست بالقليله سألنى احد اصدقائى ما فائدة الحواجب واندهشت من سؤاله وقولت له عشان المثل بيقول العين مش تعلا عن الحاجب يبقى اكيد فايدة الحاجب عشان العين مش تعلى لفوق عن العين ولان صديقى هذا انسان اخلاقه عاليه ابتسم وصمت ولكن عندما قرات هذا البوست شعرت انى ضئيله جدا فى تفكيرى ....

وطبعا الناس كلها بتتكلم عن الحر والعرق ده عادى لكن هنا بقى فى اسكندريه الرطوبه فيلم تانى ياااااااااااه مش عرق ده فعلا امطار
ان شاء الله يكون الثواب فى رمضان مضاعف وان شاء الله الحسنات تتزايد
اللهم بلغنا رمضان على خير

كل ثانيه وحضرتك والاسره بكل خير وصحه وسعاده
بلغ سلامى للمدام ودم الغزال وبج بج وكمان صديقى الصغير زج زج

كل لحظه وهما بخير وهنا


زهـــراء

لــــ زهــــــراء ــــولا Says:

انما حبات لؤلؤ ستكون دليل اضاءة فى يوم تشتد فيه الظلمات"
يا سلاااام هو انا حبيت اسمي من شوية ههههه

اللهم اجعل وجهى يوم القيامة كاللؤلؤ وكل ذرة من خلااياي بنور قرأنك الكريم .

سبحان الخالق العظيم الذي خلق الانسان فأبدع وصور وجمل وشكل له حكمة في كل شئ في تجويف محاجر العيون للداخل وفي رسم خطي دفاع لها بالاعلى ..وحارسان احدهما ع اليمين والاخر ع اليسار
واهداب ورموش تصد اي هجوم وبحر من الدموع تخرج من شبكتها اي ميكروب ...سبحان الخالق العظيم .

بالنسبة للدعوات
ربنا يسعد قلبك
وبالسلام يعزك
وبفعل الخير ع الدوام يدلك
وف اولادك يسعدك ويباركلك
وببر الوالدين يرفع شأنك
وبالفردوس الاعلى يقر عينك


انا بقى محتاجة اليومين دول دعوات كتيرة قوي لاني مضطربة وقلقانة وخايفة.



لـــولا

كلمات من نور Says:

اللهم أعنا على صيام وقيام رمضان ..دعواتك يا أبو علي ألا صيامي السنة دي جاي مع المرض الذي أصابني في الغدة النخامية و خلاني لازم اتعالج بالكورتيزون ونقص الكورتيزون و أدوية الضغط الواطي بتعملي أزمة والدكتور هاين عليه يقولي متصوميش بس خايف مني ...ادعيلي الله يكرمك ربي يقدرني و أصوم ألا نفسيتي في الحضيض وخايفه قوي وقلقانه

sony2000 Says:

بجد مافي وصف اروع من كدا
سلمت يداك:)

SHAPE YOUR LIFE (ABOALI) Says:

الى الريس
يااااااااااااااسلام على بلدكوا دى
شيىء جميل فعلا
اوعى تكونى منوفى ياريس

ههههههههههههههههههههه
قول واعترف

تقديرى

SHAPE YOUR LIFE (ABOALI) Says:

الى الحب الجميل
وانتى طيبة وربنا يبارك ليكى وفى عمرك
ويصح بدنك وعملك
اللهم امين

تقديرى

SHAPE YOUR LIFE (ABOALI) Says:

الى ايمان

كل ثانية يا ايمان وانتى فى افضل حال
وربنا يجعلك ايامك سعادة ليكى ولكل انسان
ويبارك ليكى فى اسرتك ويهبك اطمئنان الكيان


تقديرى

SHAPE YOUR LIFE (ABOALI) Says:

الى زهراء

كل فمتو ثانية وانتى الى الله اقرب
ودائما حياتك مزهرة زهراء بكل الرياحين والياسمين
ويتقبل منكى الله اعمالك
ويهبك الصلاح وتتعطرين بالمسك وعطر جنات الفرودس الاعلى وتكونى من من المصلين دائما بعد حى على الفلاح


تقديرى

SHAPE YOUR LIFE (ABOALI) Says:

الى لولا

انا بقى محتاجة اليومين دول دعوات كتيرة قوي لاني مضطربة وقلقانة وخايفة.


تؤتؤ
مش لولا اللى تقول كده
ده اكيد ظل خفى
خاف عليكى من الحسد فجعلك تقولى هذا

وهبك الله اطمئنان القلب وسكينة الروح وتاءلف الكيان وتناسق الوجدان

ودائما فكرك للامام

تقديرى

SHAPE YOUR LIFE (ABOALI) Says:

الى كلمات من نور

يااااااااااااااااااااارب
يا مالك الملكوت
تعرف ان الضعف هو سمة بنى الانسان
وانت رب الروح ولك كل الكيان
تفيض وتشتاق اليك اروحنا
وتسعى اليك ذرات اجسادنا
اللهم قربنا منك
واعطى ابداننا طاقة القرب منك
والسجود لك والانكسار بين يديك
وهب القوى منا للضعيف
والغنى منا للفقير
والمؤمن منا للغافل
اللهم اشفنا
واشفى مرضانا
انت القادر
والضعيف يناديك

ربنا يهبك الصلاح والصحة
اللهم امين

SHAPE YOUR LIFE (ABOALI) Says:

الى سونى

ربنا يبارك فيكى
ويقربك من كل خير

تقديرى الكامل