SHAPE YOUR LIFE: يلا

يلا

, الأربعاء، 27 يوليو 2011

اولا السلام عليكوا

ثانيا

اتمنى من اى شخص يقرء البوست انه يبتسم ويزيل عن مقاطع وجه

اى حالة اعتصام وتحدث حالة انسياب بين الانف والعين والفم

وتتحرك الشفاه وتتنفس الاسنان

كل ده هايحصل لما تكون الدنيا امام عيونا وليس داخلها

لان لما تكون الدنيا امام العين

هانعرف نفكر بشكل جاد فى اى مشكلة قصادنا

ولما تكون داخل العين

هانفضل فى صراع معاها تشدنا مرة وعيونا تدمع

وترخى استارها مرة وعيونا تفرح

لكن لما تكون امام العين

هانعرف حجمها الطبيعى ويكون شكر ربنا على مقاديره اعمق

ثالثا
و بعد البسمة

محتاجين روح تدب فينا فى الوقت الحالى

ومهم جدا مع نسائم رمضان ده يحصل

افتكرت كلمة رائعة قالها

الدكتور عصام شرف رئيس الوزراء بعد الثورة

قال فيها انى بعد الثورة حسيت انى مصر رجعت لينا تانى

والحقيقة انها كانت كلمة فى نصابها الصحيح

ولكن نسينا لما ذكر دكتور عصام شرف الجملة دى

نسينا نقول ازاى نرجع مصر بجد وتبقى فعلا لينا

فكرت خلال الفترة اللى فاتت فى الموضوع ده جداااااااااااا

وبدءت انفذ واشوف النتيجة

وحبيت اناقش الموضوع ده مع كل اللى يقرء

اول شيىء علشان نرجع مصر فى رايى

الفاعلية والايجابية

وسبحان الله من المعروف

ان الله يغير بالسلطان ما لم يغيره بالقرءان

لان السلطان لديه السلطة والقدرة فى التنفيذ

ولكن اللى بيحصل اليومين دول

اوضح انى فيه حالة خلل عند السلطان

فهل نقف مكتوفى الايدى ؟

ام نبدء فى التفكير خارج محيط التفكيرى الكلاسيكى

الفاعلية والايجابية فعلا عنوان كبير ممكن نقول فيه كلام كتير

بس ان الاوان للفعل

نرجع مصر لينا

اولى تلك الخطوات اللى نقدر نعملها بسهولة

هى

نرفض شراء اى سلعة يقوم ببيعها بائع وهو سارق الطريق ومعترضه

وحاليا هولاء البائعين مسيطرين على كل الميادين والشوارع العمومية

يبقى حرام شرعا اننا نشترى من قاطع طريق وسارقه

ثانى الخطوات

نشر الكلام ده لكل شخص نعرفه ونوضح ليه انى البائع ده

سارق طريقنا يبقى الشراء منه حرام

خصوصا انى معظمهم

ليسوا من الغلابة او المستحقين

لان منظرهم بيوحى بحاجات كثيرة وكلكوا عارفين

وفعلا طبقت الموضوع ده فى فرن عيش فينو

كنت متعود اشترى منه فجاءة

اخذ مترين فى الشارع فقال ليا ليه مش بتشترى مثل عادتك

قولت معلش اللى يسرق الطريق اللى بمشى فيه حرام اشترى منه

لان ربنا هايحاسبنى

و تعمدت اقول ده بصوت يسمعه الزبائن

فرد وقال كل الناس عاملين كده

قولت يعنى لو فيه قبلك عشرة محلات حرامية

تفتكر نزودهم ولا نقللهم

فسكت كأنه مكسوف

يبقى الايجابية والفعالية هى روح التغير الحقيقى فينا

لما يشوفنا اى شخص مبتسمين

وبنحاول نساعده ونفكر معاه فى حل مطبات حياته

اكيد ده عنوان جديد للفاعلية والايجابية

يبقى البسمة طريق للايجابية

لما نصحى الصبح

ونضع قبلة على يد الام او الاب او الاخ الكبير او العم او الخال او او

اكيد حالة من الانبساط على وجوه الناس دى

هاتكتسى ويدعوا لينا دعوة من القلب

وبجد فى الوقت ده احنا محتاجينها جداااااااااااا

اذن الوفاء والمودة والرحمة ايجابية

لما ننظم فى الشغل الاولويات

و نرتبها واحد اثنان ثلاثة على حسب الاهمية

يبقى احنا وصلنا للايجابية

وكده نقدر نقول انى التنظيم يوفر الوقت

ويساعد على الايجابية وراحة البال وتنظيم الفكر والمجهود

لما نشجع واحد على حاجة كويسة يبقى ايجابية

لما نبدء رمضان بروح تحدى للنفس اننا نكسر عادات اتعودنا عليها

وبالفعل غلط ومنها كثرة العزومات وطرح كميات اكل من هنا وهناك

ونستعرض مهارتنا فى المطابخ ونقضى فيها الساعات

بالتاءكيد لن يرضى عنا رب السماء او رسوله

اللى كان بياكل بلحة والقليل مما يقيم صلبه ثم يتوجه لعبادة الخالق

لو بدءنا بجد اننا نوضح لبعضنا البعض انى لو عزمنا اى شخص

يكون الاكل بسيط فقمة البساطة والرقى فى نفس الوقت

الطعام الذى يغذى الروح والجسد فى وقت واحد

و سر الطعام ده هو انه يكون بسيط لا يملىء المعدة

او يعيق حركة هضمها السريع

وفى نفس الوقت ينشط الروح ويعطيها الطاقة للتركيز

***************

اعتقد بعد كلامى فى رسالة حبيت اوصلها

اننا علشان نرجع مصر

يبقى نستعيد نفسنا

و نستحث فينا الايجابية والفاعلية

وكل ما نفكر فى حاجات كتيرة

ده معناه اننا نشتت نفسنا

نرتب ونحدد المهم فالاهم

ونبدء تحقيق ما رتبنا له

وبلاش نخلى ضحكة السارقين ومغتصبى الحقوق هى العليا

ونترك لانفسنا مصمصة الشفاة اما تعجب او انكار او كبت داخلى لينا

واسترجاع وندم على ما فات

كلنا قادرين وهبنا ربنا روح الانسان

علشان نعمر ونزرع لاخر شهيق اوكسجين فينا

###############

يااااااااااااااااااااااااارب يجعل ايامكوا كلها خير وايجابية وفاعلية

وبرضوا اشوف اجمل بسمة على وجوهكم

وياريت اللى يقرء يقول لعشرة من اصحابه ونبدء حياة الايجابية والفاعلية

لانها تستحق اننا نبدء فيها

ويلا كلنا نعزف لحن ايجابية الحياة واستنهاضها فينا

25 Response to "يلا"

غير معرف Says:: طبعافرصة أول تعليق قمةالايجابيةومش حرام; 28 يوليو 2011 في 2:52 ص
غير معرف Says:: تاني تعليق لازم يكون في المفيد عشان مايبأش استغلال
البوست اكثر من رائع الانه بيناقش حاجات كتيرةاكيدكلنالمسنها في الفترةالاخيرةجزء من الفوضة و عدم تحمل المسئولية من اغلاب الناس الا من رحم ربي واكيد قمةالأيجابيةاننا نحاول نصلح الفوضة دي بالسلوك الايجابي في كل شىْ
واكيد في الوقت ده هنلاقي البسمة اترسمت جوانا في القلب قبل الوش ان شاء الله
كل عام وانت بخير و رمضان كريم
و بارك الله لك و فيك; 28 يوليو 2011 في 3:23 ص
yara Says:: بسم الله الرحمن الرحيم
اولا كل سنه وانت بخير يا ابو على ورمضان كريم يا باشا ..
اجمل ما فى البوست هو انه تطبيقى ..طرحت فيه امثله لبعض التصرفات البسيطه جدا التى يمكن فعلها فى حياتنا اليوميه ولكنها سيكون لها عظيم الاثر اذا اتبعناها بالفعل وداومنا عليها لتصبح عاده ...حديثك عن مصر يا ابو على وكيف نرجع مصر لينا وحديثك ايضا ان نجعل الدنيا امام عيوننا وليس بداخلها ..جعلنى افكر للحظات فى كلامك هل هو سهل التنفيذ حقا ؟؟ام انها كلمات رائعه ولكنها للتامل والحكمه فقط ...فى الحقيقه كلامك هذا يحتاج الى اراده قويه جدا حتى ننفذه بجديه ..يحتاج الى ايمان وصدق وسمو نفس ..لقد حاولت كثيرا فى حياتى ان اكون شخصيه ايجابيه ونجحت فى بعض الاوقات ..ولكنى عاده اتكاسل عندما اجد نفسى وحدى فى الطريق ...اعرف يقينا ما هو الطريق الصحيح ولكنى فى بعض الاوقات لا اسير فيه ..احتاج من يساعدنى ويشجعنى ويكون لى قدوه ونبراس ..ولا اعلم ما حل هذه المشكله ..كيف اتخلص من الاحباط والملل واللامبالاه الذى يراودنى احيانا ..لقد تكلمت كثيرا فى حياتى ولكن الفعل اخذ حيز قليل منها ....حتى اننى لم اعد اعلق ولم اعد اشعربراحه عندما اكتب ..مللت من الكلمات والحروف التى ساحاسب عليها يوم القيامه هل عملت بها ام لا ...اعلم ان تعليقى غير منظم ولكنى اعلم ايضا انك تفهم ماذا اريد ان اقول ..كيف ننظم حياتنا يا ابو على ..كيف نبدا بحماس يستمر معنا ولا يكون مؤقت ..كيف نكون الانسان كما ينبغى ان نكون ؟؟كيف نشعر اننا صادقون ولسنا منافقين نقول ما لا نفعل ؟؟هينوبك ثواب فيه كبير لو ساعدتنى فى ترتيب افكارى دى عن طريق بوستاتك فى خلال شهر رمضان الكريم واكيد الكل هيستفيد ..على العموم مش هطول لانى اصلا متلغبطه وحسه انى بكتب كلام غير مفهوم ..دومت بخير يا ابو على بس اكيد زعلانه منك وانت عارف :); 28 يوليو 2011 في 12:28 م
لــــ زهــــــراء ــــولا Says:: أبــــو على
-*-*-*-*-**

اولا وعليكم السلام ورحمة الله وبركاته

ثانيا حلوه البسمه اللى على الوجه ونبعد حالة الاعتصام لانها انتشرت بين البشر بلاش نقول كلهم نقول معظهم بقى عندهم حالة اعتصام فى الوجه وعلامات التكشيره قاعده على وشهم بس عندى سؤال ايه حكاية الانف مع الموضوع يعنى البسمه بتكون على الشفاه والاسنان تتنفس لكن ايه حكاية الانف دى ^_^
عجبنى اوى لفظ الدنيا امام عيونا وليس داخلها تعبير جديد على الاذان يعنى زى ما تقول كده ساعات باحس انى باسمع البوست مش مجرد قراءه بس ^_^ ....
عجبنى تفسيرك لما الدنيا تكون امام العيون بصراحه تفسير منطقى ورائع ومحتاجين اننا نضعه امامه عيونا على الدوام
محتاجين اننا نضع الدنيا امام العيون عشان نقدر نشوف مشاكلنا ونكون مدركين لما يحدث فيها لانها لو اصبحت داخل العين كده المشاكل هتعيش بداخلنا ومش هنقدر نشوفها كويس ومش هنقدر نحطها فى الحجم الطبيعى
ثالثا احنا فعلا محتاجين روح جديده تبد فينا قبيل استقبال شهر رمضان حتى يكون رمضان بروح جديده وبمفهوم جديد
اذا كان دكتور عصام شرف قال جمله رائعه لكن بالتأكيد ليس كل من سمعها حاول ان يفهم ما بين سطورها او على الاقل يفهم المعنى الواقعى للجمله او المعنى الحقيقى لها , جميل منك ان تحاول التفكير فى الجمله وتذكرنا بها والاجمل ان نحاول ان نعيد مصر الينا مره اخرى ونحاول كذلك ان نحافظ عليها لان عودة مصر لنا نعمه وفضل من ربنا فلابد ان نحافظ على هذه العوده ...
الفاعليه والايجابيه عنوان جميل ولكن ما يحويه من معانى لابد وان نقف امامها لبعض من الوقت بكل تأكيد الخطوات جميله التى تفضلت بذكرها ولكن البائعه اصبحوا يفترشون الطريق كله وليس بضع امتار من الطريق وله فوضى فى فوضى
بالنسبه لحكاية الفرن الفينو افتكرت موضوع حصل مشابه ليا

منذ عدة اسابيع كنت راجعه قبل صلاة العصر فوجئت ان احدهم قرر ان يحتل الرصيف بجوار البيت وحط شوايه كبيره وجاب معاه ترابيزه وعدة الشغل قولت اسأل عمو البواب مين ده قالى ده واحد هيشوى لحم وفراخ وكفته قولت له يا سلام هو ساكن هنا قال اه فى الشارع اللى جنبنا هنا قولت نتكلم مع الرجل اللى بيشوى يا عمنا كده مش ينفع الريحه هتطلع علينا قالى يا ستى دى ريحه حلوه هو انا باعمل فلافل لا قدر الله " اللى طعميه بس عشان اختلاف اللهجات " ^_^ قولت له طيب يا سيدى الريحه هتبقى صعبه وانا هاجوع قالى خلاص ابقى اشترى من عندى كل يوم قولت بينى وبين نفسى لازم حد تانى يبدا يتكلم معاه لاقيت جارتنا فى البيت اللى امامنا بتقوله اقف امام بيتك قالها حرام عليكى هتقطعى اكل عيشى وعيش ولادى انتى مش بتخافى ربنا انا كده هابقى عاطل والناس طبعا واقفه تتفرج على الفيلم وعااااااادى كانها فى السنيما وعمل فيلم محترم وفى ا لاخر قرر الرحيل ووقف بعيد شويه بس برضه الريحه بتوصل لغاية عندنا ^_^

توقفت امام جمله وتبمست لها ايضا "لما يشوفنا اى شخص مبتسمين .. " عارف هيعمل ايه لما الناس هتشوفنا مبتسمين هيحسدونا ويقولك فى وشك يااااااااه انت مبستم وفرحان على ايه انت مافيش عندك مشاكل هو ده طبع كتير من البشر

من الصور الاكتر من رائعه لحب الله سبحانه وتعالى لعباده المنح الربانيه والهدايا الالهيه وذلك يدل على حرص الله سبحانه جل فى علاه على مصلحة عباده لكى يدخلوا الجنه تلك المنح والهدايا يرسلها الله كل فتره لعباده لتكون بمثابة الامل والحافز لتعويض ما فاتنا ومن تلك الهدايا شهر رمضان حيت يتجلى حب الله العجيب لنا وحرصه الدائم على عودتنا اليه مره اخرى واصلاح انفسنا على الرغم من اننا قد فرطنا فى الكثير والكثير من الحقوق وفى كثير من الاحيان نضيع الكثير ايضا من الاوامر وعلى هذا فان الكرم الالهى لا يتوقف
ورغم ان شهر رمضان منحه الهيه ولكنى اعتقد ان مصر عندما رجعت لينا فهى ايضا هبه ومنحه من الله ولابد من المحافظه عليها
واخيرا وليس اخرا فان كلام حضرتك لابد ان يكون هديه لنا لان الله سبحانه وهب لك هذه المعرفه وهذا العقل لكى نتعلم منه

كل سنه وحضرتك واسرتك بكل خير وسعاده

ملحوظه كان فى كومنت حلو اوى بس لاسف البلوجر رفضه وضاااااااااااااع ونا متغاظه لانى نسيت اخده كوبى بس على العموم مافيش مشاكل بمناسبة رمضان

رجاء من حضرتك بما ان كتابتك تعطى لنا دفعات ايجابيه ياريت تزود منها فى الايام الجايه وياريت بقى كل يوم فى رمضان بوست بعد الافطار عشان نحلى به بدل الكنافه والقطايف ^_^
انا بقى اخدت البوست وحطيته عندى على الفيس عشان كل اللى عندى يتعملوا ويقراوا

دعوات بالسعاده والخير على الدوام

زهـــــــراء; 28 يوليو 2011 في 2:31 م
dalia Says:: أبو على كل رمضان وانت بخير وسعادة وايجابية، عندك حق انا طبقت اللى بتقول عليه في المترو بقيت مش بشترى من الباعة لانهم فعلا مش وجه حضاري واحنا البلد الوحيد اللى بيعمل اى حاجه في اى مكان والناس هي المسئولة عن ده لانهم مش بيطبقوا القانون رغم ان التعليمات واضحة بوجود غرامة على الباعة داخل قطارات المترو لكن الناس تعترض وتقول حرام دول بيسترزقوا فعلا عدم الايجابية هي اللى مضيعانا
بعتذر عن الغيبة الطويلة ورمضان كريم; 28 يوليو 2011 في 4:10 م
غير معرف Says:: اولا كل سنه وانت طيب وكل رمضان يعود عليك بالخير ودوام الصحه والعافيه ثانيا الكلام بجد فيه حماسه غريبه ولازم ان شاء الله نعمل بيه علشان نرجع مصر لولادها وتفضل ام الدنيا كل واحد يبدا بنفسه ودى هتكون الخطوة الاولى والصح ان شاء الله يارب يامصر يحفظك من اعداءك ويرجعك لينا ودايما عمار يمصر وفيكى الخير; 28 يوليو 2011 في 6:01 م
غير معرف Says:: ربنا يقدرك دايما ع تحميس وتشجيع الناس ع الخير التعليق دة واللى فات بتوعى moro kramel; 28 يوليو 2011 في 6:03 م
مونتي بوكيه ورد Says:: البوست دا وجبئة غذائية دسمة جدا بحييك وبشكرك عليها وبشكر فاكمة الزهراء اختي الغاليه علي الشير; 28 يوليو 2011 في 7:07 م
موناليزا Says:: ازاى مفكرتش فى الموضوع ده قبل كده
تصدق عندك حق فعلا
اللى بيسرق من الطريق ازاى أشجعه واشتر منه
وعجبنى أوى ردك على بائع العيش; 29 يوليو 2011 في 6:44 ص
vanilla scent Says:: بصراحه كلام موزون جدا وصح جدا

كل سنة وحضرتك طيب; 30 يوليو 2011 في 1:24 م
د. ياسر عمر عبد الفتاح Says:: ازيك يا زعيم
عامل إيه ؟؟

والله ليك وحشة ,, أخبارك إيه وإيه أخبار الشغل

كل عام وحضرتك بخير ,,
ربنا يتقبل منا صالح الأعمال
ويقوينا على الصيام; 31 يوليو 2011 في 3:58 م
شمس النهار Says:: كل سنة وانت طيب وبخير وصحة وسعادة
ربنا يتقبل منك الصيام والقيام; 31 يوليو 2011 في 6:33 م
brightlyanny Says:: السلام عليكم
كل سنة وانت طيب ابو على
انت قولت الحل وخلاص احنا اللى هنرجع مصر
لما نتغير .....هو احنا صحيح الحمد لله مش عندنا حرامية بس عندنا مزارع فراخ ملوثة للبيئة ....وناس لسه بتبنى عماير وبترمى باقى الخرسانه ع الشجر لاخضر واللى لما بلغت عليهم قامت الدنيا حته بت تقطع رزقنا ( طظ فيهم )اللهم انى صايم النهارده اول يوم رمضان ههههه
الدموع بقت هي لاكتر والبسمة قليلة ..بس والله ببقى عرفة الحل ف انى ادخل واقرى اخر منشوراتك كلامك جميل يا ابو على ودعواتك لينا ف رمضان ربنا يقدرنا يا رب ونفوز بالشهر الكريم
تمنياتى لك لولالاسرة بالخير
انتو ياللى عايشيين ف القاهرة ربنا يكون ف عونك ( فرحة الصعايدة ههههههههه); 1 أغسطس 2011 في 12:33 ص
SHAPE YOUR LIFE (ABOALI) Says:: الى غير معرف

مرحب بك فى اول تعليق وفعلا قمة الايجابية ومش حرام وكل عام وانت بخير

كل التقدير; 2 أغسطس 2011 في 1:11 ص
SHAPE YOUR LIFE (ABOALI) Says:: الى غير معرف

صدقت السلوك الايجابى هو مناجاه من الكثير من الهموم والمطبات التى نلاقها فى حياتنا
البعد عن السلوك الايجابى يجعلنا حيارى حتى وان غمرتنا بعض من نذوة الفرح

السلوك الايجابى قاطرة للحياه ودليل رقى من يفعله

كل التقدير لك ولتشريفك هاهناااا; 2 أغسطس 2011 في 1:13 ص
SHAPE YOUR LIFE (ABOALI) Says:: الى يارا
كل ثانية وانتى بخير وصحة وسعادة وتقبل الله منك الجميل من اعمالك و جدد ايمانك بكل خير وسلام
فعلا كما اشارتى اجمل ما كان فى البوست هو انه تطبيقى وضع حلول سهلة لكى نبدء فى التعامل بالشكل الايجابى مع من حولنا
ونفكر وندرك اننا بدون هذا السلوك الايجابى سنفقد اهم ما يميزنا وهو الانسانية
لذا كان الرد على سؤالك واستفسارك عن سهولة هذا التطبيق
الاجابة
ان كل شيىء فى الكون لم ياءتى سهل على طبق من فضة او ذهب
ولكن اتى ببذل حبات من العرق والمجهود
وذلك لان الجزاء كان عظيم
مجاهدة النفس من انواع الجهاد الحقيقى
لان ميل النفس هو اللامبالاة والركون تحت بند الانامية وعدم التوافق مع الغير
وبالاضافة لذلك يغذى السلوك السلبى
الشياطين بكفة انواعهم
ويعتبر اشد الشياطين فتكا فى الوقت الحالى شياطين الانس
فهم يعرفون ان الفوضى هى طريقهم للحياه
فيتعمدون اخماد كل نيران الحماس والنظام
لذا العزيمة الجيدة لا تاءتى الا بالنظر الا من سبقونا هل بالفعل عندما اتبعوا السلوك الايجابى فى التعامل مع النفس او الحياه
هل نجحوا
نعم يا سيدتى
انظرى الى عمر بن الخطاب من قمة الكفر الى قمة الايمان وهو انسان مثلك ومثلى
ثم انظرى الى صبر بلال فى الصحراء
لما صبر لانه ايقن ان القادم له افضل
ثم انظرى الى العلماء الان معظمهم قاوموا ظروف معيشية صعبة وسهروا ايام لكى يحصلوا بعض العلم وتكون لهم مكانة مميزة

لا ادعى ان العملية بذات السهولة
ولكنى اقول ان البدء فى التغير يجب ان تبدء
لان الشكل الحالى الذى نحن فيه بالتاكيد لن يعجبك ولن تستمر الحياه به

لذا السعى المطلق وراء احياء واستنهاض الفعل الايجابى يجب ان يكون مثل طعامنا وشرابنا
والا لما نحافظ فقط على الاكل او الشرب
سواء كنا سلبين او ايجابيين
لاننا نعرف انه بدونهما سنفقد الحياه

لذا بدون استنهاض الخير والايجابية
لن نستطيع ان نستمر وسنصبح مثل الحيوانات ناءكل فقط ونشرب ونشكو

تعليق فتح يا سيدتى افاق كثيرة للفكر وجعلنا نسبح بين الحروف فى ايجاد الحلول وهذا قمة الايجابية والارتقاء وهو وضع اليد على مكان الجرح
حتى نتعامل معه

وتخيلى سيدتى ان السلبية هى بالفعل جرح
ومن يدواى الجرح عليه ان يصبر
لانه لا يلتئم الا بعد الاهتمام به ومراعاة شئونة

كل عام وانتى فى صحة وسلام دائم وحماس مستمر; 2 أغسطس 2011 في 1:26 ص
SHAPE YOUR LIFE (ABOALI) Says:: الى زهراء

اولا كل سنة وانتى فى سلام وصحة ورمضان كريم

البسمة عنوان اساسى فى الحياه من افتقدها فقد روح حياته وسمة من سمات الاستمرارية فى الحياه
دور الانف هو دور هام وحيوى
فهو مصدر دخول الهواء الى الرئتان حتى
يحدث انبساط فى عضلات الوجة اثناء الابتسام

فعلا وجود الدنيا امام العين فرصة لقراءتها بشكل جيد ومعرفة حجمها الحقيقى

واتفق معك ان وضع الدنيا بهذا الشكل راحة للبال والعين معا

الامثلة متعددة فى اشغال الطريق
والذى يجمعها كلها هو سلبية الكثير ومصمصة الشفاة
فمن يقول ان الرزق ياءتى بالتضيق على الناس واعاقة طريقهم

ان كان البعض سيحسد على البسمة
فهذا دليل قمة النجاح لنا
فهو يفتقد تلك البسمة فى حياته
وبالتاءكيد سيساءل نفسه لما انا هكذا

شهر مضان سيدتى
اكيد هو فرصة لاعادة قراءة النفس من الداخل
وتقيم حالة ضعفها من قوتها
واعطاءها الحجم الحقيقى لها
فمن قرء نفسه بعناية سيدرك يقينا
اننا نعانى من كثرة الكلام وقلة الافعال
ورمضان فرصة لتوافق الفعل مع الكلام

بالتاءكيد يا زهراء
تقف احيانا الكلمات لتصف مساندتك لى فى تلك المدونة واستمرارية وجودك هنا وحرصك على نشر بعض مواضوعاتها
وهذا لاءدراكك العالى
وحبك للخير للجميع بلا ضجر او ضيق

احيى فيكى هذا الفعل لانه قمة الايجابية هو ان اكون دليل لغيرى حتى نصبح جماعة و اغلبية فى الايجابية والخير

كل سنة وانتى فى نعمة من الله
يقربك اليه ويحبك ويرضى عنك
ويحبب فيكى خلقه ويرفعك درجات ودرجات

تقديرى لك الدائم وانتى تستحقى كل التقدير; 2 أغسطس 2011 في 1:37 ص
SHAPE YOUR LIFE (ABOALI) Says:: الى داليا

يا هلا يا هلا
كل سنة وسنوات عمرك كلها خير يا داليا يا انسانة يا راقية
ليكى وحشة بالتاءكيد
وان لم تتفق داليا معى من سيتفق
يلا بينا مع بعض نرجع البلد دى لينا يا داليا
وباعتبارك صحفية اتمنى نشر موضوعات تحث الناس على الايجابية ومحاربة السلبية فينا

كل التقدير لانسان قدير; 4 أغسطس 2011 في 7:39 ص
SHAPE YOUR LIFE (ABOALI) Says:: الى مورو
سعيد جداااااااا بوجودك هنا يا مورو
والحمد لله انى الموضوع عجبك
واعتمد عليكى فى موضوع الايجابية انك تكونى رسول دائم متجدد بالايجابية ومحاربة كل السلبية

باحييكى على حماسك انتى ورقى كلماتك ومش غريب على انسان قدير مثلك

كل التحية وكل عام وانتى بخير; 4 أغسطس 2011 في 7:41 ص
SHAPE YOUR LIFE (ABOALI) Says:: الى مونتى بوكية ورد

انا اللى باشكرك على قرءاة الموضوع وان شاء الله تكون من العاملين بما دعى اليه
فالايجابية حياة لنا ان تنازلنا عنها كنا فقدى الاهلية

تقبل تهنئتى برمضان وكل عام وانت انسان جميل قدير حكيم; 4 أغسطس 2011 في 7:42 ص
SHAPE YOUR LIFE (ABOALI) Says:: الى موناليزا

عدى الجمايل بقى يا موناليزا
وادعيلى فى رمضان
ربنا يهبك السعادة وراحة البال دايما

تقديرى; 4 أغسطس 2011 في 7:43 ص
SHAPE YOUR LIFE (ABOALI) Says:: الى فانليا

باشكرك واشكر حضورك هنا واتمنى انك تشاركينى فى الدعوة الى الايجابية

كل التقدير لك; 4 أغسطس 2011 في 7:44 ص
SHAPE YOUR LIFE (ABOALI) Says:: الى ياسر
يااااااااااااااااااه فينك يا عم
ولا رسالة ولا رنة ليه بس يا عمنا

هى القطايف غالية عليك ولا ايه

وحشينى جدااااااااااا
وان شاء الله اكلمك يا عمى بس جهز المسكن اللازم بقى يا دكترة

رمضاااااااااان كريم عليك وعلى اسرتك; 4 أغسطس 2011 في 7:46 ص
SHAPE YOUR LIFE (ABOALI) Says:: الى الحاجة شمس النهار

كل سنة وسنوات عمرك سعادة وحكمة تنورين بها حياتك وحياة غيرك
كل التهانى لك ولاسرتك الكريم
ورمضااااااااان كريم; 4 أغسطس 2011 في 7:47 ص
SHAPE YOUR LIFE (ABOALI) Says:: الى برتلى

ليكى وحشة يا انسانة وكلامك وحروفك كلها والله ايجابية وروح وحماس ليكى كل التحية عليه وكفاية اننا بنتعلم من اهل الصعيد الايجابية والبعد عن السلبية

ليكى كل التقدير يا انسان ودعواتك ليا فى رمضان اوعى تنسى
باب السموات بتكون مفتوحة امام اناس باعتز بيهم وفطرتهم ونقاءهم دايما الهام ليا

كل التقدير لك; 4 أغسطس 2011 في 7:50 ص