دخل زجزج تعلوه علامات التفكير المتعمق المنبعج
بابا
شوف يا بابا اسمحلى استغلك
تستغلنى
ومالوا نفسى حد كده يخلى سعرى غالى
على اخر الزمن يا زجزج تستخدم ابوك وتستغله عجبت لك يا زمن
اه عليك انت يا بابا
قول يا زجزج
قال سمعت حديث عن ا لرسول صلى الله عليه وسلم
من صلى البردين دخل الجنة
يعنى ايه بقى يا عم بابا البردين ؟
جااااااااااااااااااااااوب
وجاى تسئل ابوك ليه مش تسئل شيخ يا ابنى
بقى انت يا بابا مش عارف
عدم المعرفة يا زجزج مش وصمة عار نعيش بها بالعكس دى تبقى نداء لينا علشان نعرف
تعرف الحقيقة اللى بتقول عدم الادراك ادارك
قال لاء يا بابا من فضلك وضحلى الصورة
قولت هاقول ليك مثل وانت تفهم من خلاله
لو فيه مدرس اعطى تلميذين عنده مسئلة هندسة علشان يحلوها
وكانت المسئلة تتحل ب 5 معطيات وهو قال 4 بس
وقال للتلميذين بعد اسبوع هاتوا الحل
بعد الاسبوع جه الاثنين واحد قال المسئلة صعبة جدا بس بحاول احلها وهاحلها
والثانى قال المسئلة فيها حاجة ناقصة ولا استطيع حلها
قااااااااااااال فهمت يا بابا
يعنى قصدك اللى ادرك
على الرغم من عدم حله للمسئلة والتلمييذ التانى افتى وخلاص
قولت فعلا يا انسان
البردين يا زجزج هما طرفا النهار المقصود بهما صلاة الصبح اى الفجر وصلاة العصر فى اول النهار تاءتى صلاة الفجر مع نسائم الهواء البارد الجميل وتسمع اصوات تلالأ النجوم فى انكماش ظلمة الليل وبزوغ شمس نهار يوم جديد
وصلاة العصر حين انكسار حر النهار وبداية نسائم الهواء الظليل بنسائم ايضا باردة
علشان كده سموا البردين
ودول فيهم ثوووووواب كبير جدا جدا
لانك تلاحظ انشغال الناس بالنوم فى وقت الفجر
وانشغال الناس باءمور الدنيا وقت العصر اما فى العمل او التنزة والتنعم ببدء ظلة الجو
قااااااااااااال امممممممممممممممم وعامل نفسك مش فاهم يا ابوزجزج ماشى ماشى
هابلغ عنك مباحث الامل العام وهتشششششششششششوف انى وراك رجالة
هااااااااايقووووووووولوا
بابا يا حبيبنا ليه الامل خدك وسبنا
رجاااااااااااااااااااااله فعلا يا زجزج يا مدرك
بس يا بابا سيب موبيلك علشان استخدمه فى اتصالاتى
فى الركن البعيد الهادى
وجدت دم الغزال مستمخ ومبسوط وعال العال
فأقتربت منه وليتنى لم اقترب ولم اعش تلك اللحظات الرهيبة التى تهتز لها المشاعر
لقد سمعت صوت كركرة وشد و وشفط فساورتنى الشكوك والظنون
ماذا تفعل يا دم العزال جااااااوب
يا بابا بشرب سجاير سجااااااااااااير معقولة
طيب ما تجيب واحدة كده اشربها معاك
يااااااااااااااااه عليك يا بابا كنت فاكرك هاتخاف على صحتى
هو انا مش ضناك برضوا
يااااااااسلام عليك يا دم الغزال وعلى ادائك الانسانى
ولما ابنى يشرب سجاير ده عيب ؟
دى حاجة كويسة !
يااااااااااااه يا بابا ده الناس اللى تبشربها دايما بتكح كحة غريبة كأنها بلعت شمامة والعصبية فيهم
وانت يا بابا تقولى اشرب ومالوا اه من الابهات اه
هو انت ليه يا بابا لا تشرب سجاير ؟
قولت يا دم دم الغزال بالفعل انا بشرب
قااااااااااال معقولة كنت يا بابا قدوتى فى حياتى
ده انا كنت ماسك الشفاطة وبشرب العصير وعملت كده علشان اشوف رد فعلك
تطلع انت يا بابا بتشرب
ضحكت وضميته لصدرى وقولت
يا ابنى ربنا عملنا سجاير طبيعة
نستنشق فيها فتزيد من طاقتنا وقدرتنا وكلما استتنشقنا اكثر كنا اصحاء
قال معقولة يا بابا قولت طبعا
ربنا عمل لينا الاوكسجين نستشنقه ونستمتع بعبيره ترتوى الرئة
فتعطينا الطاقة لكى نبذل الجهد لنعمر الارض التى جعلنا فيها خلفاء
لكن سجاير البشر مختلفة
تتضعف الصحة وتقلل المجهود
بس يا بابا فيه ناس كتيرة بتشرب سجاير
اكيد طبعا يا دم الغزال هايكون كتير
لاءن الناس لما يكون نور الايمان عندها قليل وقلقهم الدائم من الرزق
وعدم ادراكهم لحكمة الله فى ارضه
لاءن شرب السجاير هروب من شيىء
واتزان نفسى غير كامل
قال فعلا يا بابا
ناويت اشرب واستمتع واشرب سجااااااااااااااااااااير
بس سجاير طبيعى طبيعى
ضحكت وقولت ليه
شايف يا ابنى الصورة اللى فوق دى
قال اه صورة قالب ذرة او كوز درة على راى ماما
قولت جميل شوف بقى بيكون متغطى ازاى
قال اه دى حماية ليه علشان يكون نظيف
قولت احنا علينا طبقات من الحماية ربنا اعطاها لينا
وانار لينا الطريق علشان نعملها
لما نبعد عنها
هانتكسف من نفسنا وتتساقط من علينا الطبقات والاوراق
التى تحمينا ونبحث عن من يسترنا بعد فوات الاوان
النهاردة هانشرب سجاير
بكرة نبقى نكون فى قلق
بعده هانكون حيارى
وبعده هايكون الطريق مطباته كتيرة ووووووووووووووو
حافظ على نفسك لآنك كووووووووووووز غالى عاليا
هههههههههههههههههههههههههههههههههههه يا بابا انت يا ضنايا
(فلما ذاقا الشجرة بدت لهما سوآتهما وطفقا يخصفان عليهما من ورق الجنة) ايه 22 الاعراف
دعوة للتأمل فى الاوراق التى تسترنا
قالت انى سأذهب فى عمرة ازور الارض المقدسة
فهل تحتاجون لشيىء
فانهالت الطلبات كلها تعدد الدعوات
فقالت احدهم ادعيلى ارقص
فسمعت الدعوة وانفصلت بروحى
واذا بى اقول
ادعيلى ارقص
فى الجنان مبتهجا" منعما
ارى فيها خير الانام محمدا (ص)
وتحت عرش ربى ساجدا
راقصا من فرحتى باسما
ادعيلى ارقص
مع الاحباء هناك ضاحكا
ضحكة تلو الضحكة راقصا
ينمو فيا الامل شاكرا
ويحيا فيا الثناء على ربى حامدا
ادعيلى ارقص
نزولا صعودا على درجات الجنة اتقلبا
الله الله عليك يا منعمى
لك راجيا محبا عابدا
ارى وجهك الكريم راكعا
ادعيلى ارقص
مع اصحاب احمدا (ص)
مهللا" ورايات التكبير مرحبا
كنتم خير السند
كنتم نجوم المصطفى (ص)
بكم قامت دعوته
بكم يحلو الصفا
ادعيلى ارقص
بين جنبات نفسى متناسقا
القلب يحتضن اضلعى متلهفا
وتحنو العين على وجهى حارسا
وتشهد يدى وارجلى بالخيرات جامعا
ادعيلى ارقص
يا عم ادعى
الكلمات التى سوف تقرؤنها اتت على بالى
فأحببت ان اسجلها جاءت تلقائية بشكل رهيب
عينى عندما كان يمر عليها همس الكلمة
كانت دموع تتساقط منها ولكنها لم تكن ابدا
دموع حزن او الم وانما كانت حالة راحة تواصلت فيها نفسى مع روحى
وهى كلمات اكتبها لنفسى
بيقولوا عليك حيران
بيقولوا عليك حزين
بيقولوا عليك قلب
بيقولوا عليك حب
بيقولوا عليك ودود
بيقولوا عليك رحيم
بيقولوا عليك كريم
بيقولوا عليك سعيد
بيقولوا عليك ربيع
بيقولوا عليك خريف
بيقولوا عليك كلام
بيقولوا عليك حروف
بيقولوا عليك ضمة
بيقولوا عليك فتحة
بيقولوا عليك كسرة
بيقولوا عليك اوهام
بيقولوا عليك احلام
بيقولوا عليك امانى
بيقولوا عليك غاية
بيقولوا عليك هدف
بيقولوا عليك تحدى
بيقولوا عليك اسماء
بيقولوا عليك ذكريات
بيقولوا عليك امل
بيقولوا عليك رجاء
بيقولوا عليك ايمان
بيقولوا عليك عليك
لكن باقووووول ليك
انك انسان كريم
خلقه حنًُان منًان
كرمه فى القرأن
قال هايكون وكان
خليفة فى كل زمان
الله عليك ساجد
مُسبح كده عابد
الله عليك مُكبر
هناك الله اكبر
الله عليك لبيك
فى بيته لبيك لبيك
الله عليك نبى ورسول
الله جنة و رؤية
تحت العرش هاتكون ساجد
ربك انت الوحيد لوجه ناظر
بقربه تسعد وتكون
انسان مش محروم
يا بنى حافظ على وجودك
فى سر اكيد لوجودك
نبيك ليك حافظ
ليك كان نور محافظ
الله عليك
الله عليك
الله عليك انسان
دخلت ام زجزج وقالت فى سخرية تتعالى لها الضحكات
ماتتكلم معايا شوية وتسيب اللاب توب ده هو انا مش اد المقام
قلت سبحان سبحان معقولة ام زجزج تؤمر فى اى وقت
قالت وهى تتضم احدى الشفاتان وتكشر عن الاخرى
ايه رايك فى الاسلوب اليابانى
قولت ياااااااااااابانى قالت اه ماسمعتش عن اليابان
قلت سمعت كل خير تنظيم واحترام لقيمة الوقت غير المجهود والتفانى فى الشغل
قاااااااااالت صح عليك نور
وطبعا نتيجة اهتماهم بالشغل ده والتنظيم
ساعات بتحصل مشاحنات واختلاف فى وجهات النظر فى الشغل
قلت اكيد كل شغل وليه تحدياته ومشاكله
قالت علشان كده عملوا فى بعض الشركات
غرف فيها دميات او عروسة لشكل للمديرين
قلت اه سمعت عن الموضوع ده علشان
لو حصل خلاف مع اى مدير ساعات
الموظف بيكون زعلان وعاوز يفش غليلوه
فيدخل على الدمية فى الغرفة يضرب فيها زاى ماهو عاوز
قالت عليك نور يا ابو العيال
انا بقى عاوزه اعمل كده
اعمل دمية ليك ودمية للعيال
ههههههههههههههههه ضحكت وبلغت ضحكاتى العنان
قولت ماشاء الله ده اخرة اليابانى
واللى يفوته اليابانى هايقول من الصينى اه يانى
قلت طب انا زعلتك فى حاجة يا روح العين
قالت والنبى بلاش كلمتين الرومانسية دول
كفاية انى قولتك انى اروح لاءمى بالعيال
قولت بلاش وعملت فيها الطفل المدلل
تؤتؤ والله ماكان قصدى يا ام العيال انتى بس اللى كنتى عندها من كام يوم
قالت يعنى مازورش اهلى
قلت يا روح قلبى اعتبرنى من اهلك
قالت على العموم انا عملت دمية ليك بالقطن وبالحجم الطبيعى
قلت يا رحيم يا رحيم
قالت اووووووومال علشان تخلى بالك
المرة دى هاتنرفز على الدمية المرة الجاية مين عارف؟
قلت يارب رحماك رحماك ان شاء الله كل خير
وفات اسبوع
دخلت البيت
فتحت باب الغرفة وجدت ام زجزج
فى وضع اه اه تهتز له اركان تربيزة السفرة
تحتضن الدمية وتضربها بيدها وتقول
والله العظيم بحبك يا ابو زجزج يا مضروب
قلت فى صوت عالى تؤتؤ عيب عيب
ابو زجزج موجود
(وش بيغمز)
تحت عنوان قل لمن تحب انا احبك
ستجد فيضان من الاحساس قد تولد
قال لك نعم يا من بالجميل نطق واسهب
