دراما الحياه
, الجمعة، 20 نوفمبر 2009
واحيانا نقتل نحن اوقاتنا بأيدينا ولا ندرى انه ستأتى لحظات ندرك اننا كنا نحتاج تلك
اللحظات
دخلت حديقة الحيوان
لقيت الحمار بيقول
انت جيت تانى
وخدنى فى حضنه
وطب طب عليا
وقال انا كنت متأكد
انك راجع تانى
قولت ايه يا عم نازل طبطبه
متقولش نانسى عجرم
قالى بلاش تعجرم الكلام وتكون انانى
وسئلنى وقال
ها عامل ايه فى العالم التانى
بكيت ونزلت دموعى
قال يااااااااااااه
ده الموضوع كبير
ومحتاج نجيب كونسلتوا
هنجمع الشلة ونشوف حالتك يا مسكين
جه بسرعة الاسد فى موكب
وفى لحظة الفيل ومعاه النمر والتعلب
بصيت هناك لقيت القرد ومعاه الارنب
وسيد قشطه عايش لوحده فى كوكب
قااااااااااااالوا فى صوت واحد
مالك ياااااااااااااا ابن الانسانى
قولت وصوت ملهوف
بلغت الخامسة والستين
واشتغل الرأس شيبا
قولت بقى احج
وليك يا ربى اقول لبيك
قالوا تمام عليك يا انسان
قولت لاء مش تمام
قالوا احنا خايفين عليك
انت معترفش انى فيه انفلونزا خنازير
والمرض هاينتشر ويضرك وسنك كبير
يااااااااااااربى
أبعد ان بلغت من الكبر عتيا
وتعلقت روحى بأستار كعبتك
ونمى فى عينى حب روضة احمدا
قااااااااااااالو
لا تكمل يا انسان
فقد كان فيك رسولٌ رحيم ذو شأن عظيم
قال حجوا قبل الا تحجوا
وها هى الدنيا قد سرقت عمرك
وظللت تبحث هنا وهناك
قولت مالكم جميعا" اصبحتم حكماء
قولوا اجئت لنا لنعلمك ام لنذكرك
تلك هى الحقيقة وانت تريدها نسيا" منسيا
فبدون حساب" واضح لعمرك
واستغلال لحظات صحتك قبل سقمك
وشبابك قبل هرمك
وفراغك قبل شغلك
ستظل تاءتى الينا بكيا"
رافع راياتٍ بيضاء
انتبه نحن ها هنا فى اخر الزمان
الم ترى شبابا" كانوا يعيشون بينكم صباحا
فأذا جنى عليهم الليل
صار عليهم القوم نوحا"
الم تنتشر فيكم امراض لم تعرف زمانا
الم تهدر الامانات
الم ينكسر العلماء
الم يعتلى الطغاه
يااااااااااااااا انسان
كون نفسك وابدء
انفق حياتك لرب حننان مننان
ولا تخف من ذى العرش اقلالا
فهو الكريم المنعمى
ان منعنك سوء الاحوال من بيته
فكل ما على الارض ملكهِ
فعامل الناس بما تحب ان يعاملوك بهِ
عد وليدا" كما ولدت مبرئا"
ستنال كل الرضا يا من كرمت من رب البرايا
فنظرت اليهم واخذتهم فى حضنى
فطب طب عليا صغيرهم وكبيرهم
وعدت لاسعى فى دنياى طالبا"
عفوك يا ربى
كرمك يا عزيز يا مقتدر
ياه يا أبو علي
دراما جميلة فكرتني بكليلة ودمنة ..ربي يجازيك خير على الكلام الجميل داه..علقت قلبي أنا الأخرى بأستار الكعبة ...لبيك اللهم لبيك لبيك لا شريك لك لبيك إن الحمد والنعمة لك والملك لا شريك لك ..ربي يكتبها لنا العام القادم إن شاء الله