المزدوج اسم لشخصيه ظهرت خلال احدى افلام الكارتون اسمه (ماسينجر) كان يعرض شخصيه نصف وجهها ابيض والنصف الاخر اسود حتى يعبر من خلال تلك النصفان عن التناقض الذى تعيشه تلك الشخصيه
ولم نتخيل انه سيأتى يوم بالفعل يكثر فيه المزدوجون ولكن ليس من خلال بياض وسواد الوجوه
ولكن من خلال الاسم الذى يعرف به كل انسان
لما بنتولد بيجتمع الاهل والاقارب والاصحاب كل واحد بيختار اسم علشان نسمى بيه وبعد الحيره بين كل الاسماء
يولد الاسم
لما نكبر شويه نبتدى نشعر بالاسم وهل فعلا اختيار الاسم كان مميز ونبتدى نعرف معنى الاسم دة ايه
ويدل على ايه وساعات كمان نحب نعرف كام واحد يحمل نفس الاسم
ويتحول الاسم الى جزء مننا لا يتجزء ويصبح سمة لينا مش بس من سمات الشخصيه بل كمان حياتنا وانسانيتنا
كل واحد يتمنى انه اسمه يكون عنوان كبير ليه
وكمان يزعل لو حد نادى عليه باسم تانى من غير سبب واضح
ومع تتطور الحياه بدات تدخل حياتنا وتفتحمها تكنولوجيا جديده ارتبطت بدخول النت وعمل ما يسمى الشات
والمفروض انه مع الشات تزداد المعرفه والتبادل المعرفى وتتقرب الصلات ونشعر بانسانية الانسان
طيب ايه لازمة الكلام دة ما هو معروف ومافيش جديد
فعلا هو معروف
بس الحقيقه اللى بيحصل غير كدة
بدء كل من يدخل الشات يلبس قناع اخر غير القناع الاصلى
واول تنازل له فى قناعه الجديد كان الجزء المقرون به تخيلوا
اسمه
تخيلوا الاسم اصبح عار حاليا الكل يبحث عن اسم مستعار دون اسمه يظن انه بهذا يستطيع ان يفعل مايشاء دون ان يعرفه احد
وبالفعل يتحقق له ما يريد ولكن فى هذا اللحظات لا يشعر انه يتخلى عن جزء من كيانه يستغنى عن عنوان ويصبح مزدوج من خلال اسمين اسم للخفاء واسم للعلن
ان اقناع النفس بهذا المنطق باءن هذا شيىء عادى يعبر ان هناك صراع فى داخلنا عما نظهره من خلال استعمال الاسم الحقيقى وعما نبديه من خلال الاسم المستعار
ولكن لو نظرنا فى اعماق انفسنا نجد اننا يجب ان نشعر اننا اكرم واحسن قيمة واكثر احتراما عندما نتمسك بالعنوان بالرمز فاءذا حدث فى البدايه التخلى عن الاسم فماذا يبقى بعد ذلك
ليه يا انسان تنسى اسمك وسط الزحام
وتبقى من غير عنوان
حتى اسمك ضاع كمان
تغيره علشان تبقى غير الكيان
ومالوا اسمك لما يكون رمز ليك
يعبر عنك ويفتح طريق
ليه يا انسان تنسى اسمك وسط الزحام
تنزل من عليائك وتصبح مستعار
فكر تانى وخليك كبير
لونك رسمك شكلك بيقول انك انسان
واسمك عنوانك امام الرحمن
لما كنا صغيرين فى المدرسه كان فى درس بيحكى عن ابو قردان
وكان دائما العبارة المصاحبة لذكر اسمه انه صديق الفلاح والفلاح دائما يحبه
ويتمنى وجوده وكان السبب انه يساعد على تنقية الارض المزروعة من بعض الطفيليات واشهرها الدود
لما كنا بنسافر الارياف كنا دائما بنشوف ابو قردان قد ايه منظره جميل رشيق انيق وكان فعلا يؤدى عمله
وتشعر انه سعيد
ودرات ايام كبرنا
وسافرنا الارياف وبلهفة الاطفال عاوزين نشوف ابوقردان
بس المرة دى ابوقردان كان غضبان عدده قل واختفى عن العين وانتشر الدود
طيب ليه اختفى ابوقردان
الارض لم تتغير الزرع لم يتغير الدود لم يتغير
بس ابوقردان اكيد لاحظ ان الفلاح تغير الانسان اللى كان بيتمنى حضوره ويكون فى شرف استقباله
لم يعد يهمه الامر
ابوقردان كمان استصعب المهمة كان مهمته انه ياكل الدود من الارض اصبح عليه الان انه ياكل الدود كمان فى اللى بيزرع الارض
اه فعلا
محتاجين حد ياكل الدود اللى فينا
لم نرى حيوان حقد على حيوان
او حيوان كرة حيوان
او حيوان حسد حيوان
او حيوان اعتدى على زوجة حيوان
او حيوان عاكس زوجة حيوان
او او او او
بس وجدنا كل دة فى الانسان
عاوزين من جديد كل واحد يربى ابوقردان
بس المرة دى لنفسه
علشان ياكل الطفيليات اللى انتشرت
عاوزين لينا صديق زاى ابوقردان بس المرة دى نقول صديق الانسان
ابوقردان ارجع تانى احنا محتاجين
متزعلش منا مهما بدلتنا السنين
لو دورت اكيد هتلاقى ناس طيبين
بس هى عسرات بتخلينا وحشين
ارجع خليك معانا
يكمن الدود كتر شويه
بس احنا لسه مكرمين
خرج منا ادم وموسى وعيسى
ومحمد(صلى الله عليه وسلم)سيد النبين
بس احنا وسط الزحام بننسى
ونكون قاسين
بس المهم
انك ترجع تانى
احنا مستانين
عندما نتحدث عن الاخرة تظهر فى البدايه صورة النار يرتعد البعض و يخاف الاخر ويحذر الاخرون والبعض لا يعير الموضوع اساسا اهتماما ويترك الموضوع هكذا يمكن تمكن منه احساس اليأس انه لن يكون فى مكان اخر غيرها
كلام عجيب تصورا هناك من ايقن ان النار مصيره مهما فعل وهناك من ايقن ان هناك مصير اخر
الجنة يا ترى نعرف عنها ايه
تعالوا نقرب الصورة ونشوفها يمكن نشتاق اليها
أسماء الجنة
1- الجنة
2- دار السلام
3- دار الخلد
4- دار المقامة
5- جنة المأوى
6- جنات عدن
7- دار الحيوان
8- الفردوس
9- جنات النعيم
10- المقام الأمين
11- مقعد الصدق
12- قدم صدق
عدد ابواب الجنة
في الجنة ثمانية أبواب باب منها باب الريان لا يدخله إلا الصائمون
سعة ابواب الجنة
المسافة بين كل باب من الابواب ميسرة 70سنه (اطمئن يا عم فى امل)
درجات الجنة
الجنة مائةُ درجة ما بين كل درجتين كما بين السماء والأرض (يا قلبى)
اشجار الجنة
يسير الراكب في ظلها مائة عام لا يقطعها ( متع نفسك)
ما في الجنة شجرة إلا وساقها من ذهب (شوف بقى عيار كام)
إن الرجل إذا نزع ثمرة ً من الجنة عادت مكانها أخرى (كفايه المشهد دة)
طيب لو اتكلمنا عن الطعام يبقى شكله ازاى وحور الجنة وطلاء الجنة وانهار الجنة وحلى اهل الجنة ووووووو
يااااااااااااااااااااااااااااااااااااااااااااا فعلا نعيم فيه ما لا عين رات واذن سمعت ولا خطر على قلب بشر
لما تنظر للنار خلى بالك
من الصورة الثانيه
صورة بتنادى عليك
مشتاقة ليك
بتقول ليك
عيب عليك تنسانى
وانا اصلى ليك يا انسانى
لو قربت ليا
عمرك ما تقول فى حاجة تانى
لكن انا باقولك
خلى غايتك رؤية الرحمن
اكون ليك مش لاحد تانى
فكر بسرعة
وبلاش تبقى انانى
واسئل نفسك
ماخطرش على بالك
رؤيه الرحمن
لما تنظر للنار خلى بالك
من الصورة التانيه
صورة منتظراك
عنوانها
الخوف من الجليل
والعمل بالتنزيل
والاستعداد ليوم الرحيل
انا قولت ليك على العنوان
بس المهم انك عرفت
انى فى صورة تانيه
انظر حولك بكام يا بيه تشترى؟
كله موجود صغير وكبير وفيه كمان مثقف وفيه موزون وكمان مجنون كل طلباتك موجودة
يااااااااااااااا
فعلا عقول للبيع
تجاره رائجة هذا الايام
وصلنا فعلا الى مستوى الكل اتجه الى اعطاء عقله خمرا
حتى لا يشعر به او حتى يفكر به وان فكر يكون لحساب احد غيره
حتى يشكلها له كما يشاء
تجارة العقول اصبحت تجاره مربحة لمن يعرف ان يستخدمها
تخيلوا اصبحت العقول عقول مهاجره لمن يدفع اكثر
عقول على النواصى والشوارع تباع المهم تعرف تقدر الثمن
الناظر الى حياتنا اليوميه يجد ان حياته تكاد تكون فيها الايام نسخ كربونية من اليوم السابق له بدون تغير لم نستطع ان نقف للحظات نسأل انفسنا
هو احنا رايحين فين ؟
هو اللى احنا فيه دة هايوصلنا فين ؟
هو احنا فى الطريق السليم؟
......................؟
اسئلة عديدة يمكن طرحها لو احنا عملنا وقفة منطقيه تم فيها تشغيل الهبة التى اعطاها لنا الله ليتم التميز بها من بين مخلوقاته
طيب ليه وصلنا لهذا الحد من الدعارة العقلية ومنطق نشتغل ليه بعقولنا ونخلى غيرنا يشغلنا بعقله ؟
يا ترى علشان
-- مش عارفين نفكر ازى
-- ولا نتيجة غياب المنهج وعدم معرفة معالم الطريق فى الدنيا
-- وممكن كمان اننا مش عارفين هدفنا فين
-- ولا تتطرق اليأس فى انفسنا من صعوبة التغير
-- ولا مقولة الموت وسط الجماعة رحمة اصبحت هى الشعار
-- ولا ..............بدون العقل قيمتك ايه يا انسان
اوعى تخونك نفسك وتنسى تكريم الرحمن
ولا يغرك عمرك وتقول احنا عايشين تمام
والدنيا اهى ماشيه ومش عاوزين دماغ
وتقولك نفسك اللى مشى بعقله نهايته وجع الدماغ
تبقى خسران يا صاحبى ان كان دة هو العنوان
وافتكر يوم هاتقف فيه امام الواحد الدايان
هاتكون فيه مصحصح
علشان تقدر تعرف طريق الجنان
وافتكر فى اليوم دة
ان العنوان كان موجود معاك
كرمك بيه ربك وكان هبه ليك من الرحمن
حط عقلك فى راسك وابدء يوم جديد
كل يوم تفكر فيه هايتولد ليك عمر جديد
تعرف بيه عنوانك
ودة شيىء اكيد
جرب والنجاح هايكون العنوان بالتأكيد
إيقاع الحياة المتسارع يضغط على أعصابي، ومشاعر القلق والتوتر لا تفارقني، أشعر كأنني أغرق في بحر من الهموم والضغوط المتلاحقة
كيف أتغير؟
كيف أتحول؟
من أين أبد؟..
اسئله واستفسارات يكاد لا يخلو احد الى نفسه الا ويذكرها
كلنا بنفكر فى الحل طيب يا ترى الحل ايه ؟
الحل امام الاعين يتراىء
حجر صحى
فعلا احنا محتاجين حجر صحى
يكون نقطة تحوُّل
بس حجر صحى حقيقى تكون نهايته بدايه انطلاق جديدة
فى الحجر الصحى تذكر حاجات تساعدك على النجاح
الصمت والسكوت
درِّب نفسك على أن تصمت أكثر مما تتكلم؛ فإن النفس إذا صمتت سكتت، فإذا طال سكوتها تبين لها الكثير وتتضح الرؤية افضل
قاوم التسويف
الافة اليوم هو طول الامد وعدم الشعور بقيمة الوقت فاءذا شعر نا انا اعمارنا فى الدنيا عباره عن ثوانى ودقائق وساعات وايام وسنون اكيد سوف تكون هناك همه للبدء فورا فى الانجاز
الخطة المرنه
لكى نستطيع البدء الصحيح لابد من خريطه نرسمها لكى ترشدنا الى الطريق نضع خطة مرنه يمكن التعديل فيها والتطوير دون المساس بالاصل
اعرف نفسك
بدون معرفة نفسك لن نستطيع التحكم فيها نتعرف على نقاط القوه ونقاط الضعف
البيئه
التعرف على من نحتك بهم يوميا فى حياتنا مطلوب حتى نستخلص منهم من يساعد فى الطريق ومن يحتاج الى ان نرمم علاقتنا به
الفرار
نفر بكل اجسادنا واروحنا اليه راجين ان يعيد الينا التناسق النفسى والانسجام بين اعضاءنا نضع انفسنا تحت منظار طاعته لإن من يفهم السعادة والراحة النفسيه لايجد ها الا معه وفى رضاه وضع فينا الشوق اليه والصلة التى تذكرنا دائما به صلاتك له وخشوعك فيها تشحن كل اعضائك من جديد ففر منه اليه
ربى انى انا الضعيف خلقتنى وتعرفى ضعفى
من يجمع شتات نفسى الا انت
من يعيد اليها سكونها الا انت
من يفرج كربى الا انت
من يقوينى الا انت
من يضئ حياتى الا انت
فيا من كتبت على نفسك الرحمة لا تطردنى منها واعف عنى
